Thursday, 19 July, 2018
کشمیری نوجوان قوم کے بہترمستقبل کیلئے قیمتی جانیں لٹا رہے ہیں، علی گیلانی

کشمیری نوجوان قوم کے بہترمستقبل کیلئے قیمتی جانیں لٹا رہے ہیں، علی گیلانی

سرینگر ۔ مقبوضہ کشمیر میں کل جماعتی حریت کانفرنس کے چیئرمین سید علی گیلانی نے کہا ہے کہ بھارتی فورسز نے نہتے کشمیریوں کے قتل عام کا بازار گرم رکھا ہے جبکہ مقبوضہ علاقے کی بھارت نواز جماعتوں کے رہنما گزشتہ ستر برس سے قوم کو دھوکہ دیکر اقتدار کے مزلے لوٹ رہے ہیں۔ 

کشمیر میڈیا سروس کے مطابق سید علی گیلانی نے سرینگر میں جاری ایک بیان میں کہاکہ جذبہ آزادی سے لبریز کشمیریوں کے سامنے اب بھارت نواز رہنما بری طرح سے بے نقاب ہو چکے ہیں۔ انہوں نے پنچائتی انتخابات کا مکمل بائیکاٹ کرنے کی اپیل کرتے ہوئے کہا کہ بھارت نام نہاد انتخابات کے ذریعے عالمی برادری کو گمراہ کرنے کی کوشش کرتا ہے کہ کشمیری اسکے ساتھ خوش ہیں اور اس طرح سے اسکے غیر قانونی فوجی قبضے کو تقویب حاصل ہو تی ہے۔ 

انہوں نے کہا کہ کشمیری اقتصادی یا مالی مراعات کے لیے نہیں بلکہ اپنے حق حقِ خودارادیت کے حصول کے لئے جدوجہد کررہے ہیں۔ سید علی گیلانی نے کہا کہ بھارت کی غلامی میں کشمیریوں کی زندگیاں، دین، تہذیب و تمدن، املاک غرض کوئی چیز محفوظ نہیں لہذا ہمارے لیے ناگزیر ہے کہ ہم تحریک آزادی کو پوری یکسوئی اور جانفشانی کے ساتھ جاری رکھیں ۔

انہوں نے بھارتی پولیس کی طرف سے سوپور میں عام شہریوں کی گرفتاری ، انہیں جسمانی تشدد کا نشانہ بنانے اور بعد میں میڈیا کے سامنے پیش کرکے انہیں عسکریت پسند کے طور پر جتلانے کی کارروائی کی شدید مذمت کرتے ہوئے کہا کہ گرفتار نوجوانوں کے خلاف لگائے جانے والے تمام الزامات بے من گھڑٹ اور جھوٹے ہیں جو ریاستی دہشت گردی کی بدترین کارروائی ہے۔ 

انہو ں نے کہا کہ قابض انتظامیہ عام شہریوں پر تشدد اور دیگر اوچھے ہتھکنڈوں کے ذریعے کشمیریوں کے جذبہ آزادی کو دبانا چاہتی ہے لیکن اس سے تحریک آزادی میں مزید شدت آرہی ہے۔ انہوں نے بھارتی فوجیوں کے ہاتھوں چاڈورہ اور کولگام میں شہید ہونے والے دو نوجوانوں کو شاندار خراج عقیدت عقیدت پیش کرتے ہوئے کہا کہ کشمیری نوجوان قوم کے بہتر مستقبل کے لیے اپنی قیمتی جانیں لٹا رہے ہیں۔

 انہوں نے کہا کہ شہداء کو خراج عقیدت پیش کرنے کا بہترین طریقہ یہ ہے کہ انکے مشن کو اسکے منطقی انجام تک ہر قیمت پر جاری رکھا جائے۔انہوں نے کولگام کے علاقے رڈونی میں پر امن مظاہرین پر فائرنگ اور ایک نوجوان کے قتل کی شدید مذمت کرتے ہوئے اسے بدترین ریاستی دہشت گردی قرار دیا۔ 

دریں اثنا کل جماعتی حریت کانفرنس کے جنرل سیکرٹری غلام نبی سمجھی، حکیم عبدالرشید اور سید محمد شفیع نے بھی ایک مشترکہ بیان میں چاڈورہ اور کولگام میں شہید ہونے والے نوجوانوں کو شاندار خراج عقیدت پیش کرتے ہوئے کہا کہ شہداء کی قربانیاں ا یک دن ضرور رنگ لائیں گی۔ انہوں نے کہا کہ بھارت کے تمام تر مظالم کے باوجود کشمیریوں کے حوصلے بلند ہیں اور وہ حق خود ارادیت کے حصول کی جدوجہد کو اسکے منطقی انجا م تک پہنچانے کیلئے پر عزم ہیں۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  6953
کوڈ
 
   
متعلقہ خبریں
بھارتی فوج اور پولیس نے مقبوضہ کشمیر کے ضلع کلگام میں گاؤں کا محاصرہ کرلیا اور گھر گھر تلاشی لینی شروع کردی۔ قابض افواج کے اہلکاروں نے چادر اور چار دیواری کا تقدس پامال کیا اور توہین آمیز رویہ اختیار کیا۔ آپریشن کے خلاف
مقبوضہ کشمیر میں قابض بھارتی فوج کے مظالم کا سلسلہ جاری ہے اور ریاستی دہشت گردی کے تازہ ترین واقعے میں بھارتی فوج نے ضلع پلوامہ اور کپواڑہ میں آپریشن کے نام پر 5 مزید کشمیری نوجوانوں کو شہید کردیا۔
مقبوضہ کشمیر میں قابض بھارتی فوج کے مظالم اور جعلی مقابلوں کے خلاف حریت قیادت کی کال پر شٹرڈاؤن ہڑتال کی جارہی ہے۔ گزشتہ روز قابض بھارتی فوج نے ضلع کلگام میں جعلی مقابلے میں تین نوجوانوں کو شہید کردیا تھا جس کے خلاف
مقبوضہ کشمیر میں قابض بھارتی فوج کی فائرنگ سے 4 افراد شہید اور متعدد زخمی ہوگئے۔ کشمیر میڈیا سروس کے مطابق مقبوضہ کشمیر کے ضلع اننت ناگ میں قابض بھارتی فوج نے محاصرہ کیا اور سرچ آپریشن کے دوران رہائشی علاقے میں فائرنگ

مزید خبریں
وزیراعظم آزاد حکومت ریاست جموں وکشمیر چوہدری عبدالمجید نے کہاہے کہ وکلاء براردی کے جملہ مسائل حل کرنے کے لیے ٹھوس اقدامات اٹھائے جائیں گے۔ وکلاء اپنی سفارشات تحریری طور پر بھجوائیں۔ وہ پیر کے

مقبول ترین
سینیٹ قائمہ کمیٹی میں بریفنگ دیتے ہوئے نمائندہ جی ایچ کیو نے بتایا پاک فوج کا الیکشن سے کوئی تعلق نہیں، آرمی صرف امن اومان کی صورتحال بہتر رکھنے کے لئے کام کر رہی ہے، آرمڈ فورسز ہمیشہ سول اداروں کو سپورٹ دیتی رہی ہے۔
اڈیالہ جیل میں قید سابق وزیراعظم نوازشریف اورمریم نواز کی ان کے وکلا سے ملاقات منسوخ کردی گئی ہے۔ میڈیا کے مطابق نوازشریف اورمریم نواز کا آج اڈیالہ جیل میں چھٹا روزہے جب کہ کیپٹن ریٹائرڈ صفدرکو جیل کا مکین ہوئے 11 دن ہوگئے۔
ترجمان دفترخارجہ ڈاکٹرفیصل کا کہنا ہے کہ بلوچستان اور خیبرپختون خوا میں انتخابی امیدواروں پر دہشت گردانہ حملوں سے پاکستان خوفزدہ ہونے والا نہیں ملک میں جمہوری انتخابی عمل جاری رہے گا۔
ترکی کی حکومت نے ناکام فوجی بغاوت کے بعد لگائی جانے والی ایمرجنسی دو سال بعد ختم کردی۔ 15 جولائی 2016 کو ترک فوج کے ایک دھڑے نے صدر رجب طیب اردوان کا تختہ الٹنے کی کوشش کی تھی جو ناکام ہوگئی تھی۔ اس بغاوت میں فوجیوں سمیت تقریب

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں