فائل فوٹو

ملی یکجہتی کونسل پاکستان کی جانب سے بروز جمعہ ملک بھر میں احتجاجی مظاہروں کی کال 

اسلام آباد ۔ گستاخ شان رسالت آسیہ بی بی کے اعتراف کے بعد نیز سیشن کورٹ و ہائی کورٹ کے فیصلوں کے تناظر میں سپریم کورٹ آسیہ بی بی کی سزا کو قائم رکھتے ہوئے قرار واقعی سزا کا اعلان کرے، ان خیالات کا اظہار ملی یکجہتی کونسل پاکستان کے قائدین نے ایک مشاورتی اجلاس میں کیا۔ 

اس سلسلے میں طے پایا کہ ملی یکجہتی کونسل پاکستان میں شامل تمام جماعتیں 12اکتوبر بروز جمعہ بعد نماز جمعہ ملک کے بڑے شہروں میں احتجاجی مظاہرے منعقد کرے گی ۔ اس سلسلے میں اسلام آباد پریس کلب، کراچی ، لاہور اور تمام صوبائی مراکز پر احتجاج کیا جائے گا۔ 

ان احتجاجی پروگراموں میں ملی یکجہتی کونسل میں شامل جماعتیں اور ان کے قائدین شرکت کریں گے ۔مشاورتی اجلاس میں دیگر تنظیمی امور بھی زیر بحث آئے ۔ 

اجلاس کی صدارت کونسل کے سیکریٹری جنرل لیاقت بلوچ نے کی دیگر شرکاء میں جمعیت علمائے پاکستان کے سیکریٹری جنرل پیر صفدر گیلانی ، اسلامی تحریک کے سیکریٹری جنرل علامہ عارف حسین واحدی ، نائب امیر جماعت اسلامی اسد اللہ بھٹو، مجلس وحدت مسلمین کے شعبہ سیاسیات کے انچارج سید اسد نقوی ، تنظیم اسلامی اسلام آباد کے مسؤل راجہ اصغراور کونسل کے ڈپٹی سیکریٹری جنرل ثاقب اکبر شامل تھے ۔

۔۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ