Sunday, 18 February, 2018
کیا واقعی سعودی عرب بدل رہا ہے؟

کیا واقعی سعودی عرب بدل رہا ہے؟
تحریر: ڈاکٹر ندیم عباس

 

کچھ دن پہلے  سعودی عرب کے کلچرل چینل الثقافیہ نے کئی دہائیوں بعد مصر کی مشہور مغنیہ ام کلثوم کا  گانا چلایا  جسے پورے دنیا میں حیرت کی نظر سے دیکھا گیا۔ سنا یہ گیا ہے کہ اس سال کے آخر میں  یورپی  موسیقی جاز کا سب سے بڑا کنسرٹ سعودی عرب میں ہونے جا رہا ہے۔سعودی عرب  مختلف حوالوں سے   بین الاقومی میڈیا  کی خبروں میں رہتا ہے  پچھلے چند سال کی  خبریں جمع کی جائیں تو  پتہ چلے گا کہ  بہت سے خبروں  کی بنیاد بالواسطہ یا بلاواسطہ  عورتوں کی ڈرائیونگ ہے ۔ بین الاقوامی میڈیا بالخصوص مغربی میڈیا میں اس  بات پر حیرت کا اظہار کیا جاتا تھا کہ دنیا میں کوئی ملک ایسا بھی  موجود ہے کہ جہاں آج بھی عورتوں کے ڈرائیو کرنے پر پابندی ہے؟ اس حوالے سے کئی بار سوشل میڈیا پر کمپینز چلائی گئیں ،عورتوں کے حقوق کے لیے کام کرنے والی تنظیموں نے  اس پر بہت تنقید کی ۔جیسے ہی 28 ستمبر کو اس پابندی کو ہٹانے کے عمل کے آغاز کا اعلان کیا گیا یورپ کے تمام اہم ممالک کے دارالحکومتوں سے اس  کا خیر مقدم کیا گیا۔

آپ کبھی سعودی عرب گئے ہیں تو آپ سعودی عرب کی اس پولیس سے ضرور آگاہ ہوں گے  جو پبلک مقامات پر تعینات ہوتی ہے  ۔اس پولیس کام لوگوں  پر نظر رکھنا ہوتا ہےیہ مذہبی پولیس  امر بالمعروف اور نہی عن المنکر کے محکمے سے  تعلق رکھتی ہے۔پوری دنیا سے  مکہ اور مدینہ جانے والے زائرین  کو روضہ نبی اکرمﷺ   اور بقیع کے سامنے اس پولیس سے واسطہ ضرور پڑتا ہے۔یہ لوگ زائرین پر بڑی سختی کرتے ہیں اور چاہتے ہیں کہ پوری دنیا کے مسلمان اس اسلام  کو فالو کریں جسے یہ پولیس والے درست سمجھتے ہیں  ان کو وسیع اختیارات حاصل ہیں   جن کا اظہار یہ کرتے رہتے ہیں  ۔


اب اسی سعودی عرب میں سینما گھر بننے جا رہے ہیں ،اب وہاں بھی خواتین  ڈرائیونگ کر سکیں گی،اب مذہبی پولیس کے اختیارات بھی محدود کیے جا رہے ہیں ۔سعودی عرب میں اب یہ تبدیلیاں کیوں دیکھی جا رہی ہیں؟ ایسا کیا ہو گیا ہے کہ جس کی وجہ سے بڑی تیزی کے ساتھ یہ  قدم اٹھائے جا رہے ہیں؟

عرب سپرنگ کے بعد ایک بات تو طے ہو گئی تھی کہ اب عرب بادشاہتیں اپنے پرانے طریقوں پر نہیں چل سکیں گی  انہیں خود کو بدلنا ہو گا نہیں تو عرب  عوام انہیں اٹھا کر پھینک دیں گے۔تیونس اور مصر میں ایسا ہو چکا تھا  قریب تھا کہ بحرین اور اس کے بعد سعودی عرب کا  نمبر آتا مگر مسئلہ کو فرقہ ورانہ رنگ دے دیا گیا اور ساتھ میں سعودی معاشرے  میں کسی بھی سیاسی جماعت کا نہ ہونا یہ وجہ بنا کہ کوئی منظم تحریک نہ چل سکی ۔اخوان کی ہمددری موجود تھی اور کسی حد تک منظم  گروہ موجود تھا  جسے بڑی بے دردی سے ختم کر دیا گیا  یہاں تک کہ مولانا مودودی کی کتابیں بھی   بین کر دی گئیں۔


مغرب کے مختلف حوالے سے  دہرے معیار ہیں  جہاں جمہوریت اس کے فائدہ میں ہوتی ہے وہاں وہ جمہوریت کا چمپئن بن کر اس کی حمایت میں  سامنے آ جاتا ہے اور جہاں آمریت اس کے فائدہ میں ہو وہاں جمہوریت پر  تین حرف بھیجتے ہیں۔ مصر میں جمہوریت فائدہ میں نہ تھی تو  اپنی پوری سپورٹ آمریت کی  گود میں ڈال دی اور مصری عوام کا قتل عام کرنے والے سیسی کو   ایک آمر ہونے کے باوجود قبول کر لیا ۔یورپی عوام سے  وعدے کیے جاتے ہیں کہ ہم جمہوریت کے فروغ کے لیے کام کریں گے اب عوام ان سے پوچھتے ہیں  کہ جب حق اقتدار عوام کا حق ہے تو  کیوں اس وقت تمہارے بہترین دوست  ملکوں میں بادشاہتیں قائم ہیں ؟ ایسے سوالات کے جوابات دینے کے لیے  مغربی ممالک بھی   مختلف مواقع پر  پریشر ڈالتے ہیں کہ ملک میں جمہوریت اور انسانی حقوق کی پاسداری ہونی چاہیے اقلیتوں کے حقوق کا تحفظ ہونا چاہیے۔ جو اقدامات سعودی عرب نے کرنا  شروع کیے ہیں ان سے  ان ممالک کو یہ بتایا جاتا ہے کہ ہم  جمہوریت ،انسانی اور بالخصوص عورتوں کے حقوق پر بہت کام کر رہے ہیں،اسی طرح  معاشرے میں مذہبی لوگوں کے اثرات کو بھی کم کرنے پر کام کر رہے ہیں ۔

سعودی عرب  میں خواتین کو گاڑی چلانے کی اجازت دینا ،مستقبل قریب میں سینماؤں اور دیگر تفریح گاہوں کا قیام عمل میں لانا ،مذہبی پولیس کو انتہائی محدود کر دینا  اس سب  کے پیچھے سیاسی  و اقتصادی مفادات ہیں۔خواتین کی ڈرائیونگ پر پابندی  شریعت کا مطالبہ نہیں تھی یعنی ایسا نہیں ہے کہ قرآن و سنت کی   کسی نص میں آیا ہو کہ  خواتین ڈرائیونگ نہیں کر سکتی اور اسی طرح جس وقت سعودی عرب میں سینما کو  بین کیا گیا اس وقت  سعودی عرب میں مذہبی قوتوں کا اثر زیادہ تھا اور وہ تصویر کشی کو حرام سمجھتے تھے جس کی بنیاد پر سینما پر پابندی لگائی گئی مگر  اب وہ صورت حال نہیں ہے اب مذہبی قیادت  مکمل  طور پر آل سعود کی مٹھی میں ہے اس لیے  پابندی کے اٹھا لینے سے کوئی مسئلہ نہیں ہو گا۔ 

سعودی معیشت زوال پذیر ہے  حکومت اور عوام دونوں تیل کی کمائی سے  تمام امور مفت میں انجام دیتے رہے ہیں گھر بنانے  سے لیکر گھر چلانے والا تک سب کے سب غیر سعودی ہوتے تھے ۔جب تک تیل کا  بے حساب پیسہ آ رہا تھا تب تک تو ٹھیک تھا مگر اب ٹھیک نہیں ہے اب بیوی اور دو بیٹیوں کے لیے الگ الگ ڈرائیور رکھنے پڑیں تو تین ڈرائیورز کی تنخواہ ٹھیک ٹھاک مہنگا کام ہے جو  ہر کوئی افورڈ نہیں کر سکتا اور دوسرا  سعودی حکومت  دنیا کو یہ دکھانا چاہتی ہے کہ وہ کتنی روشن فکر ہے  خواتین کو حقوق دے رہی ہےاس طرح   یہ بھی  دکھانا چاہ رہی ہے کہ ہم  مذہبی لوگوں کو دبا کر  اہم اصلاحات کر رہے ہیں۔

سعودی عرب میں  تفریحی سہولتیں نہ ہونے کی وجہ سے ہر سال 70 ارب ریال  بیرون ملک  تفریح پر خرچ کر دیتے ہیں۔ سعودی حکومت چاہتی ہے کہ وہ اپنے ہاں ہی بڑے سینما گھر کھول دے تفریح گاہیں بنا دے تاکہ وہ ایک طرف اس پیسے کو بچا لے اور دوسرا  بیرون ملک سے بہت سے سیاحوں کو بھی اپنے ہاں لائے او رزرمبادلہ کمائے اس لیے ضروری ہے کہ  ان کو وہی سہولیات مہیا کی جائیں جن کو وہ تقاضا کرتے ہیں۔ 

یمن پر سعودی حملے نے جہاں پر یمن کو مالی طور پر تباہ و برباد کر دیا   ہے وہیں  اس نے  سعودی عرب کی معیشت پر بھی  انمٹ نقوش چھوڑے ہیں   ،ایک لمبے عرصے سے سعودی معیشت  کا انحصار تیل پر ہے جس کی قیمتیں نصف سے بھی کم ہو گئی ہیں ،نجی شعبہ  کےکمزور ہونابھی  معیشت کے لیے مسئلہ بنا ہوا ہے ،ہر چیز  پر  سرکاری کنٹرول نے   سعودی معیشت کو دباؤ کا شکار کر دیا ہے  جس کے اثرات  سعودی عوام پر دیکھے جا سکتے ہیں اب ٹیکس لگنا شروع ہو گئے ہیں،بہت سے سہولتیں جو دہائیوں سے مفت میں دی جا رہی تھیں اب   مفت میسر نہیں ہیں بڑی تعداد میں تعلیم یافتہ نوجوان موجود ہیں  جنہیں بہتر روزگار کی ضرورت ہے ۔

یہ سب اقدامات  یہ بتا رہے ہیں کہ سعودی معاشرے کے اندر  تبدیلی کی لہر موجود ہے اسے ہینڈل کرنے کی کوشش کی جا رہی ہے۔یہ سب اقدامات  سماجی نوعیت کے ہیں ملکی اختیارات کے مالک  شہزادہ سلمان  وژن 2030ء  کے  انچارچ بھی ہیں جو پورے ملک کا نظام تبدیل کرنے کے لیے کام کر رہا ہے۔سعودی عرب میں  نوجوانوں کی ایک بڑی تعداد نوجوانوں  مغربی یونیورسٹیز  سے پڑھ کر آئی ہے وہ آزادی اظہار،جمہوریت،انسانی حقوق اور اسی طرح کے درجنوں خیالات  لیکر آئی ہے جو   بادشاہت کے ساتھ سازگار نہیں ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کالم نگار، بلاگر یا مضمون نگار کی رائے سے متفق ہونا ضروری نہیں ۔۔۔ اگر آپ بھی ہمارے لیے کالم / مضمون یا اردو بلاگ لکھنا چاہتے ہیں تو قلم اٹھائیے اور 500 الفاظ پر مشتمل تحریر اپنی تصویر، مکمل نام، فون نمبر اور مختصر تعارف کے ساتھinfo@mubassir.com پر ای میل کریں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  85136
کوڈ
 
   
متعلقہ خبریں
سعودی ولی عہد محمد بن سلمان کے حکم پر کرپشن الزامات میںزیر حراست الولید بن طلال دوران حراست شدید غصہ دکھائے جا رہے ہیں اور وہ اپنی حراست کو توہین سمجھتے ہوئے اپنا غصہ تھوکنے کے لئے تیار نہیں ہیں۔
اسلامی جمہوریہ ایران کے صدر ڈاکٹر حسن روحانی نے 10دسمبر2017 کو ایران کی پارلیمان سے خطاب کرتے ہوئے کہا کہ وہ سعودی عرب سے اپنے تعلقات بہتر کر سکتے ہیں اگر وہ اسرائیل
ایرانی وزیرخارجہ جواد ظریف کا اس سے قبل کہنا تھا، ’’ایران اس اجلاس کو سعودی عرب پر تنقید کے لیے استعمال نہیں کرنا چاہتا، مگر سعودی عرب نے شام اور لبنان میں فائربندی کی ہرکوشش کو مسترد کیا ہے۔‘‘
مکہ مکرمہ اور مدینہ منورة وہ شہر ہیں جہاں غیرمسلموں کو داخلے کی اجازت نہیں اور یہی وجہ ہے کہ روس میں پیدا ہونے والے اسرائیلی یہودی شخص کی مسجد نبوی کے اندر لی جانے والی

مزید خبریں
افغانستان میں جنگ کو تیرہ برس گزرگئے اور 2014ء اس جنگ کے باقاعدہ اختتام کا سال ہے۔یہ برس عالمی تاریخ میں خاص اہمیت اختیار کرتاجارہا ہے۔پرائم ٹارگٹس پر مزاحمت کاروں کے حملے اس حقیقت کو واضح کرتے ہیں کہ طالبان آج تیر ہ سال بعد بھی افغانستان میں طاقت ورہیں۔
15 فروری 2014ء کو سندھ حکومت کے زیر انتظام دوہفتوں سے انعقاد پذیر ثقافتی سرگرمیوں کا میلہ ’’ سندھ فیسٹیول ’’ ختم ہوا تو صوبہ کے ایک دور افتادہ ضلع میں ’’ ڈیتھ فیسٹیول ‘‘ کا آغاز ہوچکا تھا۔
صحرائے تھر کی زمین پانی اور بچے دودھ کو ترس گئے، قحط سالی کے باعث بھوک نے انسانی زندگیوں کو نگلنا شروع کردیا ہے، حکومت نے تھرپارکر کو آفت زدہ تو قرار دے دیا مگر متاثرین کیلئے مختص گندم محکمہ خوراک کے گوداموں میں سڑ رہی ہے۔

مقبول ترین
آرمی چیف جنرل قمر جاوید باجوہ نے کہا ہے کہ دہشت گردوں کے منظم کیمپ پاکستان میں نہیں،افغانستان میں ان کے محفوظ ٹھکانے موجود ہیں۔ نجرمنی کے شہر میونخ میں میں عالمی سیکیورٹی کانفرنس سے خطاب میں آرمی چیف نے کہا کہ پاکستان فخر
سابق صدر اور پیپلز پارٹی پارلیمنٹیرینز کے سربراہ آصف علی زرداری نے کہا ہے کہ سابق ایس ایس پی راؤ انوار سے متعلق ریمارکس گفتگو کی روانی کے دوران ان کی زبان سے سہواً ادا ہوئے۔
سابق وزیر اعظم اور مسلم لیگ (ن) کے صدر میاں محمد نواز شریف نے کہا ہے کہ لودھراں کے عوام نے ثابت کردیا کہ فیصلے امپائر کی انگلی نہیں عوام کے انگوٹھے کرتے ہیں۔ مخالفین نے جھوٹ بولنے اور بہتان تراشی کے سواء کچھ نہیں کیا، الیکشن کے بعد آپ لوگوں کو کچھ بڑے فیصلے کرنے ہیں،
انسداد دہشتگردی عدالت نے محفوظ فیصلہ سناتے ہوئے ملزم عمران کوزینب کو اغوا کرنے، زیادتی کرنے اور قتل کرنے پر سزائے موت کا حکم سنا دیااور دفعہ 780 کے تحت بدفعلی پر سزائے موت اور 10 روپے جرمانہ کی سزا سنائی ہے،جبکہ لاش کو گندگی میں چھپانے پر 7 سال قید اور 10 لاکھ روپے جرمانہ کی سزاسنا ئی ہے۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں