Friday, 18 January, 2019
نریندر مودی کا دورہ مقبوضہ کشمیر، وادی میں کرفیو نافذ

نریندر مودی کا دورہ مقبوضہ کشمیر، وادی میں کرفیو نافذ

سری نگر . مقبوضہ کشمیر میں بھارتی وزیراعظم نریندر مودی کے دورے کے پیش نظر سری نگر میں انٹرنیٹ سروس اور تدریسی عمل معطل کرکے شہر میں کرفیو نافذ کردیا گیا۔ کشمیر میڈیا سروس کی رپورٹ کے مطابق نریندر مودی کے دورے کے خلاف لال چوک پر احتجاج کو ناکام بنانے کے لیے بھارتی فورسز نے پوری وادی کو سیل کردیا۔

واضح رہے کہ وزیراعظم نریندر مودی آج (بروز ہفتہ) شیر کشمیر انٹرنیشنل کنونش سینٹر (ایس کے آئی سی سی) میں ترقیاتی منصوبوں کا افتتاح کریں گے جس میں 14 کلومیڑ طویل زوجی لال ٹنل بھی شامل ہے۔ اس حوالے سے بتایا گیا کہ مذکورہ ٹنل ایشیاء کی سب سے بڑی بائی ڈائریکشنل ٹنل کہلائی گی۔

علاوہ ازیں حریت رہنماؤں سید علی گیلانی، میرواعظ عمر فاروق اور محمد یاسین ملک کی جانب سے لال چوک پر احتجاج کال دی گئی تھی۔ حریت رہنماؤں نے عوام سے اپیل کی کہ بھارتی وزیراعظم نریندر مودی کی آمد پر احتجاجاً اپنے گھروں کی چھت پر کالے جھنڈے لہرائیں۔

علاوہ ازیں مقبوضہ کشمیر میں بھارتی وزیراعظم نریندر مودی کی آمد پرلائن آف کنٹرول کے دونوں طرف شدید احتجاج کیا گیا۔ مقبوضہ جموں میں کشمیریوں نے شہر شہر مظاہرے کئے اور ریلیاں نکالیں۔ آزاد کشمیر میں بھارتی ظلم و ستم سے نبرد آزما بھائیوں سے اظہار یکجہتی کیلئے یوم سیاہ منایا گیا۔

سری نگر، بارہ مولا، کشتواڑ، بڈگام، اودھم پور اور راجوڑی میں بھارتی مظالم سے تنگ کشمیری سڑکوں پر نکل آئے اور مودی حکومت کے خلاف شدید نعرے بازی کرتے رہے۔ مظاہرین  قاتل مودی واپس جاؤ  اور  کشمیر کشمیریوں کے حوالے کرو  سمیت دیگر نعرے لگا رہے تھے۔ بھارتی وزیراعظم مودی کی آمد کے موقع پر مقبوضہ وادی میں سخت حفاظتی انتظامات کئے گئے تھے اور مقبوضہ کشمیر کو عملا فوجی چھاؤنی میں بدل دیا گیا تھا۔

مظفرآباد میں بھارت مخالف ریلی کے شرکا نے پریس کلب سے قائداعظم چوک تک مارچ کیا اور بھارت مخالف نعرے لگائے، اس موقع پر مظاہرین نے عالمی برادری سے مقبوضہ کشمیر میں بھاتی مظالم کے نوٹس لینے کا بھی مطالبہ کیا۔ آزاد کشمیر کے شہروں میرپور، بھمبر، کوٹلی راولاکوٹ، باغ اور پٹیاں میں یوم سیاہ کے دوران بھارت مخالف مظاہرے کئے گئے۔

۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  45484
کوڈ
 
   
متعلقہ خبریں
مقبوضہ کشمیر میں کل جماعتی حریت کانفرنس کے چیئرمین سید علی گیلانی نے کہا ہے کہ بھارتی فورسز نے نہتے کشمیریوں کے قتل عام کا بازار گرم رکھا ہے جبکہ مقبوضہ علاقے کی بھارت نواز جماعتوں کے رہنما گزشتہ ستر برس سے قوم کو دھوکہ دیکر اقتدار کے مزلے لوٹ رہے ہیں۔
مقبوضہ کشمیر میں بھارتی فوجیوں نے ریاستی دہشت گردی کی کارروائیاں جاری رکھتے ہوئے سال 2017 میں 6 خواتین اور18 بچوں سمیت291 بے گناہ کشمیریوں کو شہید کردیا۔ ان میں سے22 افراد کو دوران حراست شہید کیاگیا۔ان شہادتوں کی وجہ سے 31 خواتین بیوہ اور73 بچے یتیم ہوئے
کٹھ پتلی انتظامیہ نے مقبوضہ کشمیر میں سرکاری ملازمین پر سوشل میڈیا کے استعمال پر پابندی عائد کردی ہے۔ رواں ہفتے جاری ہونے والے نئے آرڈر کے مطابق مقبوضہ کشمیر میں سرکاری ملازمین اب سوشل میڈیا کا استعمال نہیں کرسکیں گے۔آرڈر کے تحت سرکاری ملازمین کو سیاسی معاملات اور حکومت پر تنقید سے بھی روکا گیا ہے۔
بھارتی جارحیت کے خلاف ہزاروں افراد سڑکوں پر نکل آئے، تدفین میں ہزاروں افراد کی شرکت کی، شرکا کے بھارت کے خلاف اور آزادی کے حق میں نعرے ، شرکاء پرآنسو گیس کی شیلنگ

مزید خبریں
وزیراعظم آزاد حکومت ریاست جموں وکشمیر چوہدری عبدالمجید نے کہاہے کہ وکلاء براردی کے جملہ مسائل حل کرنے کے لیے ٹھوس اقدامات اٹھائے جائیں گے۔ وکلاء اپنی سفارشات تحریری طور پر بھجوائیں۔ وہ پیر کے

مقبول ترین
حکومت نے پیپلز پارٹی کے چیرمین بلاول بھٹو زرداری اور وزیراعلیٰ سندھ مراد علی شاہ کا نام ایگزٹ کنٹرول لسٹ (ای سی ایل) سے نکالنے کی منظوری دے دی۔ وزیراعظم عمران خان کی زیر صدارت وفاقی کابینہ کا اجلاس ہوا جس میں بلاول
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق آرمی چیف سے زلمے خلیل زاد اور افغانستان میں امریکی فوج کے کمانڈر کی ہونے والی ملاقات میں علاقائی سیکیورٹی صورتحال پر تبادلہ خیال کیا گیا۔
لیون میں یونی ورسٹی کی چھت پر دھماکے کے نتیجے میں 3 افراد زخمی ہوگئے۔ غیر ملکی خبر رساں ادارے کے مطابق فرانس کے شہر لیون میں یونی ورسٹی کی چھت پر دھماکے کے بعد آگ لگ گئی جس نے دیکھتے دیکھتے شدت اختیار کرلی۔
چیف جسٹس ثاقب نثار نے اپنے اعزاز میں فل کورٹ ریفرنس سے خطاب کرتے ہوئے کہا ہے کہ جج کی زندگی میں ڈرکی کوئی گنجائش نہیں۔ چیف جسٹس پاکستان جسٹس ثاقب نثار آج ریٹائر ہورہے ہیں، ان کے اعزاز میں سپریم کورٹ میں ریفرنس

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں