Thursday, 04 June, 2020
نئی حلقہ بندیاں، پارلیمانی رہنماؤں کا چوتھا اجلاس بھی بے نتیجہ ختم

نئی حلقہ بندیاں، پارلیمانی رہنماؤں کا چوتھا اجلاس بھی بے نتیجہ ختم

اسلام آباد ۔ نئی حلقہ بندیوں کے معاملے پر پارلیمانی رہنماؤں کے چوتھےاجلاس میں کوئی پیشرفت نہیں ہو سکی اور اجلاس بے نتیجہ ختم ہوگیا ہے۔ جبکہ اسپکر ایاز صادق کا کہنا ہے کہ پیپلزپارٹی یہ معاملہ مشترکہ مفادات کونسل لے جانا چاہتی ہے، کچھ ارکان کی رائے ہے کہ پارلیمنٹ زیادہ بالادست فورم ہے، حکومت اب اتفاق رائے پیدا کرے۔ آئندہ اجلاس میں اتفاق رائے نہ ہوا تو اس کا فیصلہ پارلیمنٹ کرے گی۔

تفصیلات کے مطابق اسپیکر ایاز صادق کی زیر صدارت نئی حلقہ بندیوں سے متعلق ترمیم پر پارلیمانی رہنماؤں کا چوتھا اجلاس پارلیمنٹ ہاؤس اسلام آباد میں منعقد ہوا، اجلاس میں شاہ محمود قریشی، صاحبزادہ طارق اللہ ، شیخ صلاح الدین، ایس اقبال قادری،اعجاز الحق، نعیمہ کشور ، زاہد حامد ، شیخ رشید ، آفتاب شیر پاؤ، شیخ آفتاب، روبینہ خالد، طارق بشیر چیمہ اور سیکرٹری الیکشن کمیشن بابر یعقوب فتح سمیت الیکشن کمیشن کے حکام نے شرکت کی۔

آج کے اجلاس میں بھی نئی حلقہ بندیوں کے آئینی ترمیم بل پر غور کیا گیا تاہم اجلاس اجلاس میں کوئی پیشرفت نہ ہوسکی اور اجلاس بے نتیجہ ختم ہو گیا، دوران اجلاس ایڈیشنل سیکریٹری الیکشن کمیشن ظفر اقبال نے کہا کہ ووٹرز فہرستیں اپ ڈیٹ ہونا ووٹرزکا حق ہے جو ووٹر کو ضرور دیں گے، مردم شماری کےبعد انتخابات نئی حلقہ بندیوں کےتحت ہونا آئینی ضرورت ہے، انتخابات 2018 نئی ووٹرلسٹوں اور نئی حلقہ بندیوں کے تحت ہونے چاہییں، نئی حلقہ بندیوں کےمتعلق حکومت 10 نومبرتک فیصلہ کرلے۔

دوران اجلاس شیخ رشید ناراض ہوکر باہر چلے گئے جہاں میڈیا سے گفتگو میں ان کا کہنا تھا کہ میٹنگ مکمل ناکام ہوگئی، یہ ہمیں ڈراتے ہیں کہ پاکستان ٹوٹ رہا ہے، میری اچکزئی سے لڑائی ہوئی ہے۔ شیخ رشید کا کہنا تھا کہ حکومت کے پاس 63 بندے کم ہیں، دوتہائی کے لیے 228 بندے چاہییں، (ن) لیگ 88 بندوں کی پارٹی ہے، اگر شام تک حکومت قرارداد نہ لاسکی تواسے مستعفی ہوجانا چاہیے کیونکہ حکومت ناکام ہوچکی اور عوام کا اعتماد کھوچکی ہے، اجلاس میں انہیں بتایا کہ (ن) لیگ تباہ ہوچکی ہے۔

اجلاس کےبعد میڈیا بریفنگ میں اسپیکر ایاز صادق کا کہنا تھا کہ تمام رہنما قیادتوں سے مشاورت کرکے آئے تھے، اتفاق رائےایک بات پرہےکہ الیکشن تاخیرکا شکار نہ ہوں جب کہ یہ اتفاق رائے ہےکہ1998 کی مردم شماری کے مطابق قانونی پیچیدگیاں ہیں۔ اب حکومت نے فیصلہ کرنا ہے کہ وہ سی سی آئی کا اجلاس بلاتی ہے یا نہیں۔ ایاز صادق نے کہا ایم کیو ایم کے تحفظات بھی حکومت نے سن لئے ہیں، اب حکومت مشاورت کر کے بتائے گی تو اس کے بعد پارلیمانی رہنماؤں کا اجلاس بلایا جاسکتا ہے۔

انہوں نے کہا کہ پیپلزپارٹی یہ معاملہ مشترکہ مفادات کونسل لے جانا چاہتی ہے، کچھ ارکان کی رائے ہے کہ پارلیمنٹ زیادہ بالادست فورم ہے، حکومت اب اتفاق رائے پیدا کرے۔ آئندہ اجلاس میں اتفاق رائے نہ ہوا تو اس کا فیصلہ پارلیمنٹ کرے گی۔

دوسری جانب تحریک انصاف کے رہنما شاہ محمود قریشی کا کہنا تھا کہ آئینی ترمیم کی بیل چڑھتی دکھائی نہیں دے رہی، لگتا ہے پیپلز پارٹی کے تحفظات دور نہیں ہوں گے اور (ن) لیگ کورم بھی پورا نہیں کرسکتی لہٰذا ترمیم کا مسئلہ حل ہوتا نظر نہیں آرہا، جب ناکام ہوجائیں گے تو پھرہوسکتا ہے ہم کوئی حل دے دیں۔

الیکشن کمیشن کے ڈی جی قانون محمد ارشد خان نے کہا کہ فی الحال الیکشن کمیشن سپریم کورٹ میں نھیں جارہی، ہم نے سیاسی جماعتوں کو 10 نومبر تک کی ڈیڈ لائن دی ہے، اگر 10 نومبر کے بعد بھی ہفتہ دس دن مزید دینے پڑے تو ہم کور کر لیں گے

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  44737
کوڈ
 
   
متعلقہ خبریں
وزیراعظم کے معاون خصوصی شہباز گل کا کہنا ہے کہ ایس او پی کی خلاف ورزی پر ملک میں کئی بڑی مارکیٹیں آج بند کردی جائیں گی۔ اس سلسلے میں پنجاب اور کے پی کے میں آپریشن شروع کر دیا گیا ہے۔
ایئربس کمپنی کے ماہرین نے پی آئی اے طیارہ حادثہ کی تحقیقات مکمل کرلیں اور جائے وقوعہ سے تمام ضروری شواہد بھی اکھٹے کرلیے ہیں جب کہ تحقیقاتی رپورٹ فرانس میں تیار کی جائے گی۔
وزيرتعليم سعيد غنی کا کہنا ہے کہ طيارہ حادثے کے براہ راست ذمہ دار پی آئی اے کےسربراہ ارشد ملک ہيں۔پائلٹ کوذمہ دارٹہرانے کی کوشش کی جارہی ہے۔
پی آئی اے طیارہ حادثے کی تحقیقات شروع کردی گئی ہیں۔ وفاقی وزیر ہوا بازی غلام سرور نے کہا ہے کہ کم سے کم وقت میں رپورٹ سامنے لائی جائے گی، ذمے داروں کو منطقی انجام تک پہنچایا جائے گا۔

مزید خبریں
وزیراعلیٰ سندھ مراد علی شاہ نے کورونا وائرس کے مزید پھیلاؤ کے خطرے کو مدنظر رکھتے ہوئے اضلاع کی سطح پر قرنطینہ مرکز بنانے کی ہدایت کردی ہے۔
وزارت قانون و انصاف نے صدر مملکت ڈاکٹر عارف علوی کی منظوری سےخالد جاوید خان کو انور منصور کی جگہ پاکستان کا نیا اٹارنی جنرل تعینات کرنے کا باضابطہ نوٹی فیکیشن جاری کر دیا ہے۔
اسلام آباد: ہائر ایجوکیشن کمیشن (ایچ ای سی) اور مائیکروسافٹ نے Imagine Cup 2020میں نیشنل یونیورسٹی آف انجینئرنگ اینڈ ٹیکنالوجی (نسٹ)، اسلام آباد کی ٹیمFlowlines کو نیشنل فائنل 2020کا فاتح قرار دیاہے۔نسٹ کی ٹیم نے ملک بھر کی 60 فائنلسٹ ٹیموں میں بہترین کارکردگی دکھائی۔
پاکستان تحریک انصاف (پی ٹی آئی) کے بانی رہنما اور وزیر اعظم عمران خان کے دیرینہ سیاسی معاون نعیم الحق طویل علالت کے بعد انتقال کر گئے۔ انھیں کینسر کا مرض‌لاحق تھا۔ وہ کراچی کے نجی اسپتال میں زیر علاج تھے۔

مقبول ترین
وزیراعظم کے معاون خصوصی شہباز گل کا کہنا ہے کہ ایس او پی کی خلاف ورزی پر ملک میں کئی بڑی مارکیٹیں آج بند کردی جائیں گی۔ اس سلسلے میں پنجاب اور کے پی کے میں آپریشن شروع کر دیا گیا ہے۔
پاک فوج کے شعبہ تعلقات عامہ (آئی ایس پی آر) کے ڈائریکٹر جنرل (ڈی جی) میجر جنرل بابر افتخار کا کہنا ہے کہ لائن آف کنٹرول (ایل او سی) پر کچھ عرصے سے صورتحال بہت تشویشناک ہے، بھارت آگ سے نہ کھیلے، فوجی مہم جوئی کے نتائج ناقابل کنٹرول ہوں گے۔
اسلام آباد: یوٹیلٹی اسٹورکارپوریشن آف پاکستان نے اس سال تاریخ کی سب سے زیادہ سیل کی ہے۔ یوٹیلٹی اسٹورنے 22 ارب روپے کی ریکارڈ سیل کی ہے۔
وزیراعظم عمران خان نے آرمی چیف جنرل قمر جاوید باجوہ کے ہمراہ آئی ایس آئی ہیڈ کوارٹرز کا دورہ کیا ہے جہاں انھیں اہم امور پر بریفنگ دی گئی۔ میڈیا کے مطابق وفاقی وزرا شاہ محمود قریشی، اسد عمر اور معاون خصوصی ڈاکٹر معید یوسف بھی ہمراہ تھے۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں