Tuesday, 25 February, 2020
بھارت مقبوضہ کشمیر میں کیمیائی ہتھیار استعمال کر رہا ہے، مسعود خان

بھارت مقبوضہ کشمیر میں کیمیائی ہتھیار استعمال کر رہا ہے، مسعود خان

اسلام آباد ۔ آزاد کشمیر کے صدر سردار مسعود خان نے کہا ہے کہ بھارتی سیکیورٹی فورسز مقبوضہ کشمیر میں صرف انسانی حقوق کی خلاف ورزی نہیں بلکہ معصوم افراد کے خلاف کیمیائی ہتھیار استعمال کر رہی ہیں لیکن عالمی اداروں نے مسئلہ کشمیر کے حل کے لیےکردار ادا نہیں کیا۔

اسلام آباد میں انسانی حقوق کے عالمی دن کی مناسبت سے منعقدہ تقریب سے خطاب کرتے ہوئے مسعود خان نے کہا کہ مقبوضہ کشمیر میں آبادی کا تناسب بدلنے کی کوشش کی جارہی ہے اور آر ایس ایس کے انتہاپسند شہریوں کو ریاست چھوڑنے کے لیے دھمکیاں دے رہے ہیں۔

انھوں نے کہا کہ مقبوضہ کشمیر میں انسانیت کے خلاف جرائم کا ارتکاب کیا جارہا ہے اور بھارتی فورسز کیمیائی ہتھیاروں کا استعمال کر رہی ہیں۔

صدر آزاد کشمیر نے دعویٰ کیا کہ پلواما اور اننت ناگ میں کیمیائی ہتھیاروں کے استعمال کی شہادتیں موجود ہیں۔

خیال رہے کہ رواں سال کے اوائل میں دفتر خارجہ نے مقبوضہ کشمیر میں شہریوں کے خلاف کیمیائی ہتھیاروں کے استعمال کی جانب توجہ مبذول کرانے کی کوشش کی تھی تاہم پہلی مرتبہ بھارتی فورسز کی جانب سے کیمیائی ہتھیاروں کے استعمال کا الزام سامنے آیا ہے۔

بین الاقوامی قوانین اور کیمیائی ہتھیاروں کے کنونشن کے مطابق مسلح تنازعات سمیت کسی بھی صورت حال میں کیمیائی ہتھیاروں کے استعمال کی اجازت نہیں ہے۔

غیرملکی دورں کا ذکر کرتے ہوئے ان کا کہنا تھا کہ اپنے حالیہ دورہ برسلز اور واشنگٹن کے دوران مسئلہ کشمیرکے حل پر زور دیا۔

انھوں نے کہا کہ مسئلہ کشمیر کے حل کے لیے مضبوط پاکستان کا ہونا بہت ضروری ہے جبکہ اقوام متحدہ سمیت کسی عالمی ادارے نے مسئلے کے حل کے لیے آواز بلند نہیں کی۔

صدر آزاد کشمیر کا کہنا تھا کہ کشمیریوں اور پاکستان کے درمیان رخنہ ڈالنے کی مہم کسی صورت کامیاب نہیں ہوگی۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  52409
کوڈ
 
   
متعلقہ خبریں
وادی میں جگہ جگہ بھارتی فوجی تعینات ہیں جنہوں نے خاردار تاریں لگا کر رکاوٹیں کھڑی کر رکھی ہیں، کشمیری اپنی سر زمین پر قیدیوں کی زندگی بسر کرنے پر مجبور ہیں، لوگ اپنے پیاروں کی خیریت جاننے کے لیے ترس گئے۔
بھارتی جارحیت کے خلاف ہزاروں افراد سڑکوں پر نکل آئے، تدفین میں ہزاروں افراد کی شرکت کی، شرکا کے بھارت کے خلاف اور آزادی کے حق میں نعرے ، شرکاء پرآنسو گیس کی شیلنگ
صدرآزاد کشمیرمسعود احمد خان نے کہا ہے کہ پاکستان اورکشمیر کو ایک دوسرے سے علیحدہ نہیں کیا جاسکتا جب کہ کشمیر کے بغیر پاکستان نامکمل ہے۔ بھارت کشمیریوں کی جدوجہد کو دہشت گردی سے ملانے کا پروپیگنڈا کر رہا ہے۔
مقبوضہ وادی کشمیر میں کیمیائی ہتھیاروں کا استعمال معمول بن گیا، گزشتہ روز پلوامہ میں چار مکانات کو کیمیائی مواد سے اڑا دیا گیا جس میں شہید ہونے والے چار معصوم کشمیریوں کی لاشیں بھی ناقابل شناخت ہو گئیں۔

مقبول ترین
سابق ناظمِ کراچی نعمت اللّٰہ خان ایڈووکیٹ انتقال کر گئے، وہ طویل عرصے سے علیل تھے، انتقال کے وقت ان کی عمر 89 برس تھی۔
بھارتی دارالحکومت نئی دہلی میں امریکی صر ڈونلڈ ٹرمپ کی موجودگی کے دوران بھارتی متنازع شہریت قانون کیخلاف احتجاج پر تشدد شکل اختیار کر گیا، نئی دہلی میں دفعہ 144 نافذ کر دی گئی ہے جبکہ جھڑپوں کے دوران پولیس اہلکار سمیت
وفاقی دارالحکومت اسلام آباد میں نیا کمرشل شہر آباد کرنے کا منصوبہ تیار کر لیا گیا ہے۔ وزیراعظم عمران خان نے ‘’نیو بلیو ایریا’’ منصوبے کی منظوری دے دی۔ میڈیا کے مطابق وزیراعظم عمران خان کے زیر صدارت اجلاس میں نیو بلیو ایریا منصوبہ کی منظوری
خیبر پختونخوا اسمبلی میں اپوزیشن کے شور شرابے کے باوجود تمام قائمہ کمیٹیاں تحلیل کردی گئیں۔ خیبر پختونخوا اسمبلی پیر کو ایک بار پھر مچھلی بازار بنا رہا اور اپوزیشن ارکان نے اسپیکر ڈائس کے سامنے کھڑے ہوکر احتجاج کیا۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں