Friday, 06 December, 2019
مصطفیٰ کمال نے اتحاد کا موقع ضائع کردیا، فیصل سبزواری

مصطفیٰ کمال نے اتحاد کا موقع ضائع کردیا، فیصل سبزواری
فائل فوٹو

کراچی ۔ متحدہ قومی موومنٹ (ایم کیو ایم) کے رہنما فیصل سبزواری نے کہا ہے کہ مصطفٰی کمال نے جتنے غیرذمہ دارانہ بیانات اور الزامات پاکستان کے حساس اداروں اور اسٹیبلشمنٹ پر لگائے ہیں وہ افسوس ناک ہیں۔ سبزواری کا کہنا ہے کہ ہم نے سیاسی اتحاد کی شروعات کے لئے قدم اٹھایا تھا لیکن پی ایس پی کے چئیرمین مصطفیٰ کمال نے یہ موقع ضائع کردیا۔

کراچی میں ایم کیوایم پاکستان کے رہنماؤں کے ہمرا میڈیا سے بات کرتے ہوئے فیصل سبزواری کا کہنا تھا کہ ہم نے 5 نومبر کو مردم شماری میں زیادتی اور اپنے کارکنان کی ماورائے عدالت قتل اور گمشدگی کے خلاف جلسہ کیا اور فیصلہ کیا کہ کراچی کی خوشحالی  کے لئے  تمام سیاسی جماعتوں کو اعتماد میں لیں گے اور اتحاد کی دعوت دیں گے جس کی شروعات پاک سرزمین پارٹی سے کی لیکن پی ایس پی کے چئیرمین مصطفیٰ کمال نے بہت ہی قیمتی موقع ضائع کردیا۔

فیصل سبزواری کا  کہنا تھا کہ ہم سندھ کی ترقی کے لئے سیاسی اتحاد کی پیشکش پر قائم ہیں اور مستقبل میں بھی یہ کوششیں جاری رہیں گی لیکن ایم کیوایم پاکستان نا کسی جماعت میں ضم ہوئی ہے اور نا ہی آئندہ ہوگی اگر مصطفیٰ کمال یہ سمجھتے ہیں کہ ہم اپنی شناخت چھوڑ دیں گے تویہ نہیں ہوسکتا۔

رہنما ایم کیوایم پاکستان نے کہا کہ مصطفیٰ کمال نے ہماری جماعت کے سربراہ سمیت دیگر کو بھی نشانہ بنایا جس کا جواب باری باری دیں گے لیکن مجھ پر الزام لگایا گیا کہ میں نے میڈیا کو خبریں لیک کیں، میں چیلنج کرتا ہوں اور کہتا ہوں کہ مصطفیٰ کمال، متعلقہ صحافی اور میرے موبائل کا فرانزک ٹیسٹ کرالیا جائے دودھ کا دودھ اور پانی کا پانی ہوجائے گا، ان کے بھونڈے الزامات سے ہمیں کوئی فرق نہیں پڑتا لیکن ان کے بیانات سے ہمارے ناراض کارکنان اور رہنما باہم شیر و شکر ہوگئے ہیں۔

فیصل سبزواری  کا کہنا تھا کہ ہمیں سب پتہ ہے کہ مصطفیٰ کمال دبئی نجی کام کے سلسلے میں نہیں بلکہ ایک شخص سے ملاقات کے لئے گئے تھے جس پر مختلف نوعیت کے الزامات ہیں اور پاکستان کو مطلوب ہے لیکن ہم کسی پر الزامات نہیں لگانا چاہتے جب کہ پی ایس پی کے بیشتر کارکنان ہمارے رابطے میں ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کرسکتے ہیں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  10702
کوڈ
 
   
متعلقہ خبریں
اسلام آباد کی انسداد دہشت گردی کی عدالت کے جج راجہ جواد عباس حسن نے کیس کی سماعت کی۔ جج کا کہنا تھا کہ کئی ملزمان ہیں جنہوں نے عمران خان سے پہلے بریت کی درخواستیں دیں، ممکن نہیں کہ دیگر ملزمان کی بریت کی درخواستوں کو چھوڑ
آرمی چیف کی مدت ملازمت میں توسیع سے متعلق کیس میں اٹارنی جنرل نے نئی سمری سپریم کورٹ میں پیش کر دی۔ عدالت نے کہا آرمی چیف کی مدت ملازمت میں توسیع سے متعلق حکومت کا سارا کیس آرٹیکل 255 کے گرد گھوم رہا ہے
وفاقی حکومت نے پیپلز پارٹی اور (ن) کے ادوار میں سابق حکمرانوں کی جانب سے سرکاری خزانے سے خرچ کیے گئے اربوں روپے وصول کرنے کا فیصلہ کیا ہے۔ میڈیا کے مطابق وفاقی کابینہ کے اجلاس میں سابق سربراہان مملکت کے کیمپ آفسز، سیکیورٹی
ٹوئٹر پر ایک بیان میں مریم نواز نے لکھا کہ "اللہ کا شکر۔۔۔مگر معاملہ کسی جج کو معطل کئے جانے کا نہیں۔ اس فیصلے کو معطل کرنے کا ہے جو اس جج نے دیا۔۔۔معاملہ کسی جج کو عہدے سے نکالنے کا نہیں۔ اس فیصلے کو عدالتی ریکارڈ سے نکالنے

مقبول ترین
قبائلی ضلع شمالی وزیرستان میں سیکیورٹی فورسز کی کارروائی میں 2 دہشت گرد ہلاک ہوگئے جبکہ فائرنگ کے تبادلے میں 2 جوانوں نے جام شہادت نوش کیا۔ پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز
پاک فوج کے شعبہ تعلقات عامہ (آئی ایس پی آر) کے مطابق سربراہ پاک فوج جنرل قمر جاوید باجوہ نے بہاولپور کے قریب اسٹرائیک کور کا دورہ کیا، سپہ سالار نے ائیر فورس اور رائل سعودی فورس کی مشترکہ سرمائی تربیتی مشقیں دیکھیں
وزیراعظم کے معاون خصوصی برائے احتساب شہزاداکبر نے کہا ہے کہ سابق وزیراعلیٰ پنجاب شہبازشریف کے اثاثوں میں 10سال میں 70 گنا اضافہ ہوا۔ شہزاداکبر نے پریس کانفرنس کرتے ہوئے شہباز شریف اور ان کے اہل خانہ پر کرپشن
وزیراعظم عمران خان کا کہنا ہے کہ میری پوری توجہ معیشت مستحکم کرنے پر ہے اور ہماری حکومت نے کرنٹ اکاؤنٹ خسارے پر قابو پا لیا ہے۔ اسلام آباد میں ڈیجیٹل پاکستان ویژن کی افتتاحی تقریب سے خطاب کرتے ہوئے وزیراعظم عمران

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں