Saturday, 07 December, 2019
اسلام آباد اور تہران کے درمیان براہ راست پروازوں کا آغاز

اسلام آباد اور تہران کے درمیان براہ راست پروازوں کا آغاز

 

اسلام آباد ۔ ایران کی نجی کمپنی 'کیش ایئرلائن' کی جانب سے ایران اور پاکستان کے دارالحکومتوں کے درمیان پہلی بار براہ راست پروازوں کا آغاز کردیا گیا جو دونوں ہمسایہ ممالک کے تعلقات میں ایک اہم سنگ میل ہے.

موصولہ اطلاعات کے مطابق  کیش ایئرلائن کا ایئربس-321 طیارہ گزشتہ روز 46 مسافروں کو لے کر تہران سے اسلام آباد پہنچ گیا جس کے بعد یہ جہاز اسلام آباد سے مسافروں کو لے کر تہران واپس چلا گیا.

کیش ایئر لائن کی پرواز اسلام آباد کے بین الاقوامی ہوائی اڈے پر پہنچنے کے موقع پر ایک خصوصی تقریب کا انعقاد کیا گیا تھا جس میں پاکستان میں قائم اسلامی جمہوریہ ایران کے سفارتخانے کا ایک نمائندہ بھی شریک تھا.

پروگرام کے تحت کیش ایئرلائن کی پرواز ہفتے میں ایک دن (منگل) تہران سے اسلام آباد آئے گی اور اسی شام اسلام آباد سے تہران واپس جائے گی.

تہران اور اسلام آباد کے درمیان براہ راست پروازوں کے آغاز نے دونوں ممالک کے درمیان طویل المدت زمینی سفر کو آسان بنادیا ہے. پاکستان سے ایران جانے کے لئے مسافروں کو 20 گھنٹے سے زائد زمینی طے کرنا پڑتا تھا مگر اب براہ راست پروازوں کے ذریعے یہ سفر تین گھنٹے میں پورا ہوگا.

کیش ایئر لائن کی پرواز کے آغاز سے ایران اور پاکستان کے درمیان موجودہ پروازوں کی تعداد چار ہوگئی ہے اس سے پہلے 'ایران ایئر کمپنی' کی جانب سے تہران اور کراچی کے درمیان ہر جمعرات کے روز پرواز چلائی جاتی ہے جبکہ ایران کی نجی کمپنی 'تابان' کی مشہد اور لاہور کے درمیان براہ راست پروازوں کا عمل جاری ہے جبکہ حال ہی میں ایران کی مشہور کمپنی 'ماہان ایئر' نے بھی مشہد اور لاہور کے درمیان براہ راست پروازوں کا آغاز کردیا ہے.

توقع کی جاتی ہے کہ ایران اور پاکستان کے دارالحکومتوں کے درمیان براہ راست پروازوں کے آغاز سے دوطرفہ تعلقات میں ایک نئے باب کا آغاز ہوگا بالخصوص دونوں ممالک کی تاجر برداری اور کاروباری حلقوں میں مشترکہ سرگرمیوں کے لئے مثبت فضا قائم ہوگی. تہران، اسلام آباد کی براہ راست پروازوں کے ذریعے سے پاک،ایران تجارتی اور اقتصادی سرگرمیوں کو مزید بڑھانے میں مدد ملے گی.

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  4945
کوڈ
 
   
متعلقہ خبریں
پیپلز پارٹی کے رہنما قمر زمان کائرہ نے سیاست میں اسٹیبلشمنٹ کی مداخلت بند کرنے کا مطالبہ کرتے ہوئے کہا ہے کہ پی ایس پی اورمتحدہ کے بننے پر جوڈیشل کمیشن بنایا جائے۔

مقبول ترین
امریکی ریاست مینیسوٹا میں امریکی فوج کی ریزرو فورس ’یو ایس نیشنل گارڈز‘ کے ایک ہیلی کاپٹر نے مرمت کے بعد تجرباتی پرواز بھری تھی تاہم کچھ ہی دیر بعد ہیلی کاپٹر کا کنٹرول روم سے رابطہ منقطع ہوگیا تھا۔
ڈیرہ اسماعیل خان میں ٹانک روڈ ظفرآباد کالونی میں پولیس مقابلے کے دوران کالعدم تنظیم ٹی ٹی پی کھاریاں کے 2 دہشت گرد مارے گئے، واقعے کے بعد پولیس اور سیکیورٹی فورسز کی بھاری نفری موقع پر پہنچ گئی اور علاقے کو گھیرے میں لے لیا۔
رکن پنجاب الیکشن کمیشن جسٹس ریٹائرڈ الطاف ابراہیم قریشی نے قائم مقام چیف الیکشن کمشنر کے عہدے کا حلف اٹھالیا ہے، ممبر کے پی کے جسٹس ریٹائرڈ ارشاد قیصر نے الطاف ابراہیم قریشی سے قائم مقام چیف الیکشن کمشنر کاحلف لیا، 2 رکنی الیکشن
وزیر خارجہ شاہ محمود قریشی اور پاکستان میں تعینات امریکی سفیر پال جونز کے درمیان ہونے والی ملاقات میں خطے میں امن کی صورتحال پر تبادلہ خیال کیا گیا۔ شاہ محمود قریشی نے امریکا کی جانب سے افغان امن مذاکرات کی بحالی

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں