Thursday, 24 May, 2018
ایران کا ڈونلڈ ٹرمپ کے ہر فیصلے کا مقابلہ کرنے کا اعلان

ایران کا ڈونلڈ ٹرمپ کے ہر فیصلے کا مقابلہ کرنے کا اعلان

 

ایران نے امریکہ کو خبردار کیا ہے کہ ایران کے ساتھ کیا جانے والا جوہری معاہدہ منسوخ کر کے اُسے بہت 'پچھتاوا' ہو گا۔ ایران کے صدر حسن روحانی کی جانب سے یہ بیان ایک ایسے وقت میں سامنے آیا ہے جب 12 مئی کو جوہری معاہدے کی توثیق ختم ہونے پر صدر ڈونلڈ ٹرمپ اُسے ختم کرنے پر غور کر رہے ہیں۔

ایران کے سرکاری ٹی وی پر نشر ہونے والی تقریر میں صدر حسن روحانی نے کہا کہ 'اگر امریکہ نے جوہری معاہدے کو ختم کیا تو اُسے تاریخی پچتھاوا ہو گا۔'

ایران کے صدر حسن روحانی نے سبزوار میں ایک عظیم عوامی اجتماع  سے خطاب کرتے ہوئے کہا ہے کہ ایران امریکی صدر ڈونلڈ ٹرمپ کے ہر فیصلے کا مقابلہ کرنے کے لئے آمادہ ہے۔ انھوں نے کہا کہ آئندہ ہفتہ ایران میں کوئی تبدیلی رونما ہونے والی نہیں ہے۔ صدر حسن روحانی نے کہا کہ ہم نے عالمی برادری سے جو وعدے کئے تھے وہ پورے کردیئے ہیں ۔ اگر کسی نے ایرانی قوم کے ساتھ مکر و فریب کرنے کی تلاش و کوشش کی تو اسے مناسب جواب دیا جائے گا۔

انھوں نے صدر ٹرمپ کو تنبیہ کرتے ہوئے کہا کہ 'ایران کے پاس ٹرمپ کے کسی بھی فیصلہ کو جواب دینے کے لیے منصوبہ موجود ہے۔ ایران کا کہنا ہے کہ اس کا جوہری پروگرام پرامن مقاصد کے لیے ہے اور وہ پہلے سے طے کیے گئے معاہدے پر مزید کوئی بات نہیں کرے گا۔

انھوں نے کہا کہ امریکی صدر ٹرمپ نے ایٹمی معاہدے کو امریکی تاریخ کا بد ترین معاہدہ قراردیکر امریکہ کے سابق حکمرانوں کی توہین کی ہے ایران نے کسی کو دھوکہ نہیں دیا امریکہ کے موجودہ صدر دنیا کو فریب دینے کی کوشش کررہے ہیں اور ایک عالمی معاہدے کو توڑنے کی بات کررہے ہیں جبکہ اس معاہدے کو سکیورٹی کونسل کی تائيد  بھی حاصل ہے۔

واضح رہے کہ امریکی صدر ٹرمپ نے یہ دھمکی دی ہے کہ کانگریس اور یورپی ممالک کی جانب سے معاہدے میں موجود 'نقائص' کو ختم نہ کرنے پر امریکہ 12 مئی کو مدت ختم ہونے کے بعد اس معاہدے سے 'نکل' جائے گا۔

۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  73960
کوڈ
 
   
متعلقہ خبریں
ایرانی صدر حسن روحانی نے امریکی صدر ڈونلڈ ٹرمپ کے فیصلے پر ردعمل ظاہر کرتے ہوئے کہا کہ امریکی صدر کا اعلان عالمی معاہدوں کی خلاف ورزی ہے۔ حسن روحانی نے ٹرمپ کے اعلان کے بعد قوم سے براہ راست خطاب کرتے ہوئے کہا کہ ایران
بھارت کو اپنی اس روایتی سوچ کو ترک کرتے ہوئے چین کے بیلٹ اینڈ روڈ منصوبے میں شامل ہونا چاہئے اور بحری تجارت کے راستوں کے تحفظ میں چین کے ساتھ تعاون کرنا چاہیے، چینی دفاعی ماہرین
افغان طالبان نے امریکا کی جانب سے پیش کی جانے والی نئی افغان پالیسی پراپنے رد عمل میں کہا ہے کہ امریکی صدر ڈونلڈ ٹرمپ سابق امریکی صدر جارج بش کی طرح گھمنڈی رویئے کو مسلسل بڑھا رہے ہیں۔ اگر امریکا نے افغان سرزمین سے اپنے فوجیوں کا انخلاء نہیں کیا
اکہتر سالہ نومنتخب بھارتی صدررام ناتھ کووند نے اپنے عہدے کا چارج سنبھال لیا ہے۔ بھارتی سپریم کورٹ کے چیف جسٹس ایس جے کھیر نے ان سے صدر کے عہدے کا حلف لیا۔ انہوں نے نئی دہلی میں ہونے والی ایک تقریب میں حلف اٹھایا۔ کووند دلت ذات سے تعلق رکھنے والے دوسرے سربراہ مملکت ہیں۔

مزید خبریں
بھارت میں شدید گرمی کے باعث مرنے والوں کی تعداد 134ہوگئی بھارتی میڈیا کے مطابق شدید گرمی کے باعث بھارت کی ریاست تلنگانہ ،آندھرا پردیش اور اڑیسہ میں مرنے والوں کی تعداد 134 ہوگئی ہے۔
افغان حکومت نے باچاخان یونیورسٹی حملے میں افغان سرزمین استعمال ہونے کا امکان مسترد کرتے ہوئے کہا ہے کہ افغانستان نے کسی دہشت گرد گروپ کو پناہ نہیں دی جب کہ افغانستان کسی دہشت گرد گروپ کی حمایت بھی نہیں کرتا۔
بھارتی سپریم کورٹ نے تاریخی فیصلہ سناتے ہوئے خواجہ سراؤں کو تیسری جنس کا درجہ دینے کا حکم جاری کیا ہے۔ اب تمام سرکاری دستاویزات میں جنس کے خانے میں تیسری جنس لکھا جا سکے گا۔
افغانستان میں وزارت داخلہ کی عمارت کے قریب خود کش حملے کی نتیجے میں 6 پولیس اہلکار جاں بحق جبکہ دس زخمی ہو گئے ۔

مقبول ترین
پاکستان تحریک انصاف کی رہنما فوزیہ قصوری نے پارٹی سے استعفٰی دے دیا۔ فوزیہ قصوری نے ٹوئٹر پر اپنے پیغام میں لکھا کہ اپنا استعفیٰ پارٹی چیئرمین عمران خان اور دیگر پارٹی قائدین کو بھیج دیا ہے۔ فوزیہ قصوری نے سوشل میڈیا پر اپنے استعفے
گوگل کمپنی نے مصنوعی ذہانت یعنی آرٹیفیشل انٹیلیجنس کا استعمال کرتے ہوئے 'گوگل نیوز ایپ' کو اَپ ڈیٹ کر دیا ہے جس سے صارفین کو خبروں کے حصول میں مزید آسانی ہوگی۔
ملک پر قرضوں کے بوجھ میں خطرناک حد تک اضافہ ہوگیا اور غیر ملکی قرضوں کا حجم تاریخ کی بلند ترین سطح پر جا پہنچا، رواں مالی سال کے پہلے 9ماہ میں 5 ارب ڈالر غیر ملکی قرضوں کی مد میں ادا کیے گئے ہیں جبکہ مجموعی طورپر رواں مالی سال
دنیا بھر کے اسلامی ممالک میں جہاں رمضان المبارک کا استقبال مختلف طریقوں سے کیا جاتا ہے وہیں بعض ممالک میں اس ماہ مقدس کو لے کر کچھ روایتیں بھی عام ہیں جس کے تحت سعودی عرب میں برتنوں کو دھونی دینے کی ایک خاص روایت ہے۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں