Wednesday, 23 September, 2020
دینی وعصری تعلیمی اداروں کو احتیاطی تدابیر کے ساتھ کھولا جائے، ملی یکجہتی کونسل

دینی وعصری تعلیمی اداروں کو احتیاطی تدابیر کے ساتھ کھولا جائے، ملی یکجہتی کونسل
فوٹو مبصر

اسلام آباد۔ موجودہ عالمی نظام ناکام ہوگیا ہے، اسلام ہی موجودہ حالات میں انسانیت کی نجات کا ضامن ہے۔ ہمیں ایک غلامی سے نجات پا کر دوسری غلامی میں نہیں جانا چاہیے۔ اسلام حریت وآزادی کا سبق دیتا ہے. یہ بات ملی یکجہتی کونسل کے مرکزی مشاورتی اجلاس کے مشترکہ اعلامیہ میں کہی گئی ہے۔

تفصیلات کے مطابق اجلاس سے ٹیلی فون پر خطاب کرتے ہوئے کونسل کے صدر صاحبزادہ ابوالخیر محمد زبیر نے کہا کہ دینی وعصری تعلیمی اداروں کو احتیاطی تدابیر کے ساتھ کھولا جائے۔ اپنی نسل نو کے مستقبل کو تاریک نہ بنایا جائے۔ موجودہ حکومت کا سارا زور دینی و تعلیمی مراکز پر چل رہا ہے جوافسوس ناک ہے۔

اجلاس کی صدارت ملی یکجہتی کونسل کے سیکرٹری جنرل لیاقت بلوچ نے کی۔ انھوں نے کہا کہ قادیانیت استعماری سرپرستی میں پرپرزے نکالنے کے لیے کوشاں ہے۔ یہ استعمار کا خود کاشت پودا ہے۔ اس کے بارے میں پاکستانی آئین کے تقاضوں کے مطابق اقدامات کیے جائیں۔ انھوں نے کہا کہ حکومت کی معاشی پالیسیاں بری طرح ناکام ہو چکی ہیں۔

اس موقع پر خطاب کرتے ہوئے ملی یکجہتی کونسل کے ڈپٹی سیکرٹری جنرل ثاقب اکبر نے کہا کہ پاکستان کی حقیقی آزادی کے لیے ہمیں آئی ایم ایف کے سودی نظام سے نجات پانا ہو گی۔ 
اجلاس سے خطاب کرتے ہوئے جماعت اہل حرم کے سربراہ مفتی گلزار احمد نعیمی نے کہا کہ ہمیں قادیانیت کی سازشوں کے خلاف پورے حالات سے آگاہی کے ساتھ مل کر مقابلہ کرنا ہوگا۔

مجلس وحدت مسلمین کے سیکرٹری جنرل ناصر شیرازی نے کہا کہ قادیانیت کا اصل مرکز اسرائیل میں قائم ہے۔صہیونیت اور قادیانیت سے مقابلے کے لیے ان کی باہمی سازشوں پر نظر رکھنا ضروری ہے۔

اجلاس سے جماعت اسلامی کے نائب امیر میاں محمد اسلم نے بھی خطاب کیا۔ انھوں نے کہا کہ تمام دینی جماعتوں کو مل کر اقامت دین کے لیے کام کرنا چاہیے اور اللہ کی رسی کو مضبوطی سے تھام لینا چاہیے۔

اجلاس میں اسلامی تحریک پاکستان کے راہنما سید جعفر نقوی،جمعیت علمائے پاکستان کے مرکزی راہنما طاہر تنولی، اسلامی جمہوری اتحاد پاکستان کے حافظ حبیب الرحمن،جماعت اہلحدیث کے پروفیسر سیف اللہ خالد، چوھدری محمد صدیق، سیف اللہ گوندل، فضل اکبر اور دیگر نے بھی شرکت کی۔

کونسل کے اجلاس میں جناب مفتی گلزار احمد نعیمی کو کمیٹی برائے تحفظ ختم نبوت کا سربراہ مقرر کیا گیا۔اجلاس میں فیصلہ کیا گیا کہ ملک کے موجودہ حالات،بھارت اور کشمیر کے مسلمانوں کی مشکلات اورفلسطین کے خلاف عالمی سازشوں کے حوالے سے لائحہ عمل طے کرنے کے لیے کونسل کی تمام رکن جماعتوں کے قائدین پر مشتمل سپریم کونسل کی ٹیلی کانفرس جلد منعقد کی جائے گی۔

اجلاس میں کشمیر کے حوالے سے دینی و سیاسی جماعتوں کے نمائندوں کے علاوہ آل پارٹیز حریت کانفرس کے نمائندوں، ماہر سفارتکاروں اور دانش وروں پر مشتمل ٹیلی کانفرس بھی منعقد کی جائے گی۔ اجلاس میں فیصلہ کیا گیا کہ تمام رکن جماعتوں کے سوشل میڈیا نمائندوں کی کانفرنس لاہور میں طلب کی جائے گی۔

۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  10613
کوڈ
 
   
متعلقہ خبریں
دنیا میں لوگ کامیابی حاصل کرنے کےلیے ہر مشکل کو گلے لگانے کےلیے تیار بیٹھے ہیں کامیاب ہونا اور ترقی کی راہوں پر گامزن ہونا ہر ایک کی دلی تمناء ہے اب کامیابی کے معیارات مختلف ہیں اس حساب سے اسکی راہ بھی مختلف ہوتی ہے کسی کا معیار حکومت ہے، کسی کا دولت جمع کرنا اور کسی کا علمی میدان جیت جانا ہے وغیرہ ۔
ملی یکجہتی کونسل پاکستان کے مرکزی رہنمائوں نے کہا ہے کہ 27 رمضان المبارک کی شب کو پاکستان کا معرض وجود میں آنا اس وطن کی خصوصی مذہبی حیثیت کا آئینہ دار ہے، حکومت پاکستان اس روز کو بھی سرکاری طور پر یوم پاکستان کی حیثیت سے منائے
قدس کا مسئلہ کسی کا ذاتی مسئلہ نہیں یہ مسئلہ کسی ایک ملک سے مخصوص نہیں ہے یا یہ مسئلہ صرف مسلمانوں کا مسئلہ نہیں ہے بلکہ یہ گذشتہ موجود اور آنے والے مومنین اور موحدین کا مسئلہ ہے جس دن مسجد الاقصی کی بنیاد اس زمین پر رکھی گئی ہے اسی دن سےیہ سیارہ اس ھستی میں گردش کر رہا ہے مسلمانوں کے لئے کتنا دردناک ہے یہ منظر کہ وہ مادی اور معنوی امکانات کے باوجود بھی اس جسارت کو دیکھ رہے ہیں
جمعة الوداع کو یوم القدس منایا جائے گا۔ عوام گھروں سے فلسطینی پرچم لہرا کر یکجہتی فلسطین کریں۔ حکومت یوم القدس کو پاکستان کے سرکاری کلینڈر کا حصہ قرار دے، وزیر اعظم اپنی رہائش گاہ پر یوم القدس کو فلسطین اور پاکستان کا پرچم لہرا

مقبول ترین
انسداد دہشت گردی عدالت نے سانحہ بلدیہ فیکٹری کیس کے مجرموں رحمان بھولا اور زبیر چریا کو 264 ، 264 بار سزائے موت سنادی ہے۔ انسداد دہشت گردی عدالت میں سانحہ بلدیہ فیکٹری کیس کی سماعت ہوئی جس میں رحمان بولا، زبیر چریا اور رؤف صدیقی
ایران نے کہا ہے کہ امریکا نے روایتی غنڈہ گردی کا مظاہرہ کرتے ہوئے یک طرفہ طور پر اقوام متحدہ کی پابندیاں بحال کیں جس پر اُسے فیصلہ کن جواب دینے کا وعدہ کرتے ہیں۔ عالمی خبر رساں ادارے کے مطابق صدر حسن روحانی نے ایران پر اقوام متحدہ کی پابندیوں
وزیراعظم نے کہا ہے کہ اپوزیشن کی آل پارٹیز کانفرنس (اے پی سی) ریاستی اداروں کو بدنام کرنے کی کوشش تھی، عدالتوں اور فوج کو بدنام نہیں ہونے دیں گے۔ پاکستان کی مسلح افواج قومی سلامتی کی ضامن ہیں۔ ن لیگ نے ایک بار پھر بھارتی ایجنڈے کو فروغ دیا۔
عسکری قیادت نے واضح کیا ہے کہ پاک فوج کا ملک میں کسی بھی سیاسی عمل سے براہ راست یا بالواسطہ تعلق نہیں ہے۔ میڈیا کے مطابق آرمی چیف جنرل قمر جاوید باجوہ اور ڈی جی آئی ایس آئی لیفٹیننٹ جنرل فیض حمید کی پارلیمانی رہنماؤں سے

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں