’’بےنظیر قتل کیس: پیپلز پارٹی کی عدالتی فیصلے کیخلاف اپیل‘‘ ‬

’’بےنظیر قتل کیس: پیپلز پارٹی کی عدالتی فیصلے کیخلاف اپیل‘‘

وقت اشاعت: Monday, 18 September, 2017 15:07 PST

لاہور ۔ پیپلز پارٹی نے بے نظیر بھٹو قتل کیس میں انسداد دہشت گردی کی عدالت کے فیصلے کے خلاف اپیل دائر کردی۔ لاہور ہائی کورٹ راولپنڈی بینچ میں بے نظیر بھٹو کے خاوند آصف علی زرداری نے انسداد دہشت گردی عدالت کے فیصلے کے خلاف وکیل لطیف کھوسہ کے توسط سے اپیل دائر کی۔

پیپلز پارٹی کی جانب سے عدالت میں دائر کردہ تین اپیلوں میں ایک اپیل سابق صدر پرویز مشرف، دوسری رفاقت حسین اور تیسری اپیل اعتزاز شاہ کے خلاف ہے۔ عدالت میں اپیل دائر کرنے کے بعد میڈیا سے بات کرتے ہوئے لطیف کھوسہ کا کہنا تھا کہ اپیلوں میں نامزد ملزمان کو سزائے موت دینے کی اپیل کی گئی ہے۔

لطیف کھوسہ نے کہا کہ جن ملزمان کو انسداد دہشت گردی کی عدالت نے بری کیا انہیں بھی سزائے موت دینے کی اپیل کی ہے۔ لطیف کھوسہ نے کہا کہ بے نظیر بھٹو کو سیکیورٹی نہیں دی گئی اور انہوں نے اس کا اظہار صحافی مارک سیگل کو بھی ایک ای میل کے ذریعے بتایا تھا۔

لطیف کھوسہ کا کہنا تھا کہ بے نظیر بھٹو نے واضح لکھا تھا کہ اگر انہیں کچھ ہوا تو ذمہ دار پرویز مشرف ہوں گے جب کہ پرویز مشرف نے انہیں دھمکیاں بھی دی تھیں۔

خیال رہے کہ راولپنڈی کی انسداد دہشت گردی عدالت نے 31 اگست کو بے نظیر بھٹو قتل کیس کا فیصلہ سناتے ہوئے 5 ملزمان کو بری، 2 کو سزا جب کہ سابق صدر جنرل (ر) پرویز مشرف کو اشتہاری قرار دیتے ہوئے ان کی جائیداد کی قرقی کا حکم دیا تھا۔

عدالت کے فیصلے میں 5 گرفتار ملزمان رفاقت، حسنین، رشید احمد، شیر زمان اور اعتزاز شاہ کو بری کرنے کا حکم دیا گیا تھا۔

عدالت نے اپنے فیصلے میں سابق ایس پی خرم شہزاد اور سابق سی پی او سعود عزیز کو مجموعی طور پر 17، 17 سال قید کی سزا سنائی جبکہ دونوں کو پانچ، پانچ لاکھ روپے بھی جمع کرانے کا حکم دیا۔

متعلقہ خبریں

پاکستان، چین اور افغانستان سلامتی سے متعلق تعاون مستحکم بنانے پر متفق

دفتر خارجہ کی جانب سے جاری کئے گئے ایک مشترکہ بیان میں تینوں ملکوں نے دہشتگرد مزاحمتی تحریک کے دوبارہ اٹھنے سے بچنے کےلئے افغانستان سے غیر ملکی فوجوں کے منظم، ذمہ دار اور حالات پر مبنی انخلا پر زور دیا۔

دینی وعصری تعلیمی اداروں کواحتیاطی تدابیر کیساتھ کھولا جائے، ملی یکجہتی کونسل

موجودہ عالمی نظام ناکام ہوگیا ہے، اسلام ہی موجودہ حالات میں انسانیت کی نجات کا ضامن ہے۔ ہمیں ایک غلامی سے نجات پا کر دوسری غلامی میں نہیں جانا چاہیے۔ اسلام حریت وآزادی کا سبق دیتا ہے. یہ بات ملی یکجہتی کونسل کے مرکزی مشاورتی اجلاس کے مشترکہ اعلامیہ میں کہی گئی ہے۔

’’ذہن میں رکھیں ایک جمہوری حکومت کو ججز کی جاسوسی پر ختم کیا جاچکا ہے‘‘

جسٹس قاضی فائزعیسیٰ ریفرنس کی سماعت ،جسٹس مقبول باقرنے وفاق کے وکیل فروغ نسیم کومخاطب کرتے ہوئے کہا کہ یہ ذہن میں رکھیں ایک جمہوری حکومت کو ججوں کی جاسوسی پرختم کیا چکا ہے۔ جسٹس عمرعطا بندیال کہتے ہیں ججز کی نگرانی

علامہ ساجد نقوی کی اپیل پر ملک بھر میں القدس ریلیاں

قائد ملت جعفریہ علامہ سید ساجدعلی نقوی کی اپیل پر شیعہ علماءکونسل پاکستان سمیت دیگر مذہبی تنظیموں نے وفاقی دارالحکومت اسلام آباد، پنجاب سندھ، خیبر پختونخوا ، کشمیر ،گلگت بلتستان سمیت ملک بھر کے تمام شہروں میں ایس او پیز کے تحت یوم القدس کی ریلیوں کا انعقاد کیاگیا۔

مقبول ترین

لاک ڈاؤن، فیملی سسٹم اور ہماری زندگی

لاک ڈاؤن نے جہاں ہماری زندگی میں معیشت کا پہیہ جام کیا وہیں بہت سارے سبق بھی دے گیا۔ لاک ڈاؤن نہ ہوتا تو ہم شاید اپنی مصروف زندگی میں اتنے مصروف ہو جاتے کہ رشتوں، ناطوں کی اہمیت اور فیملی سسٹم کی خوبصورتی اور چاشنی سے مزید دور ہوتے چلے جاتے۔ وہ جو اک زندگی ہے نا کہ جس میں بیٹا دفتر جا رہا ہے، بیٹی یونیورسٹی جا رہی ہے، سب گھر والے ادھرادھر بکھرے پڑے ہیں۔

انسداد دہشتگردی ترمیمی بل 2020 کثرت رائے سے منظور

قومی اسمبلی سے انسداد دہشتگردی ترمیمی بل 2020 کو کثرت رائے سے منظور کرلیا گیا، شرکت داری محدود ذمہ داری سمیت پانچ بلز منظور کرلئے گئے۔ تفصیلات کے مطابق قومی اسمبلی میں انسداد دہشتگردی ترمیمی بل 2020 کو کثرت رائے سے منظور کرلیا گیا جس میں کمپنیز ترمیمی بل اور نشہ آور اشیا کی روک تھام کا بل بھی شامل ہے۔

موساد کی خاتون فرقہ وارانہ مواد پھیلا رہی ہے، نور الحق قادری

وفاقی وزیر برائے مذہبی امور پیر نورالحق قادری نے کہا ہے کہ اسرائیل میں موساد کی ایک خاتون جعلی اکاؤنٹ سے فرقہ وارانہ مواد پھیلا رہی ہے۔ یہ خاتون فرقہ وارانہ موادسوشل میڈیا پربھیج دیتی ہے اورپھر آگے شیعہ اور سنی خود سے اسے پھیلاتے ہیں۔

امریکی عدالت نے سعودی ولی عہد بن سلمان کو طلب کیا

سعودی عرب کے سابق انٹیلجنس افسر کی شکایت پر واشنگٹن کی ایک امریکی عدالت نے سعودی بن سلمان ولی عہد کو طلب کرلیا ہے۔ سابق سعودی انٹیلی جنس ایجنٹ کو مبینہ طور پر ناکام قاتلانہ حملے میں نشانہ بنایا گیا تھا۔

پاکستان