Thursday, 22 August, 2019
عراقی کردستان، گریٹر گیم کا حصہ ہے

عراقی کردستان، گریٹر گیم کا حصہ ہے

بغداد ۔ عراق کی سیکورٹی کونسل، وزیراعظم العبادی اور عراقی پارلیمنٹ نے عراق کے نیم خود مختار علاقے کردستان کے صدر بارذانی کی طرف سے 25 ستمبر کو اعلان کردہ ریفرنڈم کی مخالفت کرتے ہوئے خبردار کیا ہے کہ اگر علیحدگی  کیلئے اعلان کردہ ریفرنڈم نے صورتحال خراب کی تو عراقی حکومت فوجی طاقت کو بروئے کار لائے گی۔

تفصیلات کے مطابق عراق کے نیم خود مختارعلاقے کردستان کے صدر بارذانی نے 25 ستمبر کو عراق کی وفاقی حکومت سے علیحد گی کیلئے ریفرنڈم کرانے کا اعلان کر رکھا ہے۔ بارزانی اور ان کے ساتھی اپنے اعلان پر ڈٹے ہوئے ہیں۔ تاہم انھوں نے گذشتہ رواز چند شرائط کا اعلان کیا ہے۔ ان کا کہنا ہے کہ وہ ریفرنڈم دو سال تک کیلئے ملتوی کرنے پر تیار ہیں مگر اس کیلئے عراق کی وفاقی حکومت انھیں نیم خودمختار عراقی کردستان حکومت کو علاقے کی گیس اور تیل برآمد کرنے اور اس کی آمدنی کو استعمال کرنے کی اجازت دے۔ یہ شرائط جو کہ عملا کردستان کو ایک آزاد مملکت کی طرف لے جانے کے ہی مترادف ہیں۔

عراق کی سیکورٹی کونسل نے اس مسئلے پر ہونے والے ایک اجلاس کے بعد کردستان کی عراق سے علیحدگی کیلئے ہونے والے ریفرنڈم کو مسترد کرتے ہوئے اسکی مخالفت کی ہے اور اسے غیر قانونی قرار دیتے ہوئے کہا ہے کہ عراق کی وحدت، استقلال، ملک کے تمام علاقوں کے یکجا رہنے میں ہی ہے۔  سیکورٹی کونسل نے  کردستان کی علیحدگی کا اعلان عراق کی قومی سالمیت اور عراقی قوم کے اتحاد کے منافی قرار دیا ہے۔ سیکورٹی کونسل کے اجلاس میں عراق کے وزیر دفاع، وزیر داخلہ، وزیر قانون، فوج کے آپریشنل نمائندے اور عدالتی نمائندے شامل تھے۔

ادھر علاقے کے وہ ممالک جن میں کرد آبادی موجود ہے وہ بھی عراقی کردستان کو تشویش کی نگاہ سے دیکھ رہے ہیں۔ ایران اور ترکی نے بھی ریفرنڈم کے اعلان کی مخالفت یکرتے ہوئے کہا ہے کہ وہ  عراق کی تقسیم کو کسی صورت قبول نہیں کریں گے۔ جبکہ اسرائیل نے کھل کر آزاد اور خودمختار کردستان کی حمایت کا اعلان کیا ہے۔ دوسری طرف امریکا بھی شام میں کردوں کا ایک خود مختار علاقہ قائم کرنا چاہتا ہے۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  17871
کوڈ
 
   
متعلقہ خبریں
محنت سے عاری، مایوسی کے پیکر، خود سے تنگ لوگوں کی زبان سے یہ جملہ اکثر سننے کو مل جاتا ہے کہ پاکستان نے ہمیں کیا دیا ؟ ملک کو ستر سال ہو چکے ہیں اور تمام مسائل اسی طرح کھڑے ہیں؟ تعلیم، صفائی، ٹرانسپورٹ
تاریخ کے صفحات پر سید الشہداء حضرت امام حسین ؑ کا موقف اور نقطہ نگاہ آج بھی اپنی پوری رعنائیو ں کے ساتھ رقم ہے۔ چنانچہ جب حاکم مدینہ کی طرف سے یزید کی بیعت کے لئے دباؤ ڈالا گیا
پاکستانی قوم اس وقت جن باغیانہ اور دہشت گردانہ سرگرمیوں کے ساتھ اندرونی سیاسی انتشار اور خلفشار سے دو چار ہے وہ نہایت افسوسناک ہے، اس سے ملک و ملت کے استحکام اور بقا اور ملی یکحہتی کو سخت نقصان پہنچا ہے
امریکی صدر ڈونلڈ ٹرمپ کے پاکستان کے خلاف بیان اور دھمکیوں کے بعد پاکستان کے سیاسی و عسکری قائدین کی طرف سے بیانات اور ردعمل کا سلسلہ جاری ہے۔ ایسے میں 23اگست 2017کو ایوان بالا میں

مقبول ترین
ترجمان چینی وزارت خارجہ کا کہنا ہے کہ جنرل قمر جاوید باجوہ پاکستان آرمی کے زبردست سپہ سالار ہیں۔ گزشتہ دنوں وزیراعظم عمران خان نے جنرل قمر جاوید باجوہ کو مزید 3 سال کیلئے آرمی چیف مقرر کیا تھا۔ اس حوالے سے پاکستان کے دیرینہ دوست
وزیراعظم عمران خان کا کہنا ہے کہ سفاک مودی سرکار تمام انسانی و بین الاقوامی قوانین و ضوابط روند رہی ہے اور کشمیریوں کو نشانہ ستم بنانے کی تیاریوں میں ہے۔ میڈیا کے مطابق تحریک انصاف نے مقبوضہ کشمیر پر بھارتی قبضے اور اہل کشمیر
پاک فوج نے لائن آف کنٹرول (ایل او سی) پر بھارتی فوج کی بلااشتعال فائرنگ اور سیز فائر معاہدے کی خلاف ورزیوں کا منہ توڑ جواب دیا جس کے نتیجے میں ایک افسر سمیت 6 بھارتی فوجی ہلاک اور 2 بنکرز تباہ ہوگئے۔
پاکستان نے مسئلہ کشمیر کو عالمی عدالت انصاف میں لے جانے کا اصولی فیصلہ کر لیا ہے۔ میڈیا کے مطابق آئندہ ماہ جنیوا میں انسانی حقوق کمیشن اجلاس بلانے کیلئے وزارت خارجہ نے تیاری شروع کر دی ہے اور اس سلسلے میں سابق سیکرٹری

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں