Monday, 21 May, 2018
نواز شریف کے ضمنی ریفرنسز پر اعتراضات، فیصلہ محفوظ

نواز شریف کے ضمنی ریفرنسز پر اعتراضات، فیصلہ محفوظ

اسلام آباد ۔ سابق وزیراعظم نوازشریف نے نیب کی جانب سے دائر دو ضمنی ریفرنسز پر اعتراضات اٹھا دیئے ہیں جس پر احتساب عدالت نے فیصلہ محفوظ کر لیا اور سماعت ڈیڑھ بجے تک ملتوی کردی ہے۔

تفصیلات کے مطابق احتساب عدالت کے جج محمد بشیر نے نیب کی جانب سے دائر 2 ضمنی ریفرنسز العزیزیہ اسٹیل ملز اور فلیگ شپ انویسٹمنٹ پر سماعت کی۔ سابق وزیراعظم نوازشریف، ان کی صاحبزادی اور داماد کیپٹن صفدر ضمنی ریفرنسز میں عدالت پیش ہوئے۔ 

دوران سماعت نواز شریف کی معاون وکیل عائشہ حامد نے دلائل کے دوران دونوں ضمنی ریفرنسز پر اعتراضات اٹھاتے ہوئے کہا کہ نیب کی جانب سے دائر دونوں ضمنی ریفرنسز کی ضرورت نہیں تھی اور ضمنی ریفرنسز دائر کرنے کے لیے سپریم کورٹ کی شرائط پر عمل نہیں کیا گیا۔ مقدمات میں شریف خاندان کیخلاف اثاثے ملے نہ ہی شواہد ۔

وکیل عائشہ حامد نے کہا کہ سپریم کورٹ نے کہا تھا کہ کوئی نیا اثاثہ سامنے آنے پر ضمنی ریفرنس دائر کیا جائے، جن کمپنیوں کی تفصیلات دی گئیں وہ برطانیہ کا کوئی بھی شہری ایک فارم بھر کر حاصل کر سکتا ہے۔

وکیل نے کہا کہ جے آئی ٹی کی تحقیقات کے دوران بھی یہ تمام ریکارڈ پبلک ڈومین میں موجود تھا اور ضمنی ریفرنسز میں دی گئی معلومات نئے اثاثوں کی کیٹیگری میں نہیں آتیں۔ دلائل مکمل ہونے کے بعد عدالت نے ضمنی ریفرنسز کی منظوری یا اسے مسترد کرنے کے حوالے سے فیصلہ محفوظ کرلیا۔ اور سماعت ڈیڑھ بجے تک ملتوی کردی ہے۔

اس کے ساتھ سابق وزیراعظم نوازشریف نے حاضری سے استثنیٰ کی درخواست دائر کردی  نواز شریف کی معاون وکیل نے کہا کہ ایون فیلڈ پراپرٹیز ریفرنس میں استغاثہ کے غیرملکی گواہوں کے بیانات قلمبند کرنے کے موقع پر حاضری سے استثنیٰ دیا جائے، گواہوں کے بیان پر ہم نے جرح کرنی ہے، ملزمان کے آنے کی ضرورت نہیں۔   درخواست میں موقف اختیار کیا گیا ہے کہ وہ مصروفیت کے باعث عدالت میں پیش نہیں ہو سکتے عدالت سے استدعا ہے کہ حاضری سے استثنیٰ دیا جائے۔ 

جس پر فاضل جج نے ہدایت کی کہ آپ درخواست لکھ کر دے دیں اور نہ آنے کی وجہ بھی بتائیں جب کہ نیب پراسیکیوٹر نے کہا کہ صرف غیر معمولی حالات میں ہی حاضری سے استثنیٰ دیا جا سکتا ہے۔

فریقین کے دلائل کے بعد عدالت نے سابق وزیراعظم نواز شریف اور مریم نواز کو آج کے لئے حاضری سے استثنیٰ دے دیا ہےاور کیس کی مزید سماعت آج دن ڈیڑھ بجے تک کیلئے ملتوی کر دی ہے۔ تاہم غیرملکی گواہوں کے بیانات کے موقع پر صرف کیپٹن ریٹائرڈ صفدر پیش ہوں گے۔ فاضل جج آج ڈیڑھ بجے ایون فیلڈ پراپرٹیز ریفرنس کی دوبارہ سماعت کریں گے جس میں سابق وزیراعظم نواز شریف کو براہ راست ملزم قرار دیا گیا ہے۔ 

نیب کے 2 غیرملکی گواہوں میں فرانزک ماہر رابرٹ ریڈلی اور اختر راجا شامل ہیں جن کے بیانات لندن میں پاکستانی ہائی کمیشن سے بذریعہ ویڈیو لنک ریکارڈ کیے جائیں گے جب کہ احتساب عدالت میں بھی کیمرہ اور دو اسکرینیں لگادی گئی ہیں۔ آئی ٹی ماہرین نے گواہوں کے بیانات سے قبل فائنل ریہرسل کر کے انتظامات کا جائزہ بھی لیا جب کہ لندن میں پاکستانی ہائی کمیشن سے ویڈیو لنک رابطہ کر کے بلاتعطل اسٹریمنگ کا بھی جائزہ لیا۔

نیب پراسیکیوشن ٹیم کے سربراہ سردار مظفر عباسی اور ملزمان کے مقرر کردہ نمائندے بھی لندن میں ہائی کمیشن میں موجود ہوں گے۔

خیال رہے نواز شریف کی احتساب عدالت میں 20 ویں ، مریم نوازکی 22 ویں اور کیپٹن ریٹائرڈ صفدر کی 24 ویں پیشی ہے ۔ احتساب عدالت نے جے آئی ٹی سربراہ واجد ضیاء کو بھی اصل ریکارڈ سمیت طلب کر رکھا ہے۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  54857
کوڈ
 
   
متعلقہ خبریں
سیکیورٹی فورسز نے کوئٹہ کے علاقے چمن ہاوسنگ اسکیم کے قریب فرنٹیئر کور (ایف سی) مدد گار سینٹر پر دہشت گردوں کا حملہ ناکام بناتے ہوئے پانچوں حملہ آوروں کو ہلاک کردیا۔ پاک فوج کے شعبہ تعلقات عامہ (آئی ایس پی آر) کی جانب سے جاری بیان
نواز شریف نے کہا پی ٹی آئی گندی زبان والی جماعت ہے، یہ ایک ‘پگڑی اچھال’ پارٹی ہے، جس کا نا تو کوئی کردار ہے اور نا ہی نظریہ۔ یہ امپائر کی انگلی کی طرف دیکھنے والی پارٹی ہے
ترجمان دفتر خارجہ نے ڈاکٹر شکیل آفریدی کے معاملے پر کسی بھی قسم کی ڈیل کی تردید کردی۔ ریاست مخالف سرگرمیوں میں ملوث ہونے کے جرم میں 33 سال قید کی سزا پانے والے شکیل آفریدی کو گزشتہ دنوں سیکیورٹی
لاپتہ افراد کیس کی سماعت میں جسٹس اعجاز افضل خان کی سربراہی میں قائم تین رکنی لارجر بینچ کے سامنے اٹارنی جنرل ساجد الیاس بھٹی نے عبوری رپورٹ پیش کرتے ہوئے بتایا کہ ایک ہزار 330 افراد مختلف حراستی مراکز

مزید خبریں
صوبہ بلوچستان کے ضلع تربت میں کالعدم تنظیموں سے تعلق رکھنے والے 15 اہم کمانڈروں سمیت تقریباً 200 فراری ہتھیار ڈال کر قومی دھارے میں شامل ہوگئے ہیں۔ تقریب کے مہمان خصوصی وزیراعلیٰ بلوچستان میرعبدالقدوس بزنجو تھے۔ اب تک ایک ہزار 8 سو کے قریب فراری ہتھیار ڈال کر قومی دھارے میں شامل ہوچکے ہیں۔
سابق وزیراعظم اور حکمران جماعت کے سربراہ میاں محمد نواز شریف کی کل سعودی عرب روانگی کا امکان ہے۔ جہاں وزیراعلیٰ پنجاب شہباز شریف پہلے سے موجود ہیں۔ جبکہ وفاقی وزیر ریلوے خواجہ سعد رفیق بھی پی آئی اے کی پرواز کے ذریعے اہلخانہ کے ہمراہ سعودی عرب روانہ ہوگئے ہیں
وزیر اعظم نواز شریف نے کہا ہے کہ دہشت گردی کے خلاف پورے عزم سے لڑ رہے ہیں ، دہشت گردوں کا نیٹ ورک توڑ دیا ہے ، آخری دہشت گرد کے خاتمے تک جنگ لڑیں گے۔ وزیر اعظم نواز شریف سے پشاور میں مسلم لیگ ن کے سینیٹرز اور ارکان قومی
سابق گورنر پنجاب چوہدری محمد سرورنے تحریک انصاف میں باضابطہ طور پر شامل ہونےکی تصدیق کردی ہے۔ ایک نجی ٹی وی سے بات کرتے ہوئے چوہدری سرور کا کہنا تھا کہ تحریک انصاف جمہوریت پسند جماعت ہے اس لئے اس میں شامل ہونے کا

مقبول ترین
بھارتی ریاست مدھیہ پردیش میں ہندو انتہا پسندؤں نے ایک اور مسلمان کو گائے کے ذبیحہ کے الزام میں قتل کر دیا۔ بھارتی میڈیا کے مطابق بھارتی ریاست مدھیہ پردیش کے ضلع ساتنا میں انتہا پسند ہندؤں کے ہجوم نے 2 مسلمانوں ریاض خان اور شکیل پر گائے کو ذبح
مشیر خزانہ بلوچستان رقیہ ہاشمی نےساتھی اراکین کے ناروا رویے کے خلاف عہدے سے استعفادے دیا. ذرائع کے مطابق 14مئی کو بجٹ پیش کرنے کی تقریر کے دوران ساتھی اراکین کی جانب سے نازیبا الفاظ استعمال کرنے پر مشیر خزانہ نے احتجاجاً
وزیراعظم شاہد خاقان عباسی نے امریکی ریاست ٹیکساس کے ہائی اسکول میں فائرنگ کے نتیجے میں جاں بحق ہونے والی طالبہ سبیکا کے گھر کا دورہ کیا اور ان کے والد سے تعزیت کی۔ اس موقع پر وزیراعظم نے کہا کہ سبیکا پاکستان کی ہونہار طالبہ تھی
دنیا کے پہلے تیرتے ہوئے نیوکلیئر پاور اسٹیشن کی رونمائی گزشتہ روز روس کے شمالی شہر مرمینسک میں ایک شاندار تقریب کے دوران ہوئی جہاں سائبیریا روانگی سے قبل اس میں نیوکلیئر فیول ڈالا جائے گا۔ نیو کلیئر پاور اسٹیشن

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں