Friday, 03 July, 2020
’’وفاقی کابینہ کی فوجی چیک پوسٹ پر حملے کی مذمت‘‘

’’وفاقی کابینہ کی فوجی چیک پوسٹ پر حملے کی مذمت‘‘

اسلام آباد ۔ وزیراعظم عمران خان کی زیرصدارت ہونے والے وفاقی کابینہ کے اجلاس میں گزشتہ دنوں شمالی وزیرستان میں خارکمر چیک پوسٹ پر حملے کی شدید مذمت کی گئی ہے۔  وفاقی کابینہ نے حملے میں شہید فوجی جوان کو خراج عقیدت پیش کیا، بجٹ سے متعلق ابتدائی دستاویز پر غور ہوا اور یہ فیصلہ کیا گیا کہ 11 جون کو بجٹ پیش کیا جائے گا۔

وزیراعظم عمران خان کی معاون خصوصی برائے اطلاعات ڈاکٹر فردوس عاشق اعوان نے وفاقی کابینہ اجلاس کے بعد پریس کانفرنس میں بتایا کہ وفاقی کابینہ نے چیک پوسٹ پر حملے کی مذمت کی ہے، افواج پاکستان اور زخمیوں سے اظہار یکجہتی کیا ہے۔

انہوں نے کہا کہ جن کو شمالی وزیرستان کی ترقی چبھتی ہے، انہوں نے امن کو داؤ پر لگایا، اس قسم کے واقعات علاقے کی ترقی کی راہ میں رکاوٹ ہیں، بین الاقوامی ہاتھوں میں کھیل کر کچھ افراد نے معصوم قبائلیوں کو سیاست کا ایندھن بنانے کی کوشش کی۔

یاد رہے کہ گزشتہ دنوں ارکان قومی اسمبلی محسن جاوید داوڑ اور علی وزیر کی قیادت میں ایک گروہ نے شمالی وزیرستان کے علاقے بویہ میں خارکمر چیک پوسٹ پر حملہ کیا تھا۔

چیک پوسٹ پر حملے کے نتیجے میں 5 اہلکار زخمی ہوئے جب کہ فائرنگ کے تبادلے میں 3 حملہ آور مارے گئے اور 10 زخمی ہوئے تھے۔ رکن قومی اسمبلی علی وزیر کو کئی لوگوں کے ساتھ حراست میں لیا گیا تھا بعد ازاں انہیں 8 روزہ ریمانڈ پر سی ٹی ڈی کے حوالے کیا گیا۔

فروس عاشق اعوان نے بتایا کہ انٹرنیٹ کے غلط استعمال سے بچوں کے جنسی استحصال میں اضافہ ہوا ہے، کابینہ اجلاس میں بچوں کے جنسی استحصال کے قوانین میں ترمیم پر غور کیا گیا، وزیراعظم نے بچوں کے ساتھ جنسی استحصال سے متعلق قوانین میں ترمیم کی ہدایت کی ہے، بچوں کو انٹرنیٹ پر فحش مواد سے محفوظ بنانے کی حکمت عملی بنائی جائے گی۔

معاون خصوصی کا کہنا تھا کہ کچھی کینال کے فنڈز میں کرپشن پر سی سی آئی کے فیصلے کو ایف آئی اے کے حوالے کرنے کی ہدایت کی ہے۔

انہوں نے بتایا کہ کابینہ اجلاس میں بجٹ سے متعلق ابتدائی دستاویز پر بھی غور کیا گیا اور 11 جون کو بجٹ پیش کیا جائے گا، آئندہ بجٹ میں ہماری توجہ معیشت کی بہتری اور بیرونی قرضے ہوں گے، بجٹ میں عام آدمی متاثر نہ ہو،اس پر بھی غور کیا گیا۔

فردوس عاشق اعوان نے کہا کہ وفاقی کابینہ نے سگریٹ انڈسٹری کو ٹیکس نیٹ میں لانے کا فیصلہ کیا ہے، سگریٹ انڈسٹری سے حاصل ہونے والا ٹیکس صحت کے بجٹ پرخرچ کیا جائے گا، صوبائی اداروں کے وفاق کے پاس آنے کے بعد اِن اداروں کے بجٹ کے لیے مکینزم بنانے کا فیصلہ کیا گیا ہے۔

معاون خصوصی برائے اطلاعات نے کہا کہ وفاقی کابینہ نے 15 ہزار 790 افراد کے اضافی حج کوٹے کی منظوری دی ہے، اضافی کوٹے میں 60 فیصد حصہ ان کو دینے کا فیصلہ ہوا جو حج قرعہ اندازی میں ناکام ہوئے ہیں جب کہ اضافی کوٹے کے بقیہ 40 فیصد میں ہارڈشپ مکینرم بنانے کی ہدایت کی گئی ہے۔

انہوں نے مزید کہا کہ حکومت کی پالیسی ہے کہ حاجیوں کو کسی قسم کی مشکلات نہ ہو، اس بار20 ہزار حاجیوں کی امیگریشن اسلام آباد ائیرپوٹ پر ہی ہوگی۔ معاون خصوصی برائے اطلاعات کے مطابق وزارتوں کی غیراستعمال شدہ 31 عمارتوں سے متعلق تفصیلات کابینہ میں پیش کی گئی۔

یوم تکبیر کے حوالے سے فردوس عاشق اعوان کا کہنا تھا کہ آج یوم تکبیر ہے اور وطن کے تحفظ کی خاطر ہم سب ایک ہیں لیکن ایک خاندان نے آج کے دن بھی عمران خان کو ہی ہدف بنایا، انجمن درداران نیب نے آج فلاپ شو کیا، یہ کہتے ہیں ہم سے نہ پوچھو کہ یہ اثاثے کیسے بنے۔

انہوں نے کہا کہ ایک صاحب اپنا سیاسی قد اونچا کرنے کے لیے عمران خان پر تنقید کرتے ہیں، سیاسی بونے جتنا مرضی اونچے بانس پر چڑھ جائیں وہ سیاسی بونا ہی رہتے ہیں، اگر وزیراعظم کی ساکھ نہ ہوتی تو ہمارے دوست ممالک مشکل میں ساتھ نہ دیتے۔

ان کا کہنا ہے کہ اگر آپ نے کچھ غلط نہیں کیا توآپ بیرون ملک سے پاکستان واپس کیوں نہیں آرہے، ضمیر کی عدالت سب سے بڑی عدالت ہوتی ہے اور جن کا دامن صاف ہوتا ہے وہ اپنے بچوں کے کندھوں پر رکھ کر بندوق نہیں چلاتے، مریم صفدر بار بار ایسی زبان استعمال کرتی ہیں جس کی معاشرتی اقدار اجازت نہیں دیتی۔

معاون خصوصی نے کہا کہ جواب دینا ہمیں بھی آتا ہے لیکن ہم نہیں چاہتے کہ معاشرے کی حدود پھلانگی جائے، عمران خان ان گیدڑ بھبھکیوں سے نہ ڈرنے والا ہے نہ جھکنے والا ہے، اپوزیشن کے ہتھکنڈوں سے کوئی لینا دینا نہیں، ہم اپنی سمت میں چل رہے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  13615
کوڈ
 
   
متعلقہ خبریں
شمالی وزیرستان کے علاقے میرانشاہ میں سیکیورٹی چیک پوسٹ پر نامعلوم دہشتگردوں کے حملے کے دوران بھرپور جوابی کارروائی میں 5 دہشتگرد ہلاک جب کہ ایک اہلکار شہید ہوگیا۔
احساس انڈرگریجویٹ اسکالرشپ پراجیکٹ کی انسٹی ٹیوشنل اسکالرشپ ایوارڈ کمیٹی کا پہلا اجلاس نیشنل یونیورسٹی آف میڈیکل سائنسز (نمز)، راولپنڈی میں منعقد ہوا۔
شمالی وزیرستان میں چیک پوسٹ پر حملے میں ملوث پی ٹی ایم رہنما علی وزیر کو بنوں کی انسداد دہشتگردی عدالت میں پیش کیا گیا۔ عدالت کے جج نے علی وزیر کو 8 دن کے لیے انسداد دہشتگردی ڈیپارٹمنٹ (سی ٹی ڈی) کی حوالے
شمالی وزیرستان میں سیکیورٹی چیک پوسٹ پر مسلح افراد کے حملے میں 5 اہلکار زخمی ہو گئے۔ پاک فوج کے شعبہ تعلقات عامہ (آئی ایس پی آر) کے مطابق محسن جاوید اور علی وزیر کی قیادت میں ایک گروہ نے شمالی وزیرستان

مزید خبریں
وزیراعلیٰ سندھ مراد علی شاہ نے کورونا وائرس کے مزید پھیلاؤ کے خطرے کو مدنظر رکھتے ہوئے اضلاع کی سطح پر قرنطینہ مرکز بنانے کی ہدایت کردی ہے۔
وزارت قانون و انصاف نے صدر مملکت ڈاکٹر عارف علوی کی منظوری سےخالد جاوید خان کو انور منصور کی جگہ پاکستان کا نیا اٹارنی جنرل تعینات کرنے کا باضابطہ نوٹی فیکیشن جاری کر دیا ہے۔
اسلام آباد: ہائر ایجوکیشن کمیشن (ایچ ای سی) اور مائیکروسافٹ نے Imagine Cup 2020میں نیشنل یونیورسٹی آف انجینئرنگ اینڈ ٹیکنالوجی (نسٹ)، اسلام آباد کی ٹیمFlowlines کو نیشنل فائنل 2020کا فاتح قرار دیاہے۔نسٹ کی ٹیم نے ملک بھر کی 60 فائنلسٹ ٹیموں میں بہترین کارکردگی دکھائی۔
پاکستان تحریک انصاف (پی ٹی آئی) کے بانی رہنما اور وزیر اعظم عمران خان کے دیرینہ سیاسی معاون نعیم الحق طویل علالت کے بعد انتقال کر گئے۔ انھیں کینسر کا مرض‌لاحق تھا۔ وہ کراچی کے نجی اسپتال میں زیر علاج تھے۔

مقبول ترین
ہائی کورٹ کی انتظامی کمیٹی نے سابق وزیر اعظم نواز شریف کو العزیزیہ اسٹیل مل ریفرنس میں سزا سنانے والے احتساب عدالت کے سابق جج ارشد ملک کو برطرف کر دیا ہے۔ ارشد ملک کا اسکینڈل سامنے آنے پر انہیں عہدے سے ہٹایا گیا تھا۔
مسلم لیگ (ن) کے رہنما اور قومی اسمبلی میں پارلیمانی لیڈر خواجہ آصف کا کہنا ہے کہ مائنس عمران خان کا مطالبہ غیر جمہوری مطالبہ نہیں۔ حکومت ہٹانے کے لیے کبھی بھی غیر آئینی طریقے کی حمایت نہیں کریں گے۔
تائیوان حکومت کا عجیب و غریب اقدام ،کورونا وائرس میں سفر کے لیے ترسنے والوں کے لیے تائیوان میں ’’جعلی پروازوں‘‘ کا سلسلہ شروع کردیا۔ ابتدائی مرحلے میں اس سفر کے لیے 7 ہزار افراد نے رجوع کیا۔
مرکزی رویت ہلال کمیٹی کے چیئرمین اور معروف عالم دین مفتی منیب الرحمان کا کہنا ہے کہ قربانی عبادت مقصودہ ہے، اس کا متبادل مالی صدقہ نہیں ہوسکتا۔ کراچی میں پریس کانفرنس کرتے ہوئے مفتی منیب الرحمان نے کہا کہ حالات کو بنیاد بناکر قربانی کے

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں