Saturday, 20 July, 2019
بیگم کلثوم نواز کے علاوہ باقی سب جھوٹ بول رہے ہیں ، عمرا ن خان

بیگم کلثوم نواز کے علاوہ باقی سب جھوٹ بول رہے ہیں ، عمرا ن خان

لاہور ۔ عمران خان نے کہاہے کہ حکمران احتساب روکنے کے لئے ہر حربہ استعمال کر رہے ہیں، ان کو مافیا کا نام دینا بالکل ٹھیک ہے۔ بیگم کلثوم نواز کے علاوہ باقی سب جھوٹ بول رہے ہیں، دھمکیاں مافیا دیتاہے جمہوری لوگ نہیں ،پوری قوم جے آئی ٹی کے فیصلے کا انتظار کر رہی ہے ، یہ 1997 نہیں کہ آپ حملہ کر دیں گے ، اگر انہوں نے کچھ کیا تو قوم سڑکوں پر آئے گی ،چوہے کو کبھی جوش نہیں چڑھ سکتا جب تک کوئی پیچھے نہ بیٹھا ہو۔

پاکستان تحریک انصاف کے چیئرمین عمران خان نے صوبائی دارالحکومت پہنچنے کے بعد ایئرپورٹ پر میڈیا سے بات چیت میں کہا کہ بچوں کیلئے دھمکیاں دینا مافیا سٹائل ہے ، دھمکیاں مافیا دیتاہے جمہوری شخصیت نہیں ، پوری قوم جے آئی ٹی کے فیصلے کا انتظار کر ہی ہے یہ 1997 نہیں کہ آپ حملہ کردیں گے ، اگر انہوں نے کچھ کرنے کی کوشش کی تو قوم سڑکوں پر آئے گی ۔

ان کا کہناتھا کہ پاناما کیس اٹھانے پر میرے اوپر چھ کیسز بنائے ،شریف خاندان نے ابھی تک ایک بھی منی ٹریل نہیں دی ہے ،میں نے اپنی ایک ایک ٹرانزیکشن عدالت کے سامنے رکھ دی ہے ۔انہوں نے کہا کہ بیگم کلثوم نواز کے علاوہ باقی سب جھوٹ بول رہے ہیں ،اب زمین ان پر تنگ ہو گی ،میں لوگوں کو سڑکوں پر نکالوں گا ،انہیں منہ چھپانے کی جگہ نہیں ملے گی ۔ یہ مک مکا کرنا چاہتے ہیں کہ ہمیں ہاتھ نہ لگاؤ، 

عمران خان کا کہناتھا کہ تاریخ میں پہلی مرتبہ رولنگ فیملی کا احتساب ہو رہاہے ،شریف خاندان یہ تاثر دینے کی کوشش کررہاہے کہ ان کا بار بار احتساب ہواہے ،ان کا کبھی احتساب نہیں ہوا یہ پہلی بار ہورہاہے ۔ کپتان کا کہناتھا کہ احتساب روکنے کیلئے ہر حربہ استعمال کیا جارہاہے ،اگر آپ نے واردات کی تو قوم کو سڑکوں پر نکالوں گا ۔

چیئرمین تحریک انصاف کا کہناتھا کہ یہ پہلے دھمکیاں دلاتے ہیں اور پھر قربانی کا بکرا بنا تے ہیں ،آپ کو جدہ جانے کا بھی موقع نہیں ملے گا ،دور بدل چکاہے لوگ باشعور ہو چکے ہیں ، ہر کسی کو پتہ ہے قطری خط فراڈ ہے ، چھابڑی والے کو بھی معلوم ہے کہ خط فراڈ ہے ۔

عمران خان کا مزید کہنا تھا کہ پاکستان منی لانڈرنگ سے تباہ ہو رہا ہے، 10 ارب سالانہ منی لانڈرنگ کے ذریعے بیرون ملک جاتا ہے، ان ڈاکوؤں کی منی لانڈرنگ سے پاکستان کا بچہ بچہ مقروض ہو رہا ہے۔ نہال ہاشمی کے معاملے پر ایک سوال کے جواب میں چیئرمین پی ٹی آئی بولے، چوہے کو کبھی جوش نہیں چڑھ سکتا جب تک کوئی پیچھے نہ بیٹھا ہو۔

کپتان کا کہناتھا کہ نوازشریف کا بیٹا کچھ اورکہہ رہا ہے، بیٹی کچھ اور وہ خود کچھ اورکہہ رہے ہیں،شریف خاندان کےتمام افرادکےبیانات میں تضادہے۔ نوازشریف نےسب کچھ اپنےبچوں کےنام پر رکھا ہے،جو کرپشن کرتاہےوہ پیسااپنےنام پرنہیں رکھتا۔ شہبازشریف کاعدالت میں انتظار کر رہاہوں۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  20533
کوڈ
 
   
متعلقہ خبریں
اقوام متحدہ میں پاکستان کی مستقل مندوب ملیحہ لودھی کا کہنا ہے کہ عالمی برادری تنازعات کے حل کی بجائے تماشا دیکھ رہی ہے جب کہ بیرونی قبضے، سیاسی و معاشی نا انصافیوں، غربت کے خاتمہ کی ضرورت ہے۔
اطلاعات کے مطابق میاں محمد نوازشریف کے بیٹوں کی لندن میں جائیداد سے متعلق تحقیقات کے لئے ایک ہفتہ قبل جانے والی نیب کی 2 رکنی ٹیم پی آئی اے کی پرواز سے صبح 8 بجے لاہور ایئرپورٹ پہنچی۔
چیف جسٹس آف پاکستان میاں ثاقب نثار نے صوبہ پنجاب میں صاف پانی کی عدم فراہمی پر برہمی کا اظہار کرتے ہوئے صوبائی حکومت سے سوال کیا کہ انتظامیہ صحت اور تعلیم پر کیا اقدامات کر رہی ہے؟
ضلع میں یونیورسٹی یا یونیورسٹی کیمپس کے قیام سے متعلق 8رکنی جائزہ کمیٹی تشکیل دیدی گئی جو 15روز میں اپنی سفارشات کے ساتھ رپورٹ وزیرا عظم کو ارسال کرے گی۔

مقبول ترین
وزیراعظم عمران خان کا میانوالی میں ہسپتال کا سنگ بنیاد رکھنے کی تقریب سے خطاب کرتے ہوئے کہنا تھا کہ انسانیت کی بھلائی کے کام کرکے انسان کو روحانی خوشی محسوس ہوتی ہے۔ امیر آدمی کو کبھی دنیا یاد نہیں کرتی، جو انسانوں کیلئے کچھ کرکے جائے دنیا
قومی احتساب بیورو (نیب) لاہور نے شہباز شریف خاندان کیخلاف بڑی کارروائی کرتے ہوئے ان کے 150 بینک اکاؤنٹس کو منجمد کر دیا ہے۔ میڈیا کے مطابق نیب کی جانب سے اس معاملے پر سٹیٹ بینک آف پاکستان کو خط لکھا
وفاقی وزیر داخلہ اعجاز شاہ نے پریس کانفرنس سے خطاب کرتے ہوئے کہا چیئرمین نیب کو (ن) لیگ اور پیپلز پارٹی نے منتخب کیا، چیئرمین نیب کی تقرری میں عمران خان کا کوئی کردار نہیں، جس نے جو کیا وہ بھگتے گا، ہمارے ارکان بھی نیب کی پیشیاں بھگت رہے ہیں
مسلم لیگ (ن) کے صدر شہباز شریف کا کہنا ہے کہ نیب عمران نیازی کے ہاتھ میں آلہ کار بنا ہوا ہے۔ لاہور میں پریس کانفرنس کرتے ہوئے قومی اسمبلی میں قائد حزب اختلاف شہباز شریف کا کہنا تھا کہ شاہد خاقان عباسی کی گرفتاری کی شدید مذمت کرتے ہیں

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں