Thursday, 04 June, 2020
ہمارے میزائل ریاض اور ابوظہبی کو نشانہ بنا سکتے ہیں، حوثی قبائل

ہمارے میزائل ریاض اور ابوظہبی کو نشانہ بنا سکتے ہیں، حوثی قبائل

صنعا ۔ یمن کی اسلامی تنظیم انصار اللہ کے سربراہ نے یمن پر سعودی عرب کی مسلط کردہ جنگ کے 1000 دن مکمل ہونے کے موقع پر کہا ہے کہ سعودی عرب، یمنی عوام کا ایسا دشمن ہے جوکسی بھی انسانی، اسلامی اور اخلاقی قانون کا پابند نہیں ہے اس نے گذشتہ 1000 دنوں میں اپنے اتحادیوں کے ساتھ ملکر یمن کو غصب کرنے کی بھر پور کوشش کی ، سعودی عرب اور متحدہ عرب امارات خطے میں امریکی اور اسرائیلی آلہ کار ہیں۔

انہوں کا کہنا تھا کہ یمنی عوام تمام تر مشکلات کے باوجود سعودی دشمن کے خلاف جنگ میں پرعزم ہیں۔ انہوں نے کہا کہ سعودی جارحیت کے ایک ہزار دن مکمل ہونے پر ثابت ہو گیا ہے کہ ہمارے بیلسٹک میزائل یمنی عوام کے دشمنوں کے محلوں تک پہنچ سکتے ہیں۔

انصار اللہ کے سربراہ سید عبدالملک بدرالدین الحوثی نے، جو اپنے ملک کے خلاف سعودی جارحیت کے ایک ہزار دن مکمل ہونے پر خطاب کر رہے تھے، صراحت کے ساتھ کہا کہ ہمارے بیلسٹک میزائل قوم کے دشمنوں کے محلوں تک پہنچنے کی صلاحیت رکھتے ہیں۔

انہوں نے کہا کہ دشمن، یمن کے بازاروں کو نشانہ بنا رہا ہے تاکہ زیادہ سے زیادہ عام شہریوں کو شہید کیا جائے۔
انصار اللہ کے سربراہ کا کہنا تھا کہ پچھلے ایک ہزار روز سے یمنی عوام کے مکانات کو امریکی اور برطانوی بموں سے نشانہ بنایا جا رہا ہے۔

عبدالملک بدرالدین الحوثی نے واضح کیا کہ سعودی عرب کا امت مسلمہ سے کوئی تعلق نہیں ہے کیوں وہ امت مسلمہ کے خلاف سازشوں میں امریکہ کا آلہ کار بنا ہوا ہے۔ انہوں نے کہا کہ یمن کے عوام تمام تر مشکلات کے باوجود سعودی دشمن کے مقابلے میں پوری قوت کے ساتھ ڈٹے ہوئے ہیں اور آج ہمارے میزائل دشمن کے محلوں کو نشانہ بنا ر ہے ہیں۔

سید عبدالملک بدرالدین الحوثی نے سعودی اتحاد کو مخاطب کرتے ہوئے کہا کہ تم صنعا پر بمباری کر رہے ہو اور ہم ریاض اور ابوظہبی کو نشانہ بنا رہے ہیں۔

انہوں نے کہا کہ یمن کی فوج اور عوامی رضاکار فورس کے میزائل یونٹ کے تجربات پوری قوم کے لیے باعث فخر ہیں اور ہمارے میزائل تجربے میں روز بروز اضافہ ہوتا جا رہا ہے اور عنقریب دیگر علاقے بھی ہمارے میزائل کی رینج میں آجائیں گے۔

انصار اللہ کے سربراہ نے کہا کہ بیت المقدس اور فلسطین کے مسئلہ میں سعودی عرب کا امریکی صدر ڈونلڈ ٹرمپ کے غیر قانونی بیان کے بارے میں نرم رویہ اور اس کی  ہمراہی اور ہمنوائی سے ثابت ہوگیا ہے کہ سعودی عرب،  اسلام اور مسلمانوں کے ساتھ خیانت اور غداری کررہا ہے اور وہ اسرائيل اور امریکہ کی طرح کسی بھی اسلامی ، انسانی اور اخلاقی قانون کا پابند نہیں ہے۔

واضح رہے کہ منگل کے روز حوثی قبائل کی جانب سے سعودی دارالحکومت ریاض کی جانب داغا گیا ایک بلیسٹک میزائل ہوا میں تباہ کر دیا گیا تھا۔ گزشتہ دو ماہ میں یہ تیسرا موقع ہے کہ ریاض کی جانب اس طرح کا میزائل داغا گیا ہے۔  یہ میزائل سعودی عرب کی قیادت میں عرب اتحادیوں کی جانب سے یمن میں حوثی قبال کے خلاف عسکری کارروائیوں کے آغاز کے ایک ہزار دن مکمل ہونے پر فائر کیا گیا۔

حوثی قبائل کے سیاسی دفتر کے رکن علی القہوم نے بتایا کہ ریاض کے الیمامہ شاہی محل کو ان اطلاعات کے بعد میزائل حملے کا نشانہ بنایا گیا کہ وہاں اعلیٰ سعودی رہنما ایک اجلاس میں شریک ہیں۔

ریاض کے رہائشیوں کے مطابق اس میزائل کی وجہ سے دھماکا شہر میں بھی سنا گیا۔ سعودی اتحاد کی جانب سے تصدیق کی گئی ہے کہ اس میزائل کو فضا ہی میں تباہ کر دیا گیا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کرسکتے ہیں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  33677
کوڈ
 
   
متعلقہ خبریں
شام کے دارالحکومت دمشق کے مضافات میں رہائشی علاقوں پر صیہونی حکومت اسرائیل کے میزائلی حملوں کی اطلاع ہے جس میں تین عام شہری جاں بحق اور چار زخمی ہو گئے۔
ہفتے اور اتوار کی درمیانی شب سعودی عرب کے دارالحکومت ریاض میں دو شدید دھماکوں کی خبریں موصول ہوئی ہیں۔
ایرانی میڈیا نے دعویٰ کیا ہے کہ میزائل حملوں میں 80 افراد مارے گئے۔ میڈیا کے مطابق تہران نے مقامی وقت کے مطابق رات ڈیڑھ بجے عراق میں 2 فوجی اڈوں کو نشانہ بنایا جہاں امریکی اتحادی افواج کے اہلکار رہتے ہیں اور اپنی
امریکی صدر ڈونلڈ ٹرمپ کے دورے سے قبل سعودی عرب کے صوبہ قطیف میں فوجیوں پر دہشتگردوں کے میزائل حملے میں ایک سعودی فوجی جاں بحق جبکہ 5 اہلکار زخمی ہوگئے ہیں۔ زخمیوں کو فوری طور پر ہسپتال منتقل کردیا گیا ہے۔

مزید خبریں
مسجد اقصیٰ کے امام وخطیب الشیخ اسماعیل نواھضہ نے برما میں مسلمانوں پر ڈھائے جانے والے مظالم کی شدید مذمت کی اور عالم اسلام پر زور دیا کہ وہ روہنگیا مسلمانوں کو ریاستی جبر وتشدد سے نجات دلانے کے لیے موثر اقدامات کریں

مقبول ترین
وزیراعظم کے معاون خصوصی شہباز گل کا کہنا ہے کہ ایس او پی کی خلاف ورزی پر ملک میں کئی بڑی مارکیٹیں آج بند کردی جائیں گی۔ اس سلسلے میں پنجاب اور کے پی کے میں آپریشن شروع کر دیا گیا ہے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل بابر افتخار کا کہنا ہے کہ لائن آف کنٹرول (ایل او سی) پر کچھ عرصے سے صورتحال بہت تشویشناک ہے، بھارت آگ سے نہ کھیلے، فوجی مہم جوئی کے نتائج ناقابل کنٹرول ہوں گے۔
اسلام آباد: یوٹیلٹی اسٹورکارپوریشن آف پاکستان نے اس سال تاریخ کی سب سے زیادہ سیل کی ہے۔ یوٹیلٹی اسٹورنے 22 ارب روپے کی ریکارڈ سیل کی ہے۔
وزیراعظم عمران خان نے آرمی چیف جنرل قمر جاوید باجوہ کے ہمراہ آئی ایس آئی ہیڈ کوارٹرز کا دورہ کیا ہے جہاں انھیں اہم امور پر بریفنگ دی گئی۔ میڈیا کے مطابق وفاقی وزرا شاہ محمود قریشی، اسد عمر اور معاون خصوصی ڈاکٹر معید یوسف بھی ہمراہ تھے۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں