Thursday, 28 May, 2020
ایرانی سپریم لیڈرخامنہ ای کی طرف سے ملی یکجہتی کونسل کے مکتوب کا جواب موصول ہوگیا

ایرانی سپریم لیڈرخامنہ ای کی طرف سے ملی یکجہتی کونسل کے مکتوب کا جواب موصول ہوگیا

ملی یکجہتی کونسل کے ایک وفد نے ۱۴ جنوری سے ۲۲ جنوری ۲۰۲۰ تک اسلامی جمہوریہ ایران کا دورہ کیا۔ اس موقع پر وفد نے دیگر علما اور حکومتی ذمہ داروں سے ملاقات کے علاوہ ایران کے سپریم لیڈرسید علی خامنہ ای مدظلہ کے دفتر کے انچارج آیۃ اللہ محسن قمی سے بھی ملاقات کی۔اس ملاقات میں وفد کے اراکین نے رہبر معظم کی خدمت میں ایک مکتوب اپنے دستخطوں کے ساتھ ان کی خدمت میں پیش کیا۔ جس میں القدس فورس کے سربراہ جنرل قاسم سلیمانی،عراق کی پاپولر فورس کے ڈپٹی کمانڈر ابو مہدی مہندس اور ان کے ساتھیوں کی امریکی بمباری کے نتیجے میں شہادت پر تعزیت پیش کی گئی تھی۔ اس خط میں ملی یکجہتی کونسل کی اتحاد امت کے لیے مساعی کا بھی تذکرہ تھا۔

یاد رہے کہ مذکورہ وفد کی سربراہی کونسل کے سیکرٹری جنرل جناب لیاقت بلوچ کررہے تھے۔ وفد کے دیگر اراکین میں سید ثاقب اکبر ڈپٹی جنرل سیکرٹری ملی یکجہتی کونسل، اسلامی تحریک کے سیکرٹری جنرل علامہ عارف حسین واحدی، جمعیت علمائے پاکستان کے سیکرٹری جنرل پیرمحمد صفدر شاہ گیلانی، مجلس وحدت مسلمین کے ڈپٹی سیکرٹری جنرل سید ناصر شیرازی، ہدیۃ الہادی پاکستان کے نائب رہبر رضیت باللہ، متحدہ جمعیت اہل حدیث کے چیف آرگنائزر علامہ مقصود احمد سلفی اور جمیعت علمائے اسلام سینئر کے رہنما طاہر حبیب نقشبندی شامل تھے۔ ملی یکجہتی کونسل کے اراکین کے نام مذکورہ مکتوب کا جواب موصول ہوا ہے جو رہبر معظم کے انچارج آیۃ اللہ محسن قمی نے تحریر کیا ہے۔ مکتوب کا ترجمہ ذیل میں پیش خدمت ہے:

ملی یکجہتی کونسل پاکستان کے محترم اراکین اللہ آپ کی عزت میں اضافہ فرمائے
سلام علیکم 
اسلام کے سرفرزاکمانڈروں الحاج قاسم سلیمانی، ابو مہدی المہندس اور ان کے ساتھیوں کی مجرم امریکہ کے دہشت گردانہ حملے میں ہونے والی شہادت کی مناسبت سے آپ کا پیغام تعزیت رہبر معظم انقلاب اسلامی حضرت آیۃ اللہ العظمیٰ سید علی خامنہ ای مدظلہ کی خدمت میں پہنچا جس پر وہ شکر گزار ہیں۔ ان عالی مقام شہدا نے راہ خدا میں اپنے نیک کاموں اور جدوجہد کی جزا خوبصورت ترین ممکن صورت میں حاصل کرلی ہے اور وہ منفور ترین دشمنان اسلام کے ہاتھوں شہادت کے بلند درجے تک جا پہنچے ہیں۔ ان عزیزوں کی شہادت کی مناسبت سے ایران اسلامی میں ایرانی قوم اور اسلامی جمہوریہ ایران کے ذمہ داروں سے تعزیت اور ہمدردی کے اظہار کے لیے آپ کی ایران اسلامی میں قابل قدر موجودگی لائق تکریم و تحسین ہے۔ میں آپ کے لیے اللہ تعالیٰ سے مسلمانوں کی صفوں میں وحدت کو مستحکم کرنے کے لیے مزید کامیابی کی دعا کرتا ہوں نیز عظیم اسلامی امت اور خاص طور پر پاکستان کی مسلمان ملت کی دائمی خوشحالی اور عزت کی دعا کرتا ہوں۔
محسن قمی
۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  27622
کوڈ
 
   
متعلقہ خبریں
ملی یکجہتی کونسل پاکستان کے مرکزی رہنمائوں نے کہا ہے کہ 27 رمضان المبارک کی شب کو پاکستان کا معرض وجود میں آنا اس وطن کی خصوصی مذہبی حیثیت کا آئینہ دار ہے، حکومت پاکستان اس روز کو بھی سرکاری طور پر یوم پاکستان کی حیثیت سے منائے
قدس کا مسئلہ کسی کا ذاتی مسئلہ نہیں یہ مسئلہ کسی ایک ملک سے مخصوص نہیں ہے یا یہ مسئلہ صرف مسلمانوں کا مسئلہ نہیں ہے بلکہ یہ گذشتہ موجود اور آنے والے مومنین اور موحدین کا مسئلہ ہے جس دن مسجد الاقصی کی بنیاد اس زمین پر رکھی گئی ہے اسی دن سےیہ سیارہ اس ھستی میں گردش کر رہا ہے مسلمانوں کے لئے کتنا دردناک ہے یہ منظر کہ وہ مادی اور معنوی امکانات کے باوجود بھی اس جسارت کو دیکھ رہے ہیں
جمعة الوداع کو یوم القدس منایا جائے گا۔ عوام گھروں سے فلسطینی پرچم لہرا کر یکجہتی فلسطین کریں۔ حکومت یوم القدس کو پاکستان کے سرکاری کلینڈر کا حصہ قرار دے، وزیر اعظم اپنی رہائش گاہ پر یوم القدس کو فلسطین اور پاکستان کا پرچم لہرا
وزیراعظم عمران خان نے معاون خصوصی برائے صحت ڈاکٹر ظفر مرزا کی جانب سے غیر سنجیدہ رویہ اختیار کرنے کا سخت نوٹس لیا ہے۔ میڈیا کے مطابق وزیراعظم عمران خان نے کورونا وائرس کی روک تھام کے حوالے سے حکومتی کاوشوں کو مناسب

مقبول ترین
وزیرخارجہ شاہ محمود قریشی نے کہا ہے کہ بھارت خطے کے امن کو داﺅ پر لگا رہا ہے ‘ بھارت متنازعہ علاقوں میں تعمیراتی کام ‘سڑکیں اور فوجی بنکرز بنا رہا ہے جو کہ اس کے توسیع پسندانہ عزائم کو ظاہر کرتا ہے ‘لداخ کے متنازعہ علاقے میں تعمیرات سے بھارت عالمی قوانین کی خلاف ورزیاںکر رہا ہے۔
نیشنل کمانڈ اینڈ کنٹرول سینٹر کے اعدادوشمار کے مطابق کورونا س کے وار تیز ہوگیاہے ،60ہزار پاکستانی متاثر‘ اب تک 1240 جاں بحق ،مجموعی طور پر 19 ہزار142 مریض صحت یاب ‘ 24 گھنٹوں میں مزید ایک ہزار446 کیسز رپورٹ ہوئے۔
سابق صدر آصف علی زرداری نے کہا ہے کہ شدید مہنگائی کے باعث عوام حکومت سے تنگ آچکی ہے مو جودہ حکومت کاخاتمہ ہی عوام کے لئے ریلیف ہو گا،عوام نا اہل نیازی حکومت سے نجات چاہتی ہے ۔ کورونا وباءاور ٹڈی دل کے خاتمے کے لئے حکو مت کی کو ئی پا لیسی نظر نہیں آئی ، ڈنگ ٹپاو¿ نظام چل رہا ہے ۔
پاکستان مسلم لیگ(ن)کی ترجمان مریم اورنگزیب نے حکومت پر طنز کرتے ہوئے کہا ہے کہ عمران کے حکم پر چینی بر آمد کی گئی‘ مقدمہ بنایا جائے ،وزیراعظم کے لاپتہ ہونے پر تشویش ہے وزیراعظم کی گمشدگی کا اشتہار شائع کرنا چائیے۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں