Sunday, 20 September, 2020
عالم اسلام روہنگیا مسلمانوں کو ریاستی جبر وتشدد سے نجات دلائے،شیخ اسماعیل نواھضہ

عالم اسلام روہنگیا مسلمانوں کو ریاستی جبر وتشدد سے نجات دلائے،شیخ اسماعیل نواھضہ

بیت المقدس -مسجد اقصیٰ کے امام وخطیب الشیخ اسماعیل نواھضہ نے برما میں مسلمانوں پر ڈھائے جانے والے مظالم کی شدید مذمت کی اور عالم اسلام پر زور دیا کہ وہ روہنگیا مسلمانوں کو ریاستی جبر وتشدد سے نجات دلانے کے لیے موثر اقدامات کریں۔انہوں نے فلسطینی قوم کے خلاف صہیونی ریاست کے مظالم کی شدید مذمت کرتے ہوئے خبردار کیا ہے کہ القدس اور الخلیل شہر کو صہیونی دشمن کی جانب سے منظم جارحیت کاسامنا ہے۔ 

فلسطین نیوز کے مطابق مسجد اقصیٰ کےامام وخطیب الشیخ اسماعیل نواھضہ نے کہا کہ برما کے مسلمانوں کی منظم انداز میں نسل کشی کی جا رہی ہے۔مسجد اقصیٰ میں اجتماع سے خطاب کرتے ہوئےانہوں نے کہا کہ اسرائیل القدس اور الخلیل شہروں کے باشندوں پر اجتماعی سزائیں مسلط کررہا ہے۔ بیت المقدس اور مقبوضہ الخلیل میں مذہبی، تاریخی اور جغرافیائی علامات تبدیل کی جا رہی ہیں۔ بیت المقدس اور الخلیل کو صہیونی ریاست کی جانب سے منظم انداز میں یہودیانے کی سازشوں کا سامنا ہے۔

انہوں نے کہا کہ اسرائیل نے مسجد اقصیٰ کے باب الرحمہ کو سنہ 2004ء میں بند کیا اور یہ بندش آج تک جاری و ساری ہے۔ صہیونی ریاست ایک طے شدہ منصوبے کے تحت فلسطینی محکمہ اوقاف کو قبلہ اوّل سے بے دخل کرکے اس پرقبضہ کرنا چاہتی ہے۔

برما میں مسلمانوں پر ڈھائے جانے والے مظالم کے بارے میں بات کرتے ہوئے انہوں نےکہا کہ روہنگیا مسلمانوں کو وہاں کی ریاست کی طرف سے منظم انداز میں نسل کشی کا سامنا ہے۔ الشیخ نواھضہ نے روہنگیا مسلمانوں پر مظالم انسانی حقوق کی عالمی تنظیموں، بین الاقوامی برادری اور مسلم دنیا کی خاموشی کو کڑی تنقید کا نشانہ بنایا۔

انہوں نے استفسار کیا کہ دنیا کی بڑی طاقتیں، انسانی حقوق اور شہری آزادیوں کے علم بردار، امریکا، اقوام متحدہ اور یورپی یونین کہاں ہیں۔ کیا انہیں روہنگیا مسلمانوں پر ڈھائے جانے والے مظالم دکھائی نہیں دیتے ہیں۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  71736
کوڈ
 
   
متعلقہ خبریں
ذرائع کا کہنا ہے سعودی عرب کے دباؤ کی وجہ سے صحافی جمال خاشقجی کے بیٹوں نے اپنے والد کے قاتلوں کو معاف کردیا ہے۔ جمال خاشقجی کے بیٹوں نے اس بات کا اظہار سماجی رابطے کی ویب سائٹ ٹویٹر پر کیا۔
عراقی انٹیلی جنس کا کہنا ہے کہ عالمی دہشتگرد ابوبکر البغدادی کے جانشین عبدالناصر قرداش کو گرفتار کر لیا گیا ہے۔ دہشت گردوں کی موجودگی پر سیکیورٹی فورسز نے کارروائی کی ہے۔
فلسطینی اتھارٹی کے سربراہ محمود عباس نے امریکہ اور صیہونی حکومت کے ساتھ طے پانے والے تمام معاہدوں کو کالعدم قرار دے دیا ہے۔ انہوں نے واضح کیا ہے کہ جن معاہدوں کو ختم کیا گیا ہے ان میں اوسلو معاہدہ بھی شامل ہے جس پر 1993 میں دستخط کیے گئے تھے۔
عراق کی عوامی رضاکار فورس الحشد الشعبی نے صوبے دیالہ میں داعش دہشت گرد عناصر کے حملہ کو ناکام بنا دیا اور علاقے سے دہشت گردوں کا صفایا بھی کردیا ہے۔

مقبول ترین
ترجمان دفتر خارجہ عائشہ فاروقی نے کہا کہ امریکی رپورٹ میں پاکستان کے دہشت گردی کے خلاف اٹھائے گئے اقدامات کو متنازع بنایا گیا ہے۔ القاعدہ کی خطے میں ناکامی کو تو تسلیم کیا گیا لیکن اس کے خلاف پاکستان کی کاوشوں کو نظر انداز کیا گیا۔ پاکستان میں
رینٹل پاور کیس میں سابق وزیراعظم راجہ پرویز اشرف سمیت 10 ملزمان نے بریت کی درخواست دائر کر رکھی تھی اور نیب ترمیمی آرڈیننس کے تحت تمام درخواستیں دائر کی گئی تھیں۔ جس پر احتساب عدالت اسلام آباد نےفیصلہ محفوظ کر رکھا تھا تاہم آج احتساب
وزیراعظم عمران خان نے کہا ہے کہ ہم سے جواب مانگا جارہا ہے جواب ان سے مانگا جائے جو ملک کو اس حال میں چھوڑ کرگئے۔ قومی اسمبلی کے اجلاس میں خطاب کرتے ہوئے وزیراعظم عمران خان کا کہنا تھا کہ کورونا وائرس کی وبا پھیلنے کے بعد
سپریم کورٹ میں کورونا از خود نوٹس کیس کی سماعت کے دوان چیف جسٹس آف پاکستان جسٹس گلزار احمد نے ریمارکس دیے کہ وزیراعظم کہتےہیں ایک صوبے کا وزیراعلیٰ آمر ہے، اس کی وضاحت کیا ہوگی؟ چیف جسٹس نے کہا کہ وزیراعظم اور وفاقی

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں