Monday, 25 June, 2018
میانمار حکومت مسلمانوں کے قتل عام میں براہ راست ملوث ہے، ایرانی سپریم لیڈر

میانمار حکومت مسلمانوں کے قتل عام میں براہ راست ملوث ہے، ایرانی سپریم لیڈر

تہران۔ ایرانی سپریم لیڈر سید علی خامنہ ای نے کہا ہے کہ میانمار میں ہونے والے انسانی قتل عام پر عالمی خاموشی نے امن کے نوبل انعام کی اہمیت کو ختم کر دیا ہے ۔

سید علی خامنہ ای نے میانمار کے دلخراش اور اندوہ ناک واقعات پر عالمی اداروں کی خاموشی اور کسی عملی اقدام کی طرف نہ بڑھنے پر افسوس کا اظہار کرتے ہوئےحقوق بشر کے دعوے کرنے والوں پر سخت تنقید کی اور تاکید کرتے ہوئے کہا کہ اس مسئلہ کا حل صرف یہی ہے کہ مسلمان حکومتیں میانمار کی ظالم حکومت  کے خلاف عملی قدم اٹھائیں  اور اس پر سیاسی و معاشی دباؤ بڑھائیں۔ انہوں نے ایرانی حکومت سے بھی کہا کہ  دنیا میں کہیں بھی ہونے والے ظلم کے خلاف اپنا شجاعانہ موقف واضح کرے۔

انہوں نے میانمار میں مسلمانوں کے وسیع قتل عام کو مسلمانوں اور بودائیوں کے درمیان ایک جھڑپ قرار دینے کی مذمت کی اور کہاکہ  ممکن ہے کہ ان واقعات میں مذہبی تعصب کار فرما ہو لیکن حقیقت میں یہ ایک سیاسی مسئلہ ہے کیونکہ اس میں میانمار کی ظالم و جابر حکومت براہ راست ملوث ہے۔ انہوں نے نوبل انعام یافتہ خاتون رہنما آنگ سان سوچی کا حوالہ دیتے ہوئے کہا: ان وحشت ناک اور دہشت گردی کے واقعات میں وہ نوبل انعام یافتہ  ظالم و بے رحم عورت بھی سر فہرست ہے اور اس کی خاموشی سے امن کا نوبل انعام اپنی موت آپ مر گیا ہے۔

انہوں نے کہاکہ  میانمار کی ظالم و جابر حکومت کی طرف سے انجام دیے جانے والے  یہ دل کو دہلا دینے والے واقعات مسلمان ممالک ، اسلامی حکومتوں، عالمی اداروں ، ریا کار اور حقوق بشر کے جھوٹے دعوے کرنے والوں کی آنکھوں کے سامنے ہو رہے ہیں لیکن ہر کوئی چپ سادھے بیٹھا ہے۔

اقوام متحدہ کی جانب سے میانمار کی ظالمانہ کارروائیوں کے خلاف صرف ایک مذمتی قرار داد منظور کر لینے پر سید علی خامنہ ای نے کہاکہ حقوق بشر کے جھوٹے دعویدار آج کہاں ہیں؟ جب یہ دعویدار کسی ملک میں ایک مجرم کو سزا دلوانے کی خاطر آسمان سر پر اٹھا لیتے ہیں کیا آج انہیں میانمار میں قتل عام ہونے ہوئے مسلمان اور ان کی جھونپڑیوں سے اٹھتے ہوئے آگ کے بادل نظر نہیں آ رہے ؟

مسلمان ممالک کی طرف سے اس جنگ میں شامل ہونے اور عملی اقدام کرنے کے حوالے سے وضاحت کرتے ہوئے آیت اللہ خامنہ ای نے کہا: عملی اقدام سے مراد لشکر کشی نہیں بلکہ اس سے مراد سیاسی، معاشی اور تجارتی دباو میں اضافہ کرنا  اور عالمی اداروں میں اس ظلم کے خلاف آواز بلند کرنا ہے ۔

ایرانی سپریم لیڈر سید علی خامنہ ای نے کہا ہے کہ میانمار حکومت کی ظالمانہ کارروائیوں کا جواب دینے کے لیے اسلامی سربراہی کانفرنس کا فوری انعقاد انتہائی ضروری ہے۔ انہوں نے ایرانی حکومت کو تاکید کرتے ہوئے کہا کہ  آج کی دنیا ظلم سے پُر دنیا ہے، ایرانی حکومت کو چاہیے کہ جہاں کہیں ظلم ہو رہا ہے، چاہے وہ صہیونی ریاست کی طرف سے فلسطین میں ہے، یمن ، بحرین یا میانمار میں ظلم ہو رہا ہے، ان کے خلاف آواز بلند کرے اور اپنا شجاعانہ موقف واضح کرے

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  31647
کوڈ
 
   
متعلقہ خبریں
نیویارک۔ ایرانی وزیر خارجہ جواد ظریف کا کہنا ہے کہ واشنگٹن کی جانب سے جوہری معاہدہ ختم کیا گیا تو ایران یورینئم کی افزودگی دوبارہ شروع کردے گا۔
آیت اللہ علی خامنہ ای کا بیان ایسے موقع پر سامنے آیا ہے کہ جب سعودی ولی عہد شہزادہ محمد بن سلمان نے امریکی جریدے کو انٹرویو کے دوران کہا تھا کہ اسرائیل کو اپنی زمین پر امن سے رہنے کا حق حاصل ہے۔
سعودی عرب کے ولی عہد شہزادہ محمد بن سلمان نے کہا ہے کہ سرد جنگ کے دور میں مغرب کی درخواست پر سعودی عرب نے دنیا بھر میں وہابی ازم پھیلانے کیلئے فنڈز فراہم کیے تاکہ سویت یونین کا مقابلہ کیا جا سکے۔
ایران کی مسلح افواج کے ترجمان مسعود جزیری نے کہا ہے کہ ایران کا میزائل پروگرام دفاعی نوعیت کا ہے اور ایران اور عالمی طاقتوں کے درمیان 2015 میں ہونے والے معاہدے کے ساتھ میزائل پورگرام کو کوئی تعلق نہیں ہے۔ ایران اس وقت تک اپنے بیلسٹک میزائلوں کے بارے میں مذاکرات نہیں کرے گا

مزید خبریں
مسجد اقصیٰ کے امام وخطیب الشیخ اسماعیل نواھضہ نے برما میں مسلمانوں پر ڈھائے جانے والے مظالم کی شدید مذمت کی اور عالم اسلام پر زور دیا کہ وہ روہنگیا مسلمانوں کو ریاستی جبر وتشدد سے نجات دلانے کے لیے موثر اقدامات کریں
سعودی عرب کے فرمانروا شاہ عبداللہ بن عبدالعزیز نے ایک شاہی فرمان کے ذریعے انٹیلی جنس چیف شہزادہ بندر بن سلطان کو ان کی علالت کے پیش نظر عہدے سے ہٹا دیا ہے اور ان کی جگہ ان کے نائب یوسف الادریسی کو محکمہ سراغرسانی کا قائم مقام سربراہ مقرر کیا ہے۔
سعودی مفتی صالح الفیضان نے بوفے کیخلاف فتویٰ جاری کردیا۔جمعے کوسعودی مفتی نے سرکاری ٹی وی پرفتویٰ جاری کرتے ہوئے بوفے کوغیرشرعی قراردے دیا۔
سعودی ولی عہد شہزادہ سلمان بن عبدالعزیز نے چین پر زور دیا ہے کہ وہ دیرینہ فلسطینی تنازعے اور شام میں جاری بحران کو حل کرانے میں کردار ادا کرے۔

مقبول ترین
بین الاقوامی سفارتی حلقوں میں یہ تاثر عام ہو رہا ہے کہ مودی سرکار اپنی داخلی اور خارجہ پالیسیوں کے تناظر میں بڑی حد تک حواس باختہ ہو چکی ہے۔ اس کا اندازہ یوں کیا جا سکتا ہے کہ گذشتہ دنوں خود بھارتی میڈیا کے مطابق چنائی میں چائنہ سٹڈی سنٹر
پاکستان میں جب سے سوشل میڈیا پر خاص و عام کی رسائی ممکن ہوئی ہے ہم نے بحیثیت قوم جہاں سوشل میڈیا پر بہت سی غیر ضروری ابحاث میں وقت برباد کیا وہیں اسی سوشل میڈیا کے ذریعے کئی تحریکوں نے جنم لیا ، کئی اسی سوشل میڈیا
الیکشن کمیشن نے عام انتخابات کے بیلٹ پیپرز کی چھپائی کے حوالے سے تینوں پرنٹنگ پریس کی سیکیورٹی کےلیے فوج کی نفری مانگ لی۔ الیکشن کمیشن نے عام انتخابات کے لیے فوج کی معاونت حاصل کرنے کا فیصلہ کیا ہے اور اس حوالے سے
چیئرمین نیب جسٹس (ر) جاوید اقبال نے کہا ہے کہ کچھ لوگ چاہتے ہیں کہ انہیں گرفتار کیا جائے تاکہ وہ سیاسی شہید بن جائیں۔ لاہور میں نیب کمپلکس کے دورے کے موقع پر افسران سے خطاب کرتے ہوئے جسٹس ریٹائرڈ جاوید اقبال کا کہنا تھا کہ بدعنوانی

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں