Monday, 21 May, 2018
ضمانت کیس، شرجیل میمن کی درخواست پر نیب کو نوٹس جاری

ضمانت کیس، شرجیل میمن کی درخواست پر نیب کو نوٹس جاری

اسلام آباد ۔ سپریم کورٹ نے پاکستان پیپلز پارٹی (پی پی پی) کے رہنماء اور سابق صوبائی وزیر شرجیل انعام میمن کی ضمانت کی درخواست پر قومی احتساب بیورو (نیب) کو نوٹس جاری کرتے ہوئے سماعت جنوری کے پہلے ہفتے تک ملتوی کردی تاہم اس کی حتمی تاریخ کا اعلان نہیں کیا گیا۔

تفصیلات کے مطابق سپریم کورٹ میں سابق وزیراطلاعات سندھ شرجیل میمن کی درخواست ضمانت کیس کی سماعت ہوئی، جسٹس اعجازافضل کی سربراہی میں عدالت عظمی کے تین رکنی بینچ نے سماعت کی۔
اس موقع پر شرجیل میمن کے وکیل لطیف کھوسہ نے عدالت کو بتایا کہ سندھ میں ملزم سے ضمانتی مچلکے نہیں لئے جاتے بلکہ انہیں قید کر دیا جاتا ہے۔ان کا مزید کہنا تھا کہ انعام اکبر نے چیئرمین نیب کے وارنٹ گرفتاری جاری کرنے کے اختیار کو چیلنج کر رکھا ہے جس پر عدالت نے ریمارکس دیتے ہوئے کہا کہ ایک کیس میں نوٹس جاری ہو چکا تاہم باقی افراد کے لیے بھی کیسز بھی جاری کر دیتے ہیں۔ جبکہ انعام اکبر نے چیئرمین نیب کے وارنٹ گرفتاری جاری کرنے کے اختیار کو چیلنج کرنے پر دلائل دئیے۔

عدالت نے دلائل سننے کے بعد رجیل میمن کی درخواست ضمانت اورانعام اکبر اور دیگر ملزمان کی درخواستوں پر بھی نیب کو نوٹسز جاری کرتے ہوئے سماعت جنوری کے پہلے ہفتے تک ملتوی کردی تاہم اس کی حتمی تاریخ کا اعلان نہیں کیا گیا ہے۔

سماعت کے بعد میڈیا سے گفتگو میں لطیف کھوسہ نے نیب کو تنقید کا نشانہ بناتے کہا کہ اداروں کو امتیازی سلوک روا نہیں رکھنا چاہئے، کچھ لوگ نیب زادے جبکہ کچھ نیب زدہ ہیں، جس میں صرف نیب زدہ ہی جیل جاتے ہیں۔ کچھ لوگ عدالتوں میں ایسے پیش ہوتے ہیں جیسے شاہی دربار میں آتے ہوں۔انہوں نے بتایا کہ سندھ اسمبلی میں اس سلوک کے حوالے سے قرارداد بھی پیش کی گئی ہے۔

یاد رہے کہ رواں برس 23 اکتوبر کو سندھ ہائی کورٹ نے صوبائی محکمہ اطلاعات میں 5 ارب 76 کروڑ روپے کی مبینہ بدعنوانی کے معاملے پر شرجیل انعام میمن سمیت دیگر ملزمان کی درخواست ضمانت مسترد کردی تھی جس کے بعد نیب کی ٹیم نے انہیں عدالت سے باہر آتے ہی گرفتار کرلیا تھا۔
سندھ ہائی کورٹ کے چیف جسٹس احمد علی ایم شیخ کی سربراہی میں 2 رکنی بینچ نے پی پی پی رہنما سمیت 13 ملزمان کی ضمانت کی درخواست مسترد کردی تھی۔

بعد ازاں شرجیل میمن نے چھبیس نومبر کو شرجیل میمن نے لطیف کھوسہ کے توسط سے سندھ ہائیکورٹ کے فیصلے کیخلاف اپیل سپریم کورٹ میں جمع کرائی تھی، درخواست میں مؤقف اختیار کیا گیا تھا کہ سندھ ہائیکورٹ نے ان کی درخواست ضمانت پر حقائق و قانون کے برخلاف فیصلہ دیا کیونکہ نیب کے پاس شرجیل میمن کے خلاف کوئی ثبوت نہیں، ان کی گرفتاری نیب قوانین کی خلاف وزری ہے۔ 

درخواست میں کہا گیا تھا کہ شرجیل میمن کے خلاف عہدہ سنبھالنے کے صرف پانچ روز بعد ہی نیب کو شکایت جمع کرائی گئی اور درخواست گزار زینت جہاں نے بھی صرف ٹرانسفر، پوسٹنگ اور خواتین کو ہراساں کرنے سے متعلق شکایت کی تھی۔ ایسی درخواست پر کرپشن کی تحقیقات کیسے کی جاسکتی تھیں لہذا سندھ ہائیکورٹ کا فیصلہ کالعدم قرار دیا جائے۔

درخواست میں باور کرایا گیا تھا کہ سپریم کورٹ اسی ریفرنس میں دوسرے ملزم انعام اکبر کو عبوری ضمانت دے چکی ہے اس لئے شرجیل انعام میمن کی ضمانت کے بھی احکامات جاری کئے جائیں۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  12878
کوڈ
 
   
متعلقہ خبریں
وزیراعظم شاہد خاقان عباسی نے امریکی ریاست ٹیکساس کے ہائی اسکول میں فائرنگ کے نتیجے میں جاں بحق ہونے والی طالبہ سبیکا کے گھر کا دورہ کیا اور ان کے والد سے تعزیت کی۔ اس موقع پر وزیراعظم نے کہا کہ سبیکا پاکستان کی ہونہار طالبہ تھی
لاہور ہائیکورٹ نے سابق وزیراعظم نواز شریف کے خلاف غداری کا مقدمہ درج کرانے کی پاکستان عوامی تحریک کی درخواست مسترد کردی۔ سابق وزیراعظم نواز شریف کے ممبئی حملوں سے متعلق بیان کے خلاف پاکستان عوامی تحریک کی جانب سے لاہور
نقیب اللہ قتل کیس میں سابق ایس ایس پی ملیر راؤ انوار کے خلاف اہم گواہ منحرف ہوگیا۔کراچی کی انسداد دہشت گردی کی عدالت میں نقیب اللہ قتل کیس کی سماعت ہوئی۔ راؤ انوار، ڈی ایس پی قمر احمد شیخ، اللہ یار
ہائیکورٹ میں نوازشریف کے خلاف غداری کا مقدمہ درج کرنے کے لیے درخواست دائرکرلی گئی۔ میڈیا کے مطابق لاہورہائیکورٹ میں سابق وزیراعظم نوازشریف کے خلاف ایڈ ووکیٹ آفتاب ورک کی جانب سے غداری کا مقدمہ درج کرنے

مزید خبریں
صوبہ بلوچستان کے ضلع تربت میں کالعدم تنظیموں سے تعلق رکھنے والے 15 اہم کمانڈروں سمیت تقریباً 200 فراری ہتھیار ڈال کر قومی دھارے میں شامل ہوگئے ہیں۔ تقریب کے مہمان خصوصی وزیراعلیٰ بلوچستان میرعبدالقدوس بزنجو تھے۔ اب تک ایک ہزار 8 سو کے قریب فراری ہتھیار ڈال کر قومی دھارے میں شامل ہوچکے ہیں۔
سابق وزیراعظم اور حکمران جماعت کے سربراہ میاں محمد نواز شریف کی کل سعودی عرب روانگی کا امکان ہے۔ جہاں وزیراعلیٰ پنجاب شہباز شریف پہلے سے موجود ہیں۔ جبکہ وفاقی وزیر ریلوے خواجہ سعد رفیق بھی پی آئی اے کی پرواز کے ذریعے اہلخانہ کے ہمراہ سعودی عرب روانہ ہوگئے ہیں
وزیر اعظم نواز شریف نے کہا ہے کہ دہشت گردی کے خلاف پورے عزم سے لڑ رہے ہیں ، دہشت گردوں کا نیٹ ورک توڑ دیا ہے ، آخری دہشت گرد کے خاتمے تک جنگ لڑیں گے۔ وزیر اعظم نواز شریف سے پشاور میں مسلم لیگ ن کے سینیٹرز اور ارکان قومی
سابق گورنر پنجاب چوہدری محمد سرورنے تحریک انصاف میں باضابطہ طور پر شامل ہونےکی تصدیق کردی ہے۔ ایک نجی ٹی وی سے بات کرتے ہوئے چوہدری سرور کا کہنا تھا کہ تحریک انصاف جمہوریت پسند جماعت ہے اس لئے اس میں شامل ہونے کا

مقبول ترین
بھارتی ریاست مدھیہ پردیش میں ہندو انتہا پسندؤں نے ایک اور مسلمان کو گائے کے ذبیحہ کے الزام میں قتل کر دیا۔ بھارتی میڈیا کے مطابق بھارتی ریاست مدھیہ پردیش کے ضلع ساتنا میں انتہا پسند ہندؤں کے ہجوم نے 2 مسلمانوں ریاض خان اور شکیل پر گائے کو ذبح
مشیر خزانہ بلوچستان رقیہ ہاشمی نےساتھی اراکین کے ناروا رویے کے خلاف عہدے سے استعفادے دیا. ذرائع کے مطابق 14مئی کو بجٹ پیش کرنے کی تقریر کے دوران ساتھی اراکین کی جانب سے نازیبا الفاظ استعمال کرنے پر مشیر خزانہ نے احتجاجاً
وزیراعظم شاہد خاقان عباسی نے امریکی ریاست ٹیکساس کے ہائی اسکول میں فائرنگ کے نتیجے میں جاں بحق ہونے والی طالبہ سبیکا کے گھر کا دورہ کیا اور ان کے والد سے تعزیت کی۔ اس موقع پر وزیراعظم نے کہا کہ سبیکا پاکستان کی ہونہار طالبہ تھی
دنیا کے پہلے تیرتے ہوئے نیوکلیئر پاور اسٹیشن کی رونمائی گزشتہ روز روس کے شمالی شہر مرمینسک میں ایک شاندار تقریب کے دوران ہوئی جہاں سائبیریا روانگی سے قبل اس میں نیوکلیئر فیول ڈالا جائے گا۔ نیو کلیئر پاور اسٹیشن

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں