Wednesday, 22 January, 2020
کیا خلیل الرحمٰن قمر اور ایشل فیاض کی شادی ہوچکی ہے؟

کیا خلیل الرحمٰن قمر اور ایشل فیاض کی شادی ہوچکی ہے؟

پاکستان کے نامور ہدایت کار خلیل الرحمٰن قمر ویسے تو اپنی پروجیکٹس کے باعث خبروں میں رہتے ہیں تاہم گزشتہ کئی دنوں سے ان کی ذاتی زندگی کے حوالے سے بھی بہت سی افواہیں سامنے آرہی ہیں۔

خلیل الرحمٰن قمر نے 1985 میں اپنی کزن سے پسند کی شادی کی تھی اور ان کے ساتھ وہ کامیاب ازدواجی زندگی بھی گزار رہے ہیں۔

حال ہی میں ایک انٹرویو کے دوران خلیل الرحمٰن اور ان کی فیملی سے خلیل الرحمٰن کی دوسری شادی سے متعلق سوال کیا گیا جس پر ان سب نے خاموشی اختیار کی، جس کے بعد یہ افواہیں سامنے آنے لگی کہ خلیل الرحمٰن قمر نے اپنی فلم 'کاف کنگنا' کی اداکارہ ایشل فیاض سے دوسرے شادی کرلی ہے۔

دونوں کی شادی سے متعلق کئی خبریں انٹرنیٹ پر سامنے آتی رہیں تاہم اب خلیل الرحمٰن قمر اور ایشل فیاض دونوں نے ہی ان خبروں کو بےبنیاد ٹھہراتے ہوئے ایسی افواہیں وائرل کرنے والون کو تنقید کا نشانہ بنایا۔

خلیل الرحمٰن کے آفیشل فین اکاؤنٹ پر جاری ایک بیان میں انہوں نے ایشل فیاض کے ساتھ دوسری شادی کی خبروں کو مسترد کرتے ہوئے لکھا کہ 'میں کاف کنگنا کی اداکارہ سے اپنی شادی کی بےبنیاد خبروں کی تردید کرتا ہوں، یہ نہایت شرمندگی کی بات ہے کہ لوگ کسی کی زندگی میں دخل اندازی کریں اور ان کی شخصیت کو منفی انداز میں پیش کرنے کی کوشش کریں'۔

انہوں نے مزید لکھا کہ 'میں یہ واضح کردوں کہ میرے اور اس ہیروئن کے درمیان کوئی تعلق نہیں، ہم صرف ایک پروجیکٹ پر ساتھ کام کررہے تھے'۔

دوسری جانب کاف کنگنا میں کام کرنے والی اداکارہ ایشل فیاض کا بھی ایک ویڈیو پیغام سامنے آیا جس میں انہوں نے واضح کیا کہ وہ اب تک غیر شادی شدہ ہیں اور اپنے کیریئر پر فوکس کررہی ہیں۔

ایشل کا کہنا تھا کہ 'ان قیاس آرائیوں میں کوئی سچائی نہیں، میری کسی سے بھی شادی نہیں ہوئی اور میں غیر شادی شدہ ہوں'۔

ان کا مزید کہنا تھا کہ 'میرا خلیل الرحمٰن قمر کے ساتھ صرف ہدایت کار اور اداکارہ کا تعلق ہے، اس کے علاوہ اور کچھ نہیں'۔

انہوں نے ایسی بےبنیاد خبریں وائرل کرنے والوں کو تنقید کا نشانہ بناتے ہوئے کہا کہ کسی کو حق نہیں کہ وہ ان کے حوالے سے ایسی جھوٹی خبریں سوشل میڈیا پر وائرل کرے۔

اداکارہ کے مطابق 'یہ بےبنیاد خبریں ہیں، میں اس وقت ڈراموں، فلموں پر کام کررہی ہوں، جب بھی میں شادی کروں گی سب کو ضرور بتاؤں گی، فی الحال میرا ایسا کوئی ارادہ نہیں میں صرف اپنے کام پر فوکس کررہی ہوں'۔

ایشل فیاض اپنے انسٹاگرام پر اسٹوری کے ذریعے بھی شیئر کیا کہ ان کی اور خلیل الرحمٰن قمر کی شادی نہیں ہوئی۔

خیال رہے کہ ایشل فیاض نے خلیل الرحمٰن کی پہلی فلم 'کاف کنگنا' کے ساتھ ڈیبیو کیا تھا جو کہ گزشتہ سال سامنے آئی۔

یہ فلم باکس آفس پر اچھی کمائی نہیں کرسکی تھی جبکہ اسے تجزیہ کاروں کے بھی منفی ریویوز ملے۔
بشکریہ ڈان

۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ

کیا خلیل الرحمٰن قمر اور ایشل فیاض کی شادی ہوچکی ہے؟
اپنا تبصرہ دینے کے لیے نیچے فارم پر کریں
   
نام
ای میل
تبصرہ
  10032
کوڈ
 
   
مزید خبریں
اسپیکٹیٹر انڈیکس نے سال 2019 کی د نیا میں رہائش کے لیے خطرناک ترین ممالک کی فہرست جاری کر دی ہے۔ اس فہرست کے مطابق بھارت رہائش کے لیے خطرناک ترین ممالک کی فہرست میں پانچویں نمبر پر آ گیا ہے جبکہ پہلے نمبر پر برازیل، دوسرے پر ساؤتھ افریقہ، تیسرے پر نائجیریا اور چوتھے پر ارجنٹینا ہے۔
صبح سویرے اسکول جاتے وقت ہم عجیب مسابقت میں پڑے رہتے تھے پہلا مقابلہ یہ ہوتا تھا کہ کون سب سے تیز چلے گا دوسرا شوق سلام میں پہل کرنا۔ خصوصاً ساگری سے آنیوالے اساتذہ کو سلام کرنا ہم اپنے لیے ایک اعزاز تصور کرتے تھے۔
چینی دفترخارجہ کے ترجمان گینگ شوانگ نے ہفتہ وار پریس کانفرنس کے دوران سوالوں کے جوابات دیتے ہوئے کہا کہ مسئلہ کشمیر ایک تاریخی مسئلہ ہے جسے اقوام متحدہ کے چارٹر اور سلامتی کونسل کی متعلقہ قراردادوں کی روشنی میں پر امن طریقے
سوشل میڈیا کے اس دور میں پروپیگنڈہ کرنا اور عوام الناس کو متاثر کرنا انتہائی آسان ہو چکا ہے۔ نیم خواندہ یا ان پڑھ لوگ تو درکنار انتہائی پڑھے لکھے افراد بھی بآسانی اس کا شکار ہو جاتے ہیں۔

مقبول ترین
ماں۔۔۔۔مجھے معلوم تھا کہ آپ میرے اس عارضی دنیا میں واپس آنے کے لیے کتنی پرجوش تھیں۔۔۔۔۔یہ لیں، آج آپ کی دیرینہ خواہش پوری کیے دے رہی ہوں۔۔۔۔ارے دیرینہ یوں بولا ہے کہ جب سے میرا آپ کا ساتھ چھوٹا، وہ بندھن ٹوٹا جس نے مجھے آپ کی سانسوں کی ڈور سے باندھ رکھا تھا،تب سے محسوس ہونے لگا کہ اب مجھ میں کچھ باقی نہیں رہا۔
وزیراعظم عمران خان اور امریکی صدر ڈونلڈ ٹرمپ کے درمیان ورلڈ اکنامک فورم کے موقع پر اہم ملاقات ہوئی جس میں باہمی دلچسپی کے امور اور اہم ایشوز پر تبادلہ خیالات کیا گیا۔ ورلڈ اکنامک فورم کی سائیڈ لائنز پر ہونے والی اس اہم ملاقات میں امریکی
حکومت اور اپوزیشن نے نئے چیف الیکشن کمشنر کے لیے سکندر سلطان راجہ کے نام کا اعلان کردیا ہے۔ الیکشن کمیشن ممبران و چیف الیکشن کمشنر کی تقرری کے لیے چیئرپرسن شیریں مزاری کی زیر صدارت حکومت اور اپوزیشن کی پارلیمانی
وزیراعظم عمران خان عالمی اقتصادی فورم (ورلڈ اکنامک فورم) کے سالانہ اجلاس میں شرکت کے لیے سوئٹزرلینڈ کے شہر ڈیووس روانہ ہوگئے۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں