Friday, 14 August, 2020
’’ہایئر ایجوکیشن کمیشن کی فنڈنگ میں اضافہ کیا جائے گا‘‘

’’ہایئر ایجوکیشن کمیشن کی فنڈنگ میں اضافہ کیا جائے گا‘‘

اسلام آباد ۔ جامعات کو طلباء کو نئے داخلے دینے اور مجلہ جات پبلش کرنے کے ساتھ ساتھ اعلی تعلیم اور تحقیق کی کوالٹی میں بہتری کی جانب توجہ دینے کی ضرورت ہے۔ جیسے ہی ملکی معیشت میں بہتری آئے گی، ہایئر ایجوکیشن کمیشن کی فنڈنگ کے حالات میں بہتری آئے گی۔ ان خیالات کا اظہار صدر پاکستان ڈاکٹر عارف علوی نے کوالٹی ایشورنس سسٹم، معیار اور پالیسی سازی: مسائل اور چیلنجز کے عنوان سے اسلام آباد میں منعقدہ بین الاقوامی کانفرنس میں خطاب کے دوران کیا۔

وفاقی وزیر برائے ایجوکیشن اینڈ پروفیشنل ٹریننگ نے اس ضمن میں وضاحت کرتے ہوئے کہا کہ حکومت ہایئر ایجوکیشن کمیشن کا ریکرنگ اور ڈویلپمنٹ بجٹ بڑھانے کا ارادہ رکھتی ہے۔

یہ کانفرنس ہایئر ایجوکیشن کمیشن اور یونائیٹڈ اسٹیٹس ایجوکیشنل فاؤنڈیشن ان پاکستان (USEFP)کے باہمی 
اشتراک سے منعقدی کی جا رہی ہے۔

ڈاکٹر عارف علوی نے کہا کہ تعلیم کا مقصد انسانی ذہانت کی ترقی ہوتا ہے مگر تعلیم کو معاشرے کی ضرورے کے مطابق ہونا چاہیے۔ صدر مملکت نے اس بات پر زور دیا کہ جامعات کو اپنے نصاب میں طلباء کی معاشرتی اور نفسیاتی ضروریات کو مدنظر رکھتے ہوئے بہتری لانے کی ضرورت ہے۔

انھوں نے اعتراف کیا کہ گزشتہ سالوں میں ایجوکیشن سیکٹر کے انفراسٹرکچر میں بہت بہتری آئی ہے مگر زیادہ تر والدین اپنے طلباء کی تعلیم کی کوالٹی میں بہتری کے خواہش مند ہیں۔ انھوں نے مزید کہا کہ کوالٹی میں وقت کے ساتھ بہتری آتی ہے، یہ اداروں اور افراد کے لیے ایک لگاتار سیکھنے کا عمل ہوتا ہے۔ انھوں نے اپنی گفتگو جاری رکھتے ہوئے کہا کہ ہمیں اپنے مسائل کی شناخت کرنی ہے، ان کا حل تلاش کرنا ہے اور اپنی استعداد کار میں بہتری لانی ہے تاکہ ایک مخصوص ٹائم لائن میں مسائل کے حل پر عملدرآمد کو یقینی بنایا جا سکے۔ انھوں نے آخر میں کہا کہ اس اہم کام کے لیے ہمیں پر عزم ہونا ہوگا۔

وفاقی وزیر برائے فیڈرل ایجوکیشن اینڈ پروفیشنل ٹریننگ، شفقت محمودنے کہا کہ حکومت تعلیم کے میدان میں سرمایہ کاری کے لیے پر عزم ہے اور ہماری یہ ترجیح ہے کہ ملک میں یکساں تعلیمی نظام کا نفاذ عمل میں آئے۔

انھوں نے افسوس کا اظہار کیا کہ پاکستان لرننگ پوورٹی انڈیکس (Learning Poverty Index)میں تنزلی کا شکار ہے اور ہمیں تعلیم تک رسائی میں بہتری کی وجہ سے تعلیم کی بہتر کوالٹی کا چیلنج درپیش ہے۔ انھوں نے کہا کہ حکومت نے اسٹارٹ اپس اور انکیوبیشن کی سرگرمیوں کو فروغ دینے کے لیے کامیاب جوان پروگرام کا آغاز کیا ہے۔ انھوں نے مزید کہا کہ پرائم منسٹر احساس انڈرگریجویٹ اسکالرشپ پروگرام کے تحت پچاس ہزار انڈر گریجویٹ طلباء کو وظائف دیے جائیں گے۔

انھوں نے یونائیٹڈ اسٹیٹس ایجوکیشنل فاؤنڈیشن ان پاکستان کی اعلی تعلیم کے فروغ کے لیے کی جانے والی کاوشوں کو سراہا اور کہا کہ ان سرگرمیوں سے دوطرفہ تعلقات میں مزید گرمجوشی دیکھنے میں آئے گی۔

ہائیر ایجوکیشن کمیشن کے چیئرمین طارق بنوری نے کہا کہ کانفرنس کے تھیمز ہایئر ایجوکیشن کمیشن کے ریفارم ایجنڈا سے مطابقت رکھتے ہیں۔ انھوں نے کہا کہ اس کانفرنس کا بنیاد مقصد قومی سطح پر ”کوالٹی“ کے بارے میں بحث و مباحثہ کا آغاز کرنا ہے۔ انھوں نے یہ بھی کہا کہ کوالٹی منزل نہیں، راستہ ہے۔
امریکی سفیر، پال جونز نے کہا کہ امریکہ کو پاکستان کیساتھ تعلیمی اشتراک پر فخر ہے۔ انھوں نے کہا کہ انھیں سفارت کاری میں تین دہائیں ہو چکی ہیں مگر انھوں نے ہایئر ایجوکیشن کمیشن جیسا مؤثر پارٹنر نہیں دیکھا۔ انھوں نے یہ بھی بتایا کہ امریکہ نے حال ہی میں پاکستانی اداروں کے ساتھ 23پارٹنرشپس کی ہیں جبکہ یو۔ایس پاکستان اکیڈمک اینڈ کلچرل ایکسچینج پروگرام کے تحت ایک سو پاکستانیوں کو امریکہ بھجوایا گیا ہے۔

انھوں نے کانفرنس کے شرکاء کو بتایا کہ اب تک امریکہ کی جانب سے 19000پاکستانی طلباء کو نیڈ بیسڈ وظائف دیے گئے ہیں۔

اس کانفرنس کا مقصد اعلی تعلیم کی کوالٹی میں بہتری لانا، تعلیمی شعبہ سے وابستہ افرادکو یکجا کرنا اور بین الاقوامی کوالٹی ایشورنس معیارات کے حوالے سے باہمی افہام و تفہیم کرنا ہے۔ اس کانفرنس سے پاکستانی جامعات کے سربراہان کو یہ موقع میسر آئے گا کہ وہ دوسرے ممالک کی جامعات کے تجربات سے آگاہی حاصل کریں اور بالخصوص ان غیر ملکی جامعات کے سربراہان کو اپنے تجربات کے بارے میں معلومات فراہم کریں، جو اپنے اعلی تعلیمی سسٹم کی داغ بیل ڈالنے میں مصروف ہیں۔

مزید براں اس کانفرنس کے ذریعے کوالٹی کلچر کو استحکام ملے گا اور عالمی سطح پر درپیش چیلنجز کا سامنا کرنے اور ایک دوسرے کی معاونت کرنے کے لیے مشترکہ میدان کی فراہمی ہوگی۔ اس کانفرنس کے ذریعے وسائل کو متحرک کیا جائے گا، معیار بنایا جائے گااور مشترکہ طور پر سیکھنے کے عمل کا آغاز ہو گا۔ اس کانفرنس کی بدولت بہتر کوالٹی سسٹم بشمول اساتذہ کی بہتر استعداد کار اور پروگراموں کی کوالٹی بہتربنانے میں مدد ملے گی اور ایسا میکانزم تیار کرنے میں آسانی ہو گی کہ جس کے تحت پرفارمنس کو برقرار رکھنے اور بڑھانے میں مدد ملے گی۔

۔۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ

’’ہایئر ایجوکیشن کمیشن کی فنڈنگ میں اضافہ کیا جائے گا‘‘
اپنا تبصرہ دینے کے لیے نیچے فارم پر کریں
   
نام
ای میل
تبصرہ
  64409
کوڈ
 
   
متعلقہ خبریں
وفاقی وزیر برائے مذہبی امور پیر نورالحق قادری نے کہا ہے کہ اسرائیل میں موساد کی ایک خاتون جعلی اکاؤنٹ سے فرقہ وارانہ مواد پھیلا رہی ہے۔ یہ خاتون فرقہ وارانہ موادسوشل میڈیا پربھیج دیتی ہے اورپھر آگے شیعہ اور سنی خود سے اسے پھیلاتے ہیں۔
وزیراعظم عمران خان نے عوامی بہبود کیلئے وزیراعلیٰ پنجاب عثمان بزدار کے اقدامات پر اظہار اطمینان کرتے ہوئے کہا ہے کہ پنجاب حکومت نے انسداد کورونا کے لئے بہترین کام کیا۔ ملاقات میں وزیراعلیٰ نے پنجاب کی صورتحال اور نئے اقدامات کے حوالے سے وزیراعظم کو تفصیلات سے آگاہ کیا۔
صدر مملکت ڈاکٹر عارف علوی کا کہنا ہے کہ ہماری معیشت اور موجود وسائل بے قابو انداز سے بڑھتی ہوئی آبادی کی وجہ سے ہمیشہ دباؤ کا شکار رہیں گے۔ اسلامی ممالک میں آبادی میں اضافہ کی روک تھام کے لیے جامع مہم کی منصوبہ بندی کی جا رہی ہے۔
لاہور۔ کورونا وائرس کی وجہ سے لاک ڈائون میں بھارت کے مختلف شہروں میں پھنسے80 پاکستانی شہری جبکہ پاکستان میں مقیم 114 بھارتی شہری واپس لوٹ گئے۔

مزید خبریں
وزیراعلیٰ سندھ مراد علی شاہ نے کورونا وائرس کے مزید پھیلاؤ کے خطرے کو مدنظر رکھتے ہوئے اضلاع کی سطح پر قرنطینہ مرکز بنانے کی ہدایت کردی ہے۔
وزارت قانون و انصاف نے صدر مملکت ڈاکٹر عارف علوی کی منظوری سےخالد جاوید خان کو انور منصور کی جگہ پاکستان کا نیا اٹارنی جنرل تعینات کرنے کا باضابطہ نوٹی فیکیشن جاری کر دیا ہے۔
اسلام آباد: ہائر ایجوکیشن کمیشن (ایچ ای سی) اور مائیکروسافٹ نے Imagine Cup 2020میں نیشنل یونیورسٹی آف انجینئرنگ اینڈ ٹیکنالوجی (نسٹ)، اسلام آباد کی ٹیمFlowlines کو نیشنل فائنل 2020کا فاتح قرار دیاہے۔نسٹ کی ٹیم نے ملک بھر کی 60 فائنلسٹ ٹیموں میں بہترین کارکردگی دکھائی۔
پاکستان تحریک انصاف (پی ٹی آئی) کے بانی رہنما اور وزیر اعظم عمران خان کے دیرینہ سیاسی معاون نعیم الحق طویل علالت کے بعد انتقال کر گئے۔ انھیں کینسر کا مرض‌لاحق تھا۔ وہ کراچی کے نجی اسپتال میں زیر علاج تھے۔

مقبول ترین
لاک ڈاؤن نے جہاں ہماری زندگی میں معیشت کا پہیہ جام کیا وہیں بہت سارے سبق بھی دے گیا۔ لاک ڈاؤن نہ ہوتا تو ہم شاید اپنی مصروف زندگی میں اتنے مصروف ہو جاتے کہ رشتوں، ناطوں کی اہمیت اور فیملی سسٹم کی خوبصورتی اور چاشنی سے مزید دور ہوتے چلے جاتے۔ وہ جو اک زندگی ہے نا کہ جس میں بیٹا دفتر جا رہا ہے، بیٹی یونیورسٹی جا رہی ہے، سب گھر والے ادھرادھر بکھرے پڑے ہیں۔
قومی اسمبلی سے انسداد دہشتگردی ترمیمی بل 2020 کو کثرت رائے سے منظور کرلیا گیا، شرکت داری محدود ذمہ داری سمیت پانچ بلز منظور کرلئے گئے۔ تفصیلات کے مطابق قومی اسمبلی میں انسداد دہشتگردی ترمیمی بل 2020 کو کثرت رائے سے منظور کرلیا گیا جس میں کمپنیز ترمیمی بل اور نشہ آور اشیا کی روک تھام کا بل بھی شامل ہے۔
وفاقی وزیر برائے مذہبی امور پیر نورالحق قادری نے کہا ہے کہ اسرائیل میں موساد کی ایک خاتون جعلی اکاؤنٹ سے فرقہ وارانہ مواد پھیلا رہی ہے۔ یہ خاتون فرقہ وارانہ موادسوشل میڈیا پربھیج دیتی ہے اورپھر آگے شیعہ اور سنی خود سے اسے پھیلاتے ہیں۔
سعودی عرب کے سابق انٹیلجنس افسر کی شکایت پر واشنگٹن کی ایک امریکی عدالت نے سعودی بن سلمان ولی عہد کو طلب کرلیا ہے۔ سابق سعودی انٹیلی جنس ایجنٹ کو مبینہ طور پر ناکام قاتلانہ حملے میں نشانہ بنایا گیا تھا۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں