Wednesday, 22 January, 2020
تکبر عزازیل را خار کرد - به زندان لعنت گرفتار کرد

تکبر عزازیل را خار کرد - به زندان لعنت گرفتار کرد

پرندہ درویش از فیصل ایچ نتھوکہ

یہ فارسی اشعار مرشد اقبال ؒ مولانا روم کے ہیں جس میں شیطان کا حوالہ دیتے ہوئے مولانا فرما رہے کہ ابلیس کو تکبر نے برباد کر دیا اور اپنے علم پر غرور کرنے کی وجہ سے لعنتی ہو گیا۔ شیطان نے حضرت آدم علیہ السلام کو کمتر سمجھا اور خود کو افضل و اعلی جانا اور ہمیشہ کیلئے لعنت کا مستحق ٹھہرا۔ 

   عزیزان محترم ! کسی مومن مرد و عورت کی آبروریزی کرنا کسی بھی ایسی بات پر چاہے اس میں وہ خامی موجود ہو یا نہ ہو سخت گناہ بھی ہے اور معاشرتی حوالہ سےبھی اس کے بہت سارے نقصانات بھی ہیں ۔ جب آپ کسی پر طنزیہ جملہ کستے ہیں یا اس کی کسی بھی بات کا مذاق اڑاتے ہیں یا کسی غلطی پر سرزنش کے بہانے اس کی تذلیل کرتے ہیں تو اصل میں آپ اس کی شخصیت کو پامال کر رہے ہوتے ہیں جو کہ قطعا قابل قبول نہیں ہے۔ یاد رکھیے جو کسی کی آبروریزی کرتا ہے خداوند متعال اس کی عزت معاشرے میں کم کر دیتا ہے جو بظاہر نظر نہ آنے والی چیز ہے لیکن آہستہ آہستہ اس کے اثرات آنا شروع ہو جاتے ہیں اور وہ شخص تکبر کی وجہ دنیا میں ذلت کی مثال بن کر رہ جاتا ہے۔ اس میں کوئی شک نہیں کہ عزت اور ذلت میرے اللہ کے پاس ہے جسے چاہے عزت دے اور جسے چاہے ذلت دے۔ جب اللہ کے مقرب بندوں میں شامل ہو جائیں گے تو یقینا اللہ ہمیں عزت سے نوازے گا۔ 

 مذاق اڑانا کے حوالے اللہ تعالی نے واضح الفاظ میں قرآن حکیم میں آیت نازل کی ہے جس سے اس موضوع کی سنجیدگی کا اندازہ لگایا جا سکتا ہے۔ 

            ”اے ایمان والو! نہ مردوں کی کوئی جماعت دوسرے مردوں کا مذاق اڑائے ممکن ہے وہ ان سے بہتر ہوں اور نہ عورتیں دوسری عورتوں کا مذاق اڑائیں کیا عجب وہ ان سے بہتر نکلیں۔ (الحجرات 11:49)

           معزز قارئین اخلاق حسنہ کا بھی درس یہی ہے کہ کسی کو بھی اپنے سے کمتر یا حقیر مت جانیں اور تکبر کی بھی ابتداء یہی ہے لازمی بات ہے جب آپ کسی کا مذاق اڑاتے ہیں تو اس کا مطلب آپ اس کو خود سے کمتر جانتے ہوئے اس کی تحقیر کرتے ہیں۔  مذاق اڑانا ایک شخص کی تحقیر کرنا اور اسے بے عزت کرنا ہے۔ اسی لئے روایات  میں کسی کی آبرو  کو نقصان پہچانے کی واضح الفاظ میں مذمت کی گئی ہے۔ 

حضرت علی علیہ السلام کاقول ہے۔۔۔۔۔کہ جناب رسول خدا صلی اللہ علیہ و الہ وسلم نے فرمایا ۔۔۔۔جو کوئی کسی مسلمان کی آبروریزی کرے گا تو اس پر اللہ اس کے فرشتوں اور تمام لوگوں کی لعنت ہوتی ہے اس کی نفل اور فرض عبادت قبول نہیں ہوگی

دوسری جانب تکبر کی قرآ ن و حدیث  میں سخت الفاظ میں مذمت بیان ہوئی ہے۔

 

أَلَيْسَ فِي جَهَنَّمَ مَثْوًى لِلْمُتَكَبِّرِينَ 

 

 (کیا جہنم ان لوگوں کی جگہ نہیں جو متکبر ہیں)  سورة {الزمر} آیت نمبر {۶۰}

 

عبداللہ بن مسعود رضی اللہ تعالیٰ عنہ سے روایت ہے کہ نبی صلی اللہ علیہ وآلہ وسلم نے ارشاد فرمایا کہ جس کے دل میں رائی کے دانہ کے برابر بھی تکبر ہوگا وہ جنت میں نہیں جائے گا اس پر ایک آدمی نے عرض کیا کہ ایک آدمی چاہتا ہے کہ اس کے کپڑے اچھے ہوں اور اس کی جو تی بھی اچھی ہو آپ صلی اللہ علیہ وآلہ وسلم نے ارشاد فرمایا کہ اللہ جمیل ہے اور جمال ہی کو پسند کرتا ہے تکبر تو حق کی طرف سے منہ موڑنے اور دوسرے لوگوں کو کمتر سمجھنے کو کہتے ہیں۔

 

( صحیح مسلم:جلد اول:حدیث نمبر 266)

۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  63287
کوڈ
 
   
مزید خبریں
صبح سویرے اسکول جاتے وقت ہم عجیب مسابقت میں پڑے رہتے تھے پہلا مقابلہ یہ ہوتا تھا کہ کون سب سے تیز چلے گا دوسرا شوق سلام میں پہل کرنا۔ خصوصاً ساگری سے آنیوالے اساتذہ کو سلام کرنا ہم اپنے لیے ایک اعزاز تصور کرتے تھے۔
عزیزان۔۔۔! بہت آسان ہے ہر رات ٹی وی ڈرامہ کا انتخاب کرنا یا کسی فلم کو دیکھنے کے لیے دیر تک جاگنا۔۔ بہت مشکل ہے ٹھنڈی اور تاریک رات میں اپنے بچوں اور والدین سے دور برفباری جیسے موسم کے اندر اپنا فرض نبھانا۔۔

مقبول ترین
ماں۔۔۔۔مجھے معلوم تھا کہ آپ میرے اس عارضی دنیا میں واپس آنے کے لیے کتنی پرجوش تھیں۔۔۔۔۔یہ لیں، آج آپ کی دیرینہ خواہش پوری کیے دے رہی ہوں۔۔۔۔ارے دیرینہ یوں بولا ہے کہ جب سے میرا آپ کا ساتھ چھوٹا، وہ بندھن ٹوٹا جس نے مجھے آپ کی سانسوں کی ڈور سے باندھ رکھا تھا،تب سے محسوس ہونے لگا کہ اب مجھ میں کچھ باقی نہیں رہا۔
وزیراعظم عمران خان اور امریکی صدر ڈونلڈ ٹرمپ کے درمیان ورلڈ اکنامک فورم کے موقع پر اہم ملاقات ہوئی جس میں باہمی دلچسپی کے امور اور اہم ایشوز پر تبادلہ خیالات کیا گیا۔ ورلڈ اکنامک فورم کی سائیڈ لائنز پر ہونے والی اس اہم ملاقات میں امریکی
حکومت اور اپوزیشن نے نئے چیف الیکشن کمشنر کے لیے سکندر سلطان راجہ کے نام کا اعلان کردیا ہے۔ الیکشن کمیشن ممبران و چیف الیکشن کمشنر کی تقرری کے لیے چیئرپرسن شیریں مزاری کی زیر صدارت حکومت اور اپوزیشن کی پارلیمانی
وزیراعظم عمران خان عالمی اقتصادی فورم (ورلڈ اکنامک فورم) کے سالانہ اجلاس میں شرکت کے لیے سوئٹزرلینڈ کے شہر ڈیووس روانہ ہوگئے۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں