Saturday, 20 January, 2018
مقبوضہ کشمیر، بھارتی فوج نے مزید 2 نوجوانوں کو شہید کردیا

مقبوضہ کشمیر، بھارتی فوج نے مزید 2 نوجوانوں کو شہید کردیا

سری نگر۔ قابض بھارتی فوج نے مقبوضہ کشمیر کے ضلع کلگام کےعلاقے میں سرچ آپریشن کے دوران مزید 2 کشمیری نوجوانوں کو فائرنگ کرکے شہید اورایک لڑکی کوزخمی کردیا ہے۔ شہید ہونے والے نوجوانوں کی شناخت احمد وانی اور داؤد الٰہی خان کے نام سے ہوئی ہے۔

کشمیر میڈیا سروس کےمطابق مقبوضہ کشمیر میں قابض بھارتی فوج کی جانب سے نہتے کشمیریوں پر مظالم میں روز بروز اضافہ ہورہا ہے اور طاقت کے نشے میں چور بھارتی فوج کشمیریوں کا قتل عام کررہی ہے۔

گزشتہ چند ماہ کے دوران سیکڑوں کشمیریوں کو شہید اور متعدد کو پیلٹ گن کے ذریعے آنکھوں کی روشنی سے محروم کیا جاچکا ہے۔ب

کشمیر میڈیا سروس کے مطابق مقبوضہ کشمیر میں بھارتی وزیر داخلہ راج ناتھ سنگھ کے دورے کے خلاف احتجاج کے لیے مکمل ہڑتال کی گئی، کٹھ پتلی حکومت نے حریت رہنماؤں کو نظر بند کردیا جبکہ قابض فوج نے گھر گھر تلاشی کے دوران مزید 2 نوجوانوں کو شہید اور ایک لڑکی کوزخمی کردیا ہے، شہدا کی شناخت احمد وانی اور داؤد الٰہی خان کے نام سے ہوئی ہے۔

کشمیری نوجوانوں کی شہادت کے بعد کلگام میں مکمل ہڑتال ہے جب کہ قابض انتظامیہ نے کلگام میں موبائل اور انٹرنیٹ سروس بھی معطل کردی ہے۔  ہڑتال کی کال سید علی گیلانی ،میرواعظ عمرفاروق اور محمدیاسین ملک پر مشتمل مشترکہ مزاحمتی قیادت نے دی تھی۔ تمام دکانیں اورکاروباری مراکزبندرہے جبکہ سرینگر، اسلام آباد، کولگام، شوپیان، پلوامہ، بارہ مولہ ، بڈگام اور دیگرعلاقوں میں گاڑیوں کی آمدورفت معطل تھی۔

دوسری جانب راج ناتھ سنگھ ہفتے کو 4روزہ دورے پر سرینگر پہنچے۔ قابض انتظامیہ نے سری نگر کے رعناواری، خانیار، نوہٹہ ،مہاراج گنج، صفاکدل اور مائسمہ پولیس اسٹیشنوں کی حدود میںسخت پابندیاں عائد کردیں۔ سری نگر میں بھارت مخالف مظاہروں کو روکنے کے لیے بھارتی فورسز کی بھاری تعداد تعینات کی گئی تھی۔

قابض انتظامیہ نے سید علی گیلانی اور میر واعظ عمر فاروق کو مسلسل گھروں میں جبکہ جموں و کشمیر لبریشن فرنٹ کے چیئرمین یاسین ملک کو سینٹرل جیل سرینگر میں نظربند رکھا۔ کل جماعتی حریت کانفرنس کے چیئرمین سید علی گیلانی نے ایک بیان میں کہا کہ مقبوضہ علاقے میں سیاسی سرگرمیوں پر پابندیاں مزاحمتی قیادت کی اخلاقی فتح ہے۔ انھوں نے اقوام متحدہ اور انسانی حقوق کی عالمی تنظیموں سے اپیل کی کہ وہ مقبوضہ کشمیرمیں بھارتی فورسز کی طرف سے جاری انسانی حقوق کی مسلسل خلاف ورزیوں کا نوٹس لیں۔
بھارتی فوجیوں نے ضلع شوپیاں کے علاقے بارہ بگ میں رات بھر جاری رہنے والے محاصرے اور تلاشی کے آپریشن کے دوران 2 نوجوانوں کو شہید کردیا۔ نوجوانوں کی شناخت طارق احمد بٹ اور الطاف احمد کے طور پر ہوئی ہے۔ ضلع کے علاقے ہرمین میں بھارتی فوجیوں کی فائرنگ سے ایک لڑکی زخمی ہوئی جس کی شناخت خوشبو کے طورپر ہوئی ہے۔

ادھر ضلع بارہمولہ کے علاقے رفیع آباد میں مجاہدکمانڈر شاہد احمد شیخ کی نمازہ جنازہ میں ہزاروں لوگوں نے شرکت کی۔ نماز جنازہ میں شرکت کے لیے رفیع آباد، قاضی آباد اور زینہ گیر سے لوگوں کی بڑی تعدادنے شاہد احمد کے آبائی علاقے کاچھلو کی طرف مارچ کیا۔ ان کو آزادی اور پاکستان کے حق میں اور بھارت کے خلاف نعروں کی گونج میں سپرد خاک کیا گیا۔

شاہد احمد کو بھارتی فوجیوں نے گزشتہ روز سوپور میں محاصرے اور تلاشی کی ایک کارروائی میں شہید کیا تھا۔ بھارتی فوجیوں نے آپریشن کے دوران ایک مکان کوبھی تباہ کردیا۔ علاقے میں نوجوان سڑکوںپر نکل آئے اوربھارتی فوجیوں پر پتھراؤ کیا۔ضلع میں ٹرین سروس روک دی گئی جبکہ موبائل اور انٹرنیٹ سروسز معطل کردی گئیں۔

علاوہ ازیں سرینگر کے علاقے خیام میں بھارتی پیرا ملٹری سینٹرل ریزرو پولیس فورس کی ایک گاڑی نے ایک بزرگ شخص ثنا اللہ میر کو کچل کر شہید کردیا۔نامعلوم حملہ آوروں نے اسلام آباد قصبے میں پولیس پارٹی پر حملہ کرکے ایک اہلکار کو ہلاک اور2 کو شدید زخمی کردیا۔ حملہ آوروں نے پولیس پارٹی پر بس اسٹینڈ کے نزدیک شدید فائرنگ کی جس کے نتیجے میں ایک اہلکار امتیاز احمدموقع پر ہی ہلاک اور 2 زخمی ہوگئے۔

بھارتی فورسز نے علاقے کو محاصرے میں لے کر حملہ آوروں کی تلاش شروع کردی ہے جب کہ مقبوضہ کشمیر میں جموں و کشمیر لبریشن فرنٹ نے پارٹی چیئرمین یاسین ملک کی گرفتاری اورکل جماعتی حریت کانفرنس کے چیئرمین سید علی گیلانی اور میرواعظ عمر فاروق کی گھر میں نظر بندی کے خلاف سری نگر میں احتجاجی مظاہرہ کیا۔

واضح رہے کہ عید الاضحیٰ کے روز بھی قابض بھارتی فوج کی فائرنگ سے ایک کشمیری نوجوان شہید ہوا تھا۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  5552
کوڈ
 
   
متعلقہ خبریں
مقبوضہ کشمیر میں کل جماعتی حریت کانفرنس کے چیئرمین سید علی گیلانی نے کہا ہے کہ بھارتی فورسز نے نہتے کشمیریوں کے قتل عام کا بازار گرم رکھا ہے جبکہ مقبوضہ علاقے کی بھارت نواز جماعتوں کے رہنما گزشتہ ستر برس سے قوم کو دھوکہ دیکر اقتدار کے مزلے لوٹ رہے ہیں۔
مقبوضہ کشمیر میں حریت فورم کے چیئرمین میر واعظ عمر فاروق نے بھارتی فوجیوں کی طرف سے ضلع کولگام میں پر امن مظاہرین پر فائرنگ اور ایک نوجون خالد احمد ڈار کے قتل کی شدید مذمت کرتے ہوئے کہاہے کہ قابض بھارتی فورسز کے ہاتھوں بے گناہ کشمیری نوجوانوں کا بے دریغ قتل عام جاری ہے ۔
مقبوضہ کشمیرکے ضلع اسلام آباد میں بھارتی فوج کی فائرنگ سے مزید 2 کشمیری نوجوان شہید ہوگئے ہیں۔ شہید ہونے والے نوجوانوں کی شناخت محمد فرحان وانی اور اشرف خان کے ناموں سے ہوئی ہے۔ قابض بھارتی فوج نے دونوں کشمیری نوجوانوں کونام نہاد سرچ آپریشن کے دوران شہید کیا۔
مقبوضہ کشمیرکے ضلع بڈگام میں قابض بھارتی فورسز کی ریاستی دہشت گردی کے تازہ واقعے میں مزید تین کشمیری نوجوان شہید ہوگئے ہیں. نوجوانوں کو محاصرے اور سرچ آپریشن کے دوران شہید کیا گیا جب کہ نوجوانوں کی ہلاکت کی خبر پھیلتے ہی علاقہ مکین مشتعل ہوگئے

مزید خبریں
وزیراعظم آزاد حکومت ریاست جموں وکشمیر چوہدری عبدالمجید نے کہاہے کہ وکلاء براردی کے جملہ مسائل حل کرنے کے لیے ٹھوس اقدامات اٹھائے جائیں گے۔ وکلاء اپنی سفارشات تحریری طور پر بھجوائیں۔ وہ پیر کے

مقبول ترین
سائنس دانوں نے طب کی دنیا میں ایک اہم سنگِ میل حاصل کر لیا ہے، امریکہ کی جانز ہاپکنز یونیورسٹی کے سائنس دانوں کی ایک ٹیم نے ایک ایسے طریقۂ کار کا تجربہ کیا ہے جس کے تحت آٹھ عام قسم کے سرطانوں کی تشخیص خون کے ذریعے کی جا سکتی ہے۔ اس کا تجربہ 1005 مریضوں پر کیا گیا
پاکستان نے امریکہ اور برطانیہ سمیت ایشیا اور یورپ کے 24 ممالک سے آنے والے سیاحوں کو ملک میں داخلے کے بعد 30 دن کا ویزا دینے کا فیصلہ کیا ہے۔ پاکستان کے امیگریشن حکام اور ایف ائی اے کی جانب سے جاری اشتہار کے مطابق یہ سہولت گروہ کی صورت میں سیاحت کیلئے آنے والے افراد کے لیے ہوگی
وزیراعلیٰ پنجاب میاں محمد شہباز شریف نے کہا ہے کہ سابق وزیر داخلہ چوہدری نثار علی خان مسلم لیگ (ن) کا اثاثہ ہیں اور وہ ایک طویل عرصے سے پارٹی کے ساتھ وابستہ ہیں۔ پرویز رشید کو میڈیا پر آکر بعض باتوں کا اظہار نہیں کرنا چاہئے، نواز شریف پارٹی صدر کی حیثیت سے اس معاملے کو حل کرائیں۔
دنیا بھر میں طلاق کے حوالے سے اکثر دلچسپ خبریں سامنے آتی رہتی ہیں جن میں معمولی اور اچھوتی وجوہات کی بناء پر شادی شدہ جوڑے علیحدگی کا فیصلہ کرلیتے ہیں۔ ایسا ہی ایک واقعہ تائیوان میں بھی پیش آیا ہے جہاں ایک شخص نے اپنی بیوی کو محض اس وجہ سے طلاق دے دی

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں