Monday, 25 June, 2018
پاناما نظرثانی کیس، 5 رکنی بنچ بنانے کی استدعا منظور

پاناما نظرثانی کیس، 5 رکنی بنچ بنانے کی استدعا منظور

اسلام آباد ۔ سپریم کورٹ نے سابق وزیراعظم نواز شریف، انکے بچوں حسن نواز، حسین نواز، مریم نوازاور داماد کیپٹن صفدر کی نظر ثانی درخواستوں پر پانچ رکنی بینچ بنانے کی درخواست کو منظور کرلی ہے۔ تین رکنی بینچ نے لارجر بینچ کی تشکیل کا معاملہ چیف جسٹس کو بھجوا دیا ہے اور کیس کی مزید سماعت کل تک کیلئے ملتوی کردی گئی ہے۔

تفصیلات کے مطابق سپریم کورٹ نے پاناما کیس کی نظرثانی اپیل پانچ رکنی بینچ کے سنے جانے کی شریف خاندان کی درخواست منظور کرلی ہے۔ جسٹس اعجاز افضل کی سربراہی میں تین رکنی بینچ نے پاناما نظرثانی درخواستوں پرسماعت کی،نواز شریف کی جانب سے خواجہ حارث اور ان کے بچوں کی جانب سے سلمان اکرم راجا ایڈووکیٹ عدالت میں پیش ہوئے۔

سماعت کے آغاز پر نوازشریف کے بچوں کے وکیل سلمان اکرم راجہ نے دلائل دیتے ہوئے کہا کہ پانچ رکنی فیصلے کیخلاف نظر ثانی درخواست پہلے سنی جائے، کیونکہ پاناما کیس میں بھی تین رکنی بینچ کا فیصلہ پانچ رکنی بینچ میں ضم ہوگیا تھا، جس پر جسٹس اعجاز افضل نے ریمارکس دیئے کہ فرض کریں نظرثانی درخواستوں کیلئے پانچ رکنی بینچ بن جائے مگر فیصلہ تین رکنی بینچ کا ہے۔ تین رکنی اکثریتی فیصلہ تبدیل ہونے سے پانچ رکنی بینچ کا فیصلہ بھی تبدیل ہوجائیگا، فرض کریں نظرثانی درخواستوں کیلیے پانچ رکنی بینچ بن جائے، فیصلہ کن ججمنٹ تین رکنی بینچ کی ہے، دو اراکین کا فیصلہ بے سود ہوگا۔ جس پر وکیل سلمان اکرام راجہ نے دلائل دیتے  ہوئے کہا پانچ رکنی بینچ کے دوبارہ اکٹھا ہونے پر بھی سوال ہے۔ 28 جولائی کو فیصلہ 5 رکنی لارجر بنچ نے دیا تھا اس لیے نظر ثانی اپیل بھی 5 رکنی بینچ میں لگائی جائے اور اس کے لیے 5 رکنی لارجر بینچ تشکیل دیا جائے۔

سماعت کے دوران سلمان اکرم راجا نے مؤقف اختیار کیا کہ نظرثانی درخواست میں فیصلے کے خلاف بنیادی سوالات اٹھائے ہیں جس میں مرکزی نکتہ ہے کہ جو اس بینچ کے ممبر ہی نہیں تھے انہوں نے بھی فیصلہ سنایا۔ یہ بھی سوال ہے کہ دو جج پانچ رکنی بینچ میں آ کر کیسے بیٹھے۔جسٹس عظمت سعید نے سلمان اکرم راجا کو مخاطب کرتے ہوئے کہا کہ ہم آپ کے موکلان کو متاثر نہیں کرنا چاہتے۔

 نوازشریف کے وکیل خواجہ حارث نے کہا کہ 28 جولائی کا فیصلہ پانچ جج صاحبان کا تھا،اس پر پانچوں کے دستخط تھے۔  نواز شریف کے بچوں کے وکیل نے عدالت سے استدعا کی کہ 5 رکین بینچ نظرثانی اپیل کی سماعت کرے جس پر جسٹس اعجاز افضل نے ریمارکس دیئے کہ آپ کی نظرثانی اپیل میں سارے گراؤنڈ تین رکنی بینچ کے فیصلے کے خلاف ہیں اور پاناما کیس میں اکثریتی فیصلہ تین رکنی بینچ کا تھا۔

عدالت نے سماعت کے بعد شریف خاندان کی پاناما کیس پر نظرثانی کی پانچ رکنی بینچ کی جانب سے سماعت کرنے درخواست منظور کرلی اور تین رکنی بینچ نے نظرثانی درخواست پر پانچ رکنی بینچ کی تشکیل کیلئے معاملہ چیف جسٹس آف پاکستان کو بھجوا دیا ہے جبکہ کیس کی مزید سماعت کل تک کیلئے ملتوی کردی گئی ہے۔

یاد رہے کہ سپریم کورٹ کے 5 رکنی بنچ نے 28 جولائی کو پاناما کیس کے فیصلے میں اس وقت کے وزیراعظم نواز شریف کو صادق اور امین نہ ہونے پر نااہل قرار دیا تھا اور نیب کو احکامات جاری کئے تھے کہ شریف خاندان اور اسحاق ڈار کیخلاف 6 ہفتوں کے دوران ریفرنسز دائر کئے جائیں

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  26990
کوڈ
 
   
متعلقہ خبریں
پاکستان تحریک انصاف نے عمران خان کے آبائی علاقے میانوالی سے انتخابی مہم کا باضابطہ آغاز کردیا میانوالی میں منعقدہ انتخابی جلسے سے خطاب میں تحریک انصاف کے چیئرمین عمران خان نے کہا کہ ’نیا پاکستان خود دار ہوگا، اپنے پیروں پر کھڑا ہوگا
پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں پاک افغان بارڈر پر باڑ لگانے کے دوران فوجی دستے پر سرحد پار سے دہشت گردوں کے حملے کے نتیجے میں فوجی جوان سپاہی نیازعلی شہید ہوگئے، 29 سالہ شہید سپاہی
پاک فوج کے شعبہ تعلقات عامہ (آئی ایس پی آر) کی جانب سے جاری کی گئی پریس ریلیز کے مطابق سیکیورٹی فورسز نے آئی ڈی پیز کے بھیس میں چند دہشت گردوں کی موجودگی کی خفیہ اطلاع پر گاؤں اسپینا میلہ میں کارروائی کی۔
پاکستان عوامی تحریک (پی اے ٹی) کے سربراہ ڈاکٹر طاہر القادری نے آئندہ انتخابات کے بائیکاٹ کا اعلان کرتے ہوئے کہا کہ ان کی جماعت الیکشن 2018 میں حصہ نہیں لے گی۔ صوبائی دارالحکومت میں پریس کانفرنس کرتے ہوئے ڈاکٹر طاہر القادری کا کہنا تھا

مزید خبریں
صوبہ بلوچستان کے ضلع تربت میں کالعدم تنظیموں سے تعلق رکھنے والے 15 اہم کمانڈروں سمیت تقریباً 200 فراری ہتھیار ڈال کر قومی دھارے میں شامل ہوگئے ہیں۔ تقریب کے مہمان خصوصی وزیراعلیٰ بلوچستان میرعبدالقدوس بزنجو تھے۔ اب تک ایک ہزار 8 سو کے قریب فراری ہتھیار ڈال کر قومی دھارے میں شامل ہوچکے ہیں۔
سابق وزیراعظم اور حکمران جماعت کے سربراہ میاں محمد نواز شریف کی کل سعودی عرب روانگی کا امکان ہے۔ جہاں وزیراعلیٰ پنجاب شہباز شریف پہلے سے موجود ہیں۔ جبکہ وفاقی وزیر ریلوے خواجہ سعد رفیق بھی پی آئی اے کی پرواز کے ذریعے اہلخانہ کے ہمراہ سعودی عرب روانہ ہوگئے ہیں
وزیر اعظم نواز شریف نے کہا ہے کہ دہشت گردی کے خلاف پورے عزم سے لڑ رہے ہیں ، دہشت گردوں کا نیٹ ورک توڑ دیا ہے ، آخری دہشت گرد کے خاتمے تک جنگ لڑیں گے۔ وزیر اعظم نواز شریف سے پشاور میں مسلم لیگ ن کے سینیٹرز اور ارکان قومی
سابق گورنر پنجاب چوہدری محمد سرورنے تحریک انصاف میں باضابطہ طور پر شامل ہونےکی تصدیق کردی ہے۔ ایک نجی ٹی وی سے بات کرتے ہوئے چوہدری سرور کا کہنا تھا کہ تحریک انصاف جمہوریت پسند جماعت ہے اس لئے اس میں شامل ہونے کا

مقبول ترین
بین الاقوامی سفارتی حلقوں میں یہ تاثر عام ہو رہا ہے کہ مودی سرکار اپنی داخلی اور خارجہ پالیسیوں کے تناظر میں بڑی حد تک حواس باختہ ہو چکی ہے۔ اس کا اندازہ یوں کیا جا سکتا ہے کہ گذشتہ دنوں خود بھارتی میڈیا کے مطابق چنائی میں چائنہ سٹڈی سنٹر
پاکستان میں جب سے سوشل میڈیا پر خاص و عام کی رسائی ممکن ہوئی ہے ہم نے بحیثیت قوم جہاں سوشل میڈیا پر بہت سی غیر ضروری ابحاث میں وقت برباد کیا وہیں اسی سوشل میڈیا کے ذریعے کئی تحریکوں نے جنم لیا ، کئی اسی سوشل میڈیا
الیکشن کمیشن نے عام انتخابات کے بیلٹ پیپرز کی چھپائی کے حوالے سے تینوں پرنٹنگ پریس کی سیکیورٹی کےلیے فوج کی نفری مانگ لی۔ الیکشن کمیشن نے عام انتخابات کے لیے فوج کی معاونت حاصل کرنے کا فیصلہ کیا ہے اور اس حوالے سے
چیئرمین نیب جسٹس (ر) جاوید اقبال نے کہا ہے کہ کچھ لوگ چاہتے ہیں کہ انہیں گرفتار کیا جائے تاکہ وہ سیاسی شہید بن جائیں۔ لاہور میں نیب کمپلکس کے دورے کے موقع پر افسران سے خطاب کرتے ہوئے جسٹس ریٹائرڈ جاوید اقبال کا کہنا تھا کہ بدعنوانی

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں