Friday, 14 August, 2020
’’سندھ پولیس کے اہلکار غیر قانونی اسلحہ کی فروخت میں ملوث نکلے‘‘

’’سندھ پولیس کے اہلکار غیر قانونی اسلحہ کی فروخت میں ملوث نکلے‘‘

کراچی ۔ سندھ پولیس کے اہلکار اسلحے کی فروخت  اور جعلی اسلحہ لائسنس بنانے کے دھندے میں ملوث نکلے۔ ترجمان سندھ رینجرز کے مطابق خفیہ اطلاع پر رینجرز اور پولیس نے کراچی کے علاقے لیاقت آباد میں مشترکہ کارروائی کی اور 3پولیس اہلکاروں کے ساتھ 5 دیگر ملزمان کو حراست میں لے لیا گیا جن میں سیاسی جماعت کا ایک ٹارگٹ کلر بھی شامل ہے۔

ملزمان میں سندھ ریزیرو پولیس کے اے ایس آئی عمر دراز خان، حوالدار سید نادرعلی شاہ اور اسپیشل برانچ کا حوالدار سید شاہد علی شامل ہیں۔ دیگر ملزمان کی شناخت فیضان علی، جنید، زوہیر کمال، صدام صدیقی اور سیاسی جماعت کے عسکری ونگ کے ٹارگٹ کلر کامران پریڈی کے نام سے ہوئی ہے۔

اطلاعات کے مطابق ملزمان جعلی اسلحہ لائسنس، جعلی ڈگریاں اور دستاویزات بنانے میں ملوث ہیں۔ ذرائع کے مطابق ملزم کامران پریڈی ہتھیار حوالدار نادر شاہ کو فروخت کرتا تھا جبکہ حوالدار نادر شاہ جعلی لائسنسوں پر اسلحہ خیبر پختونخوا سے بھی اسمگل کرتا تھا۔

ملزمان کے قبضے سے 2 عدد جی 3 رائفل، 18 میگزینز، سیکڑوں گولیاں، 140جعلی اسلحہ لائسنس،233 مختلف اقسام کی جعلی دستاویز، جعلی ڈگریاں،جعلی ڈرائیونگ لائسنس، سیکڑوں سرکاری جعلی مہریں بھی برآمد ہوئی ہیں۔

اسکے علاوہ ملزمان سے جعلی دستاویزات کی تیاری میں استعمال ہونے والے کمپیوٹرز،کلر پرنٹرزاور پرنٹنگ کا سامان بھی ملا ہے۔

ملزمان نے انکشاف کیا کہ وہ گزشتہ 10 سال میں 7 سے 8 ہزار جعلی اسلحہ لائسنس،4ہزار جعلی تعلیمی اسناد، سیکڑوں ڈرائیونگ لائسنس اور مختلف اداروں کی جعلی این او سیز بھاری رقم کےعوض فروخت کرچکے ہیں۔

ترجمان سندھ رینجرز کے مطابق فیضان غیر قانونی اسلحہ کا ڈیلر ہے جس کی نشاندہی پر گرفتاریاں کی گئیں۔

ترجمان کے مطابق ملزمان کے قبضے سے اہم سرکاری دستاویزت، جعلی ڈگریاں، جعلی ڈرائیونگ اور اسلحہ لائسنس، کراچی کے مختلف ضلعی کمشنرز کی جعلی مہریں، ٹھٹھہ اور مختلف اضلاع کی جعلی مہریں بھی برآمد کی گئی ہیں۔

ترجمان نے مزید بتایا کہ ملزمان ممنوعہ بور کا اسلحہ بناتے تھے اور اس کام میں ملوث پولیس اہلکار اسلحہ کی فروخت کے لیے جعلی دستاویزات پشاور سے لاتا تھا، ملزمان جعلی این او سی اور اسلحہ لائسنس دیتے تھے جس سے انہوں نے کروڑوں روپے کمائے۔

ڈی جی رینجرز سندھ میجر جنرل محمد سعید نے کامیاب کارروائی پر رینجرز اور سندھ پولیس کے مبارکباد دی ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کرسکتے ہیں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  10588
کوڈ
 
   
متعلقہ خبریں
موجودہ عالمی نظام ناکام ہوگیا ہے، اسلام ہی موجودہ حالات میں انسانیت کی نجات کا ضامن ہے۔ ہمیں ایک غلامی سے نجات پا کر دوسری غلامی میں نہیں جانا چاہیے۔ اسلام حریت وآزادی کا سبق دیتا ہے. یہ بات ملی یکجہتی کونسل کے مرکزی مشاورتی اجلاس کے مشترکہ اعلامیہ میں کہی گئی ہے۔
عالمی وبا کورونا وائرس سے متاثرہ مائیں اپنے نومولود بچوں کو دودھ پلا سکتی ہیں۔ عالمی ادارہ صحت کے مطابق جن خواتین میں کورونا کی تصدیق ہو چکی ہے ان کے لیے ضروری ہے کہ اپنے نومولود بچوں کو دودھ پلانا جاری رکھیں چونکہ اس کے فوائد خطروں سے بھی زیادہ ہیں۔
جسٹس قاضی فائزعیسیٰ ریفرنس کی سماعت ،جسٹس مقبول باقرنے وفاق کے وکیل فروغ نسیم کومخاطب کرتے ہوئے کہا کہ یہ ذہن میں رکھیں ایک جمہوری حکومت کو ججوں کی جاسوسی پرختم کیا چکا ہے۔ جسٹس عمرعطا بندیال کہتے ہیں ججز کی نگرانی
قائد ملت جعفریہ علامہ سید ساجدعلی نقوی کی اپیل پر شیعہ علماءکونسل پاکستان سمیت دیگر مذہبی تنظیموں نے وفاقی دارالحکومت اسلام آباد، پنجاب سندھ، خیبر پختونخوا ، کشمیر ،گلگت بلتستان سمیت ملک بھر کے تمام شہروں میں ایس او پیز کے تحت یوم القدس کی ریلیوں کا انعقاد کیاگیا۔

مقبول ترین
لاک ڈاؤن نے جہاں ہماری زندگی میں معیشت کا پہیہ جام کیا وہیں بہت سارے سبق بھی دے گیا۔ لاک ڈاؤن نہ ہوتا تو ہم شاید اپنی مصروف زندگی میں اتنے مصروف ہو جاتے کہ رشتوں، ناطوں کی اہمیت اور فیملی سسٹم کی خوبصورتی اور چاشنی سے مزید دور ہوتے چلے جاتے۔ وہ جو اک زندگی ہے نا کہ جس میں بیٹا دفتر جا رہا ہے، بیٹی یونیورسٹی جا رہی ہے، سب گھر والے ادھرادھر بکھرے پڑے ہیں۔
قومی اسمبلی سے انسداد دہشتگردی ترمیمی بل 2020 کو کثرت رائے سے منظور کرلیا گیا، شرکت داری محدود ذمہ داری سمیت پانچ بلز منظور کرلئے گئے۔ تفصیلات کے مطابق قومی اسمبلی میں انسداد دہشتگردی ترمیمی بل 2020 کو کثرت رائے سے منظور کرلیا گیا جس میں کمپنیز ترمیمی بل اور نشہ آور اشیا کی روک تھام کا بل بھی شامل ہے۔
وفاقی وزیر برائے مذہبی امور پیر نورالحق قادری نے کہا ہے کہ اسرائیل میں موساد کی ایک خاتون جعلی اکاؤنٹ سے فرقہ وارانہ مواد پھیلا رہی ہے۔ یہ خاتون فرقہ وارانہ موادسوشل میڈیا پربھیج دیتی ہے اورپھر آگے شیعہ اور سنی خود سے اسے پھیلاتے ہیں۔
سعودی عرب کے سابق انٹیلجنس افسر کی شکایت پر واشنگٹن کی ایک امریکی عدالت نے سعودی بن سلمان ولی عہد کو طلب کرلیا ہے۔ سابق سعودی انٹیلی جنس ایجنٹ کو مبینہ طور پر ناکام قاتلانہ حملے میں نشانہ بنایا گیا تھا۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں