Friday, 14 August, 2020
اپنی خرابی خود ہی ٹھیک کرنے والی گاڑی متعارف

اپنی خرابی خود ہی ٹھیک کرنے والی گاڑی متعارف

نیویارک ۔ گاڑی میں کوئی خرابی پیدا ہوجائے تو اسے ورکشاپ لے کر جانا اور مرمت کروانا درد سر بن جاتا ہے، لیکن اگر گاڑی اپنی خرابی کا علاج خود ہی کرلے تو کیسا ہے؟ جی جناب، یہ کوئی خواب نہیں بلکہ حقیقت ہے، جسے کاریں بنانے والی مشہور اطالوی کمپنی لمبرگنی اور امریکی یونیورسٹی ایم آئی ٹی کے سائنسدانوں نے ممکن بنادیا ہے۔ 

تفصیلات کے مطابق کاریں بنانے والی مشہور اطالوی کمپنی لمبرگنی اور امریکی یونیورسٹی ایم آئی ٹی کے سائنسدانوں نے اپنی فخریہ پیشکش نئی قسم کی گاڑی ’ٹرزو ملینیو‘ دنیا کے سامنے پیش کر دی ہے، جو اپنی اندرونی خرابیوں، کریکس، انجن ودیگر پرزوں کے مسائل کا ناصرف خود پتہ چلاسکتی ہے بلکہ انہیں ٹھیک بھی کرسکتی ہے۔


لمبرگنی کے سی ای او سٹیفنو ڈومینی کیلی کا کہنا تھا کہ ایک سال قبل ایم آئی ٹی کے ساتھ اس گاڑی کی تیاری کے پراجیکٹ پر کام شروع کیا گیا اور گزشتہ ہفتے یہ گاڑی دنیا کے سامنے پیش کردی گئی ہے۔ گاڑی میں لگے سینسر ہر قسم کی خرابیوں کی نشاندہی کرسکتے ہیں اور بتاسکتے ہیں کہ گاڑی کے کس حصے میں کس طرح کے کام کی ضرورت ہے۔ گاڑی کے اندر نینو ٹیوبز کا ایک جال موجود ہے جو کسی بھی حصے کو پہنچنے والے نقصان کو ٹھیک کرتا ہے اور اسے دیگر حصوں تک پھیلنے سے بھی روکتا ہے۔ 

اس گاڑی کے دیگر جدید ترین فیچرز میں نئی طرز کا انرجی سٹوریج سسٹم، اختراعی مٹیریل اور جدید ترین ٹیکنالوجی کا حامل ڈیزائن ہے۔ گاڑی کو پاور فراہم کرنے کے لئے چار الیکٹرک موٹرز استعمال کی گئی ہیں جن میں سے ہر پہیے کے ساتھ ایک موٹر منسلک ہوگی۔ اس میں سپر کپیسٹر ٹیکنالوجی بھی فراہم کی گئی ہے جو گاڑی کو طاقت فراہم کرنے والی بیٹریوں کو لمحوں میں چارج کر سکتی ہے۔ فی الحال اس ٹیکنالوجی میں یہ کمزوری ضرور ہے کہ اس کے ذریعے بہت زیادہ مقدار میں توانائی ذخیرہ نہیں کی جاسکتی لیکن سائنسدان توانائی ذخیرہ کرنے کی صلاحیت کو بڑھانے پر کام کررہے ہیں

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  62581
کوڈ
 
   
متعلقہ خبریں
سماجی رابطے کی مقبول ترین ویب سائٹ ’فیس بک‘ نے ویڈیو کانفرنس ایپ ’زوم‘ کے مقابلے میں ’میسنجر رومز‘ فیچر متعارف کرا دیا ہے۔
ہندوستان کی ایک کمپنی نے انتہائی سستا اسمارٹ فون متعارف کروانے کا اعلان کیا ہے۔ رنگنگ بیلز (Ringing Bells) نامی مقامی کمپنی کا 'فریڈم 251' اسمارٹ فون صرف 500 ہندوستانی روپے (تقریباََ 765 پاکستانی روپے) میں 17 فروری سے دستیاب ہوگا۔
سماجی رابطے کی ویب سائیٹ فیس بک نے کہا ہے کہ اس کی موبائل میسجنگ سروس وٹس ایپ کے ماہانہ صارفین کی تعداد ایک ارب ہوگئی ہے۔ ذرائع ابلاغ کے مطابق یہ تعداد فیس بک کے اپنی میسنجر موبائل ایپلی کیشن کے صارفین سے زائد ہے جس کے ماہانہ 80 کروڑ صارفین ہیں۔
برطانیہ میں ایک نجی فرٹیلیٹی کلینک نے اولاد کے خواہشمند جوڑوں کے لیے آئی وی ایف کا ایسا طریقۂ کار متعارف کروایا ہے جس میں جنین تجربہ گاہ میں پنپنے کے بجائے ماں کے رحم میں تولیدی عمل سے گزرتا ہے۔

مقبول ترین
لاک ڈاؤن نے جہاں ہماری زندگی میں معیشت کا پہیہ جام کیا وہیں بہت سارے سبق بھی دے گیا۔ لاک ڈاؤن نہ ہوتا تو ہم شاید اپنی مصروف زندگی میں اتنے مصروف ہو جاتے کہ رشتوں، ناطوں کی اہمیت اور فیملی سسٹم کی خوبصورتی اور چاشنی سے مزید دور ہوتے چلے جاتے۔ وہ جو اک زندگی ہے نا کہ جس میں بیٹا دفتر جا رہا ہے، بیٹی یونیورسٹی جا رہی ہے، سب گھر والے ادھرادھر بکھرے پڑے ہیں۔
قومی اسمبلی سے انسداد دہشتگردی ترمیمی بل 2020 کو کثرت رائے سے منظور کرلیا گیا، شرکت داری محدود ذمہ داری سمیت پانچ بلز منظور کرلئے گئے۔ تفصیلات کے مطابق قومی اسمبلی میں انسداد دہشتگردی ترمیمی بل 2020 کو کثرت رائے سے منظور کرلیا گیا جس میں کمپنیز ترمیمی بل اور نشہ آور اشیا کی روک تھام کا بل بھی شامل ہے۔
وفاقی وزیر برائے مذہبی امور پیر نورالحق قادری نے کہا ہے کہ اسرائیل میں موساد کی ایک خاتون جعلی اکاؤنٹ سے فرقہ وارانہ مواد پھیلا رہی ہے۔ یہ خاتون فرقہ وارانہ موادسوشل میڈیا پربھیج دیتی ہے اورپھر آگے شیعہ اور سنی خود سے اسے پھیلاتے ہیں۔
سعودی عرب کے سابق انٹیلجنس افسر کی شکایت پر واشنگٹن کی ایک امریکی عدالت نے سعودی بن سلمان ولی عہد کو طلب کرلیا ہے۔ سابق سعودی انٹیلی جنس ایجنٹ کو مبینہ طور پر ناکام قاتلانہ حملے میں نشانہ بنایا گیا تھا۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں