Monday, 01 June, 2020
’’سی پیک‘‘ کے مخالفین کو کیسے مات دی جاسکتی ہے؟

’’سی پیک‘‘ کے مخالفین کو کیسے مات دی جاسکتی ہے؟
تنویر قیصر شاہد کا کالم

 

چین پاکستان اکنامک کوریڈور، جسے عرفِ عام میں ’’سی پیک‘‘(CPEC) کے نام سے یاد کیاجاتا ہے، میں چینی سرمایہ کاری ساٹھ ارب ڈالر کے ہندسے کو چھُورہی ہے۔ پاکستان کی پچھلی سات عشرہ کی تاریخ میں دنیا کے کسی ملک نے ہمارے ہاں اتنی بڑی سرمایہ کاری نہیں کی۔ گویا کہا جاسکتا ہے کہ چین نے پاکستان کے ساتھ گزشتہ سات دہائیوں پر پھیلی دوستی اور اعتماد کی بنیاد پر ’’سی پیک‘‘ کے نام سے پاکستان میں بیک وقت60 ارب ڈالر کا سرمایہ لگانے کا فیصلہ کیا؛ چنانچہ پاکستان کے نکتہ نظر سے اسے بجا طور پر صرف Game Changerہی نہیں بلکہFate Changerبھی کہا جارہا ہے۔

اور یہ بات کسی کو پسند آئے یا نہیں، لیکن یہ تاریخی واقعہ ہے کہ اِس عظیم منصوبے کا سہرا جناب نوازشریف کے سر بندھتا ہے۔ یقیناً اس میں جناب شہباز شریف کی بھی برابر کی توانائیاں صَرف ہُوئی ہیں۔جناب احسن اقبال کی بھاگ دوڑ بھی نظر انداز نہیں کی جا سکتی۔ سیاسی حاسدین اور مخالفین کی طرف سے ’’سی پیک‘‘ کے پس منظر میں دونوں شریف برادران پر چند ایک الزامات بھی لگے ہیں لیکن اِس کے باوصف پاکستان کامیابیوں سے ہمکنار ہو کر رہے گا۔ انشاء اللہ۔

رابطہ کاری میں آسانیاں پیدا ہوں گی، توانائی کے میدان میں وطنِ عزیز کو جو سنگین مسائل درپیش ہیں اُن کا خاتمہ ہوگا اور ملک بھر کا انفرااسٹرکچر جدید خطوط پر استوار ہو سکے گا۔’’سی پیک‘‘ کے پیش منظر اور پس منظر میں ہمیں اچھے خواب دکھائے گئے ہیں۔ ہم سب ان خوابوں کی مثبت تعبیر کے منتظر ہیں۔ اطمینان بخش بات یہ ہے کہ ہماری عسکری اور سیاسی قیادتیںاس معاملے میں ایک پیج پر ہیں۔ متعلقہ فریقین ہاتھوں میں ہاتھ دے کر آگے بڑھنے اور طے شدہ وقت میں ایک مشترکہ منزل پر پہنچنے کی کوششیں کررہے ہیں۔

چین پاکستان اقتصادی راہداری کے حوالے سے ہمارے خواب اور منصوبے جتنے بڑے ہیں، ہمارے دشمن بھی اُتنے ہی بڑے اور منصوبہ ساز ہیں۔ ان دشمنوں میں پرائے تو شامل ہیں ہی، بدقسمتی سے چند ایک ’’اپنے‘‘ بھی ہیں۔ یہ مگر کوئی غیر حقیقی اور غیر فطری بات نہیں ہے۔ جہاں جہاں مالی مفادات ہوں گے، وہاں وہاں ایسے تصادم اور سازشیں جنم لیتی رہی ہیں اور آیندہ بھی جنم لیتی رہیں گی۔ ہمارا مگر خاص امتحان یہ ہے کہ ہم متحد اور متفق ہو کر ’’سی پیک‘‘ کے دشمنوں کو کیسے مات دے سکتے ہیں؟

معاندینِ پاکستان کی، سی پیک کے ریفرنس میں، پاکستان کے خلاف جھوٹ اور کذب پر مبنی بساط کو ہم مل کر کیسے اُلٹ سکتے ہیں؟ یعنی تُو خنجر آزما، ہم جگر آزمائیں۔یہ مقابلے کی دنیا ہے۔ کمزور پر کوئی ترس نہیں کھاتا۔ یہاں وہی زندہ رہتا ہے جس میں زندہ رہنے کی رمق باقی ہے اور جو اپنے اندر مخالف کے مقابل مزاحمت کی ہمت بھی رکھتا ہے: ’’ہو صداقت کے لیے جس دل میں مرنے کی تڑپ ؍پہلے اپنے پیکرِ خاکی میں جاں پیدا کرے۔‘‘ لازم ہے کہ ہم اپنی انٹیلی جنس ایجنسیوں پر بھی یقین رکھیں۔قوی امید ہے کہ ہمارے خفیہ اداروں کے جملہ وابستگان بھی ’’سی پیک‘‘ کے مختلف النوع دشمنوں پر ایسی کڑی نگاہ رکھیں گے کہ قوم کو کسی مقام پر اُن سے شکوہ کرنے کا موقع نہ ملے۔

ہمارے اور’’سی پیک‘‘ کے دشمن بخوبی جانتے ہیں کہ اگر ساٹھ ارب ڈالر کا یہ ترقیاتی منصوبہ کامیابی سے تمام منازل اور زینے طے کر گیا تو پاکستان ایک طاقتور علاقائی کھلاڑی کے طور پر سامنے آئے گا؛ چنانچہ معاندینِ پاکستان کی کوششیں ہیں کہ ترقی کی جانب جاتے پاکستان کے راستے مسدود کر دیے جائیں۔ اس مقصد کے لیے ’’سی پیک‘‘ کے مخالفین میدان میں ہیں اور اپنے ہتھکنڈے آزما رہے ہیں۔ ان مخالفین کے چہرے اتنے عیاں اور جانے پہچانے ہیں کہ ہمیں ان کے نام بھی لینے کی ضرورت نہیں ہے۔انھی میں سے ایک نے چھاتی بجاتے ہُوئے اعلان کیا تھاکہ’’ہم پاکستان کو دنیا کی قوموں میں اتنا تنہا کردیں گے کہ یہ سی پیک کی تکمیل کا خواب بھول جائے گا۔‘‘

اتنا تکبّر!!ہمارے ان دشمنوں نے ہماری مشرقی اور مغربی سرحدوں پر محاذ کھولے ہیں۔ ایل اوسی کے اِس پار ہمارے سیکڑوںشہریوں کا خون کیا ہے۔ ہمارے سب سے بڑے صوبے، جہاں گوادرکے مقام پر ’’سی پیک‘‘ کو اختتام پذیر ہونا ہے، میں انارکی اور بدامنی پیدا کرنے کی منصوبہ بندیاں بروئے کار لائی گئی ہیں۔ ہمارے دشمنوں نے اس صوبے کے خلاف برطانیہ اور جنیوا میں اشتہارات اور بینروں کا سہارا لے کر غلط فہمیاں پھیلانے کی ناکام کوششیں کی ہیں۔

مقصد فقط یہی تھا کہ ’’سی پیک‘‘ کا تیزی سے آگے بڑھتا راستہ رُک جائے۔اِسی سلسلے میں ایک نئی شیطانی مہم بروئے کار ہے۔ پاکستان کے ایک سیاسی ادارے کا نام لے کر کہا جا رہا ہے کہ’’ گوادر کی بندرگاہ سے ہونے والی آمدنی کا 91 فیصد حصہ اگلے چالیس برسوں تک چین کو ملتا رہے گا۔‘‘ اس کے ساتھ ہی ہمارے میڈیا میں یہ خبر بھی سامنے آئی ہے کہ ’’چین نے گوادر میں چینی کرنسی رائج کرنے کے لیے پاکستان سے درخواست کی ہے۔‘‘ اِسے مسترد کر دیا گیا۔

یہ بیہودہ خبر بھی زیر گردش ہے کہ ڈھائی کروڑ چینی شہری بلوچستان میں بسائے جانے کی منصوبہ بندی ہو رہی ہے۔ یا جیسا کہ 5 دسمبر2017ء کو ایک انگریزی معاصر نے یہ خبر شایع کی کہ ’’چین نے سی پیک کے تحت بننے والی تین سڑکوں (کُل لمبائی 456کلومیٹر) کے فنڈز (ایک کھرب روپے) عارضی طور پر روک لیے ہیں۔‘‘ آخر ان خبروں کو پھیلانے کا مقصد کیا ہے؟ یہ کون پھیلارہا ہے؟ بظاہر یہی نظر آتا ہے کہ چین کے خلاف اتنی بے بنیاد غلط فہمیاں پھیلا دی جائیں کہ ’’سی پیک‘‘ کے راستے میں پہاڑ کھڑے ہو جائیں۔

بِلاشبہ ’’سی پیک‘‘ کا راستہ دشواریوں اور کانٹوں بھرا ہے۔ قدم قدم پر آزمائش۔ ان کانٹوں کو کامیابی سے چُننے اور دشواریوں کو عبور کرنے میں ہی ہماری قومی کامیابی ہے۔ ’’سی پیک‘‘ کے راستے کی تعمیر میں اب تک ہمارے کئی سویلین اور فوجی جوان شہادتیں پا چکے ہیں۔ کسی کو ان کی صحیح تعداد کا علم نہیں ہے لیکن ایک محتاط انداز ے کے مطابق، دودرجن سے زائد ہو چکے ہیں۔ چین کو بھی ہماری ان شہادتوں کا بخوبی علم ہے کہ چین کے اپنے کئی شہری اور انجینئرزبھی اِسی راہ میں جانیں نچھاور کر چکے ہیں۔دشمنوں کی توقعات مگر پوری نہیں ہو سکی ہیں کہ پاکستان اور چین اب بھی ہمقدم اور ہمنوا ہیں۔

ضرورت مگر اِس امر کی بھی ہے کہ پاکستان میں پندرہ ہزار سے زائد جو چینی کارکنان مختلف پراجیکٹس پر کام کررہے ہیں، اُن کے تحفظ کے لیے ’’نیکٹا‘‘ کو بھی بروئے کارآنا چاہیے۔ اِس کے علاوہ ’’سی پیک‘‘ کے تمام منصوبوں اور ان پر مامور چینی انجینئرز کی حفاظت کے لیے مبینہ طور پر سیکیورٹی فورسز کے جن خصوصی دستوں کی تعیناتی کا اعلان کیا جا چکاہے، انھیں بھی سامنے لایا جائے تاکہ دشمنانِ ’’سی پیک‘‘ کو بھی معلوم ہو سکے کہ اُن کی سازشوں کا کامیاب ہونا اتناآسان اور سہل نہیں ہے۔وہ ہزاروں چینی کارکنان جو ’’سی پیک‘‘ کے تحت پاکستان بھر میں کام کررہے ہیں، وہ ثقافتی اور اپنے لائف اسٹائل کی بنیاد پر پاکستانی عوام سے بالکل ہی الگ تھلگ ہیں۔

ان چینیوں کی تعداد میں روز بروز اضافہ ہو رہا ہے؛ چنانچہ پاکستانی عوام اور چینی کارکنان کے درمیان جو مختلف النوع ’’خلیج‘‘ حائل ہے،ہو سکتا ہے کہ پاکستانی اور چینی نوجوان وفود کے بکثرت باہمی تبادلے ہوں۔ ایک دوسرے کی چنیدہ فلموں کو سینماؤں میں دکھایا جائے۔ ہماری اور چینی لائبریریوں میں پاکستان اور چین کے جدید و کلاسیکل ادب پر مشتمل اچھی اچھی کتابیں رکھی جائیں تاکہ دونوں ممالک کے متعلقہ افراد ایک دوسرے کو بخوبی سمجھ سکیں ۔’’پیمرا‘‘ کو بھی آنکھیں کھلی رکھنی چاہیئں تاکہ الیکٹرانک میڈیا پر ’’سی پیک‘‘ کے خلاف کوئی بے بنیاد اور منفی بات نشر نہ ہو سکے۔ ایسا ہو جائے تو’’سی پیک‘‘ کے خلاف دشمنوں کا ہر ممکنہ راستہ روکا جاسکتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بشکریہ ’’روزنامہ ایکسپریس‘‘
نوٹ: مبصر ڈاٹ کام ۔۔۔ کا کالم نگار، بلاگر یا مضمون نگار کی رائے سے متفق ہونا ضروری نہیں ۔۔۔ اگر آپ بھی ہمارے لیے کالم / مضمون یا اردو بلاگ لکھنا چاہتے ہیں تو قلم اٹھائیے اور 500 الفاظ پر مشتمل تحریر اپنی تصویر، مکمل نام، فون نمبر اور مختصر تعارف کے ساتھ info@mubassir.com پر ای میل کریں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  69247
کوڈ
 
   
متعلقہ کالم
ڈیڑھ صدی قبل ایک سوئس تاجر کی جانب سے خدمت ِ انسانیت کیلئے ''تحریک'' اب پوری دنیا میں ریڈکراس اور ہلالِ احمر کی صورت موجود ہے۔ جنگی زخمیوں کی دیکھ بھال کی ہنری ڈوننٹ کی سوچ نے رضاکارانہ جذبوں کو فروغ دیا اور آج ہر مذہب کا
عالمی ادارہ صحت نے خدشہ کا اظہار کیا ہے کہ جولائی کے وسط تک پاکستان میں 2 لاکھ کورونا وائرس کے کیسز ہوسکتے ہیں، ڈبیلو ایچ او کو اس پر بھی تشویش ہے کہ سندھ اور پنجاب میں عالمی وبا سے متاثر افراد کی تعداد تیزی سے بڑھ رہی ،اس پر یہ دلیل بھی سامنے آچکی کہ لاک ڈاؤن میں مذید 2 ہفتوں کی توسیع کی ایک وجہ دراصل یہی ڈبلیو ایچ او کی وارننگ ہے
وقت کے گرد وپیش سے بچنا یہ حالات کے نشیب و فراز سے مستثنٰی ہونا نہ صرف ناممکن بلکہ محال ہے مگر اسی طرح حالات کو مدنظر رکھتے ہوئے زندگی کو ایک بہترین ڈگر پر چلانا انتہائی آسان ہے __
سعودی اور اماراتی معیشت دن بدن زبوں حالی کا شکار ہورہی ہے۔ ایسے میں انصار اللہ کے سپاہیوں نے مختلف محاذوں پر کامیابی حاصل کی ہے لہٰذا یمن پر آگ برساتی جنگ بندی تو اس جنگ کے خاتمے کا ذریعہ بنتی دکھائی نہیں دیتی لیکن دست قدرت کی کار فرمائی سے مظلوموں کو آخرکار نجات ضرور ملے گی۔

مزید خبریں
کورونا وائرس پاکستان ہی نہیں ہی دنیا بھر میں اپنی پوری بدصورتی کے ساتھ متحرک ہے ، تشویشناک یہ ہےاس عالمی وباء کے نتیجے میں ہمارے ہاں اموات کا سلسلہ بھی شروع ہوچکا،
وزیراعلیٰ سندھ مراد علی شاہ نے کورونا وائرس کے مزید پھیلاؤ کے خطرے کو مدنظر رکھتے ہوئے اضلاع کی سطح پر قرنطینہ مرکز بنانے کی ہدایت کردی ہے۔
وزارت قانون و انصاف نے صدر مملکت ڈاکٹر عارف علوی کی منظوری سےخالد جاوید خان کو انور منصور کی جگہ پاکستان کا نیا اٹارنی جنرل تعینات کرنے کا باضابطہ نوٹی فیکیشن جاری کر دیا ہے۔
اسلام آباد: ہائر ایجوکیشن کمیشن (ایچ ای سی) اور مائیکروسافٹ نے Imagine Cup 2020میں نیشنل یونیورسٹی آف انجینئرنگ اینڈ ٹیکنالوجی (نسٹ)، اسلام آباد کی ٹیمFlowlines کو نیشنل فائنل 2020کا فاتح قرار دیاہے۔نسٹ کی ٹیم نے ملک بھر کی 60 فائنلسٹ ٹیموں میں بہترین کارکردگی دکھائی۔

مقبول ترین
صنعا: سعودی فوجی اتحاد کی جانب سے یمن کے خلاف جاری جنگ میں متعدد بار سیز فائر کے اعلان کے باوجود سعودی حملے جاری ہیں۔ سعودی عرب کے جارح اتحاد نے مغربی یمن کے الحدیدہ صوبے پر توپخانے سے شیلنگ کر کے بیس افراد کو شہید اور زخمی کر دیا ہے۔
امریکہ میں پولیس کے ہاتھوں کے سیاہ فام شخص کے قتل سے خراب ہونے والے حالات مزید کشیدہ ہوگئے ہیں اور دارالحکومت سمیت 13 شہریوں میں کرفیو نافذ کر دیا گیا ہے۔ امریکی پولیس نے ملک میں ہونے والے مظاہروں کے دوران اب تک 2564 افراد کو گرفتار کرنے کا اعلان کیا ہے تاہم گرفتار ہونے والوں کی تعداد 4 ہزار سے زائد ہے۔
وزارت خزانہ نے یکم جون سے پیٹرولیم مصنوعات کی قیمتوں میں ردو بدل کا اعلامیہ جاری کر دیا۔ وزارت خزانہ کے نوٹیفکیشن کے مطابق پیٹرول کی قیمت میں فی لیٹر 7 روپے 6 پیسے کمی کی گئی ہے جس کے بعد نئی قیمت 74 روپے 52 پیسے فی لیٹر ہوگی۔
ایران کے اسپیکر نے اسلامی انقلاب کو دنیا کے سرمایہ دارانہ نظام کا مقابلہ کرنے کا بہترین نمونہ قرار دیا۔امریکہ سے شہید قاسم سلیمانی کا بدلہ اسے خطے سے نکال کر لیا جائے گا۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں