Wednesday, 17 October, 2018
میرواعظ عمر فاروق کی خالد احمد ڈار کے قتل کی شدید مذمت

میرواعظ عمر فاروق کی خالد احمد ڈار کے قتل کی شدید مذمت

سرینگر۔ مقبوضہ کشمیر میں حریت فورم کے چیئرمین میر واعظ عمر فاروق نے بھارتی فوجیوں کی طرف سے ضلع کولگام میں پر امن مظاہرین پر فائرنگ اور ایک نوجون خالد احمد ڈار کے قتل کی شدید مذمت کرتے ہوئے کہاہے کہ قابض بھارتی فورسز کے ہاتھوں بے گناہ کشمیری نوجوانوں کا بے دریغ قتل عام جاری ہے ۔ 

کشمیر میڈیاسروس کے مطابق میر واعظ عمر فاروق نے سرینگر میں سرینگر میں جاری ایک بیان میں کہا کہ ضلع کولگام کے علاقے کڈونی میں شہری محاصرے اور تلاشی کی بے جا کارروائیوں کے دوران پر امن احتجاج کر رہے تھے کہ اس دوران فوجیوں نے خالد کو براہ راست سینے میں گولی ماردی ۔

 میر وعظ نے کہا کہ قابض بھارتی فورسز کے ہاتھوں بے گناہ کشمیری نوجوانوں کا بے دریغ قتل عام جاری ہے لیکن عالمی برادری ، انسانی حقوق کے عالمی اداروں اور بھارتی سول سوسائٹی نے مجرمانہ خاموشی اپنا رکھی ہے جو انتہائی افسوسناک ہے۔

 دریں اثنا حریت فورم نے بھارتی فوجیوں کے ہاتھوں بڈگام اور اسلام آباد کے اضلاع میں شہید ہونے والے کشمیری نوجوانوں کو شاندار خراج عقیدت پیش کرتے ہوئے کہا ہے کہ کشمیری بھارتی تسلط سے نجات کیلئے بیش بہا قربانیاں دے رہے ہیں ۔

فورم نے کہا کہ نوجوانوں کی قربانیاں تحریک آزادی کا انمول اثاثہ ہے اور پوری قوم اور مزاحمتی قیادت کا فرض ہے کہ اس اثاثہ کی بھر پور حفاظت کرکے تحریک کو اپنی منزل مقصود تک پہنچائیں۔ حریت کانفرنس نے کہا کہہ بھارت تحریک آزادی کو دبانے کیلئے حریت قیادت اور کشمیریوں کو تختہ مشق بنارہا ہے جس کے باعث نوجوانوں مسلح جد وجہد کی طرف مائل ہو رہے ہیں۔ 

بیان میں بھارت پر زور دیا گیا کہ وہ کشمیر کی زمینی حقیقت کو تسلیم کرکے مسئلہ کشمیر کے حل کیلئے ٹھوس اقدامات اٹھائے ۔ تاکہ کشمیر میں انسانی جانوں کا زیاں بند ہو اورخطے میں حقیقی اور دائمی امن ہوسکے۔

جموں وکشمیر لبریشن فرنٹ آر کے سرپرست اعلیٰ بیرسٹر عبدالمجید ترمبو نے بھی پتریگام چاڈورہ میں شہید ہونے والے نوجوانوں کو شاندار خراج عقیدت پیش کرتے ہوئے کہا کہ بھارت کی ہٹ دھرمی کی وجہ سے کشمیر کی سرزمین خون میں نہلا ہے ۔انھوں نے شہید سجاد کینو کو بھی ان کی برسی پر شاندار خراج عقیدت پیش کیا ۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  70839
کوڈ
 
   
مزید خبریں
وزیراعظم آزاد حکومت ریاست جموں وکشمیر چوہدری عبدالمجید نے کہاہے کہ وکلاء براردی کے جملہ مسائل حل کرنے کے لیے ٹھوس اقدامات اٹھائے جائیں گے۔ وکلاء اپنی سفارشات تحریری طور پر بھجوائیں۔ وہ پیر کے

مقبول ترین
لندن کی وارک یونیورسٹی میں خطاب کرتے ہوئے ڈی جی آئی ایس پی آر کا کہنا تھا کہ دنیا میں القاعدہ کو کبھی بھی پاکستان کی مددکے بغیر شکست نہیں ہوسکتی تھی دہشتگردی کے خاتمے کے لیے دنیا کو پاکستان کا شکریہ ادا کرنا چاہیے۔
وفاقی وزیر اطلاعات فواد چوہدری کا کہنا ہے کہ حکومت نے مسلم لیگ (ن) کے دور حکومت میں لگائے گئے بجلی کے تمام منصوبوں کے آڈٹ کا فیصلہ کیا ہے جب کہ 2 منصوبے کے آڈٹ کا آغاز بھی ہوچکا ہے۔ پریس کانفرنس کے دوران فواد چوہدری نے
بین الاقوامی برادری میں یہ تاثر عام ہے کہ بھارتی قیادت علاقائی بالادستی حاصل کرنے کے زعم میں یوں مبتلا ہو چکی ہے کہ اس پر کسی نفسیاتی غلبہ اور سیاسی و سفارتی عارضہ کا گمان ہوتا ہے۔ وزیراعظم مودی نے اپنے دور حکومت میں نیپال، بنگلہ دیش
غیرملکی خبررساں ادارے کے مطابق فرانس کے شمالی علاقے ٹریب میں سیلاب کے باعث 13 افراد ہلاک اورمتعدد زخمی ہوگئے۔ فرانسیسی وزارت داخلہ کے مطابق متاثرہ علاقوں میں محض چند گھنٹوں کے دوران اتنی بارش ہوئی جو عام طورپر3 ماہ سے زائد

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں