Friday, 22 June, 2018
پی ایس ایل 3 کیلئے کھلاڑیوں پر پیسوں کی برسات

پی ایس ایل 3 کیلئے کھلاڑیوں پر پیسوں کی برسات

لاہور ۔ پاکستان سپر لیگ ایڈیشن تھری کے لئے منتخب ہونے والے کھلاڑیوں پر پیسوں کی برسات کردی گئی ہے۔ پی سی بی نے پی ایس ایل تھری کے لئے ملکی و غیر ملکی کھلاڑیوں کو 5 مختلف کیٹیگریز میں تقسیم کیا تھا اور ڈرافٹنگ کے دوران فرنچائز مالکان نے کھلاڑیوں کا انتخاب کیا۔  پلاٹینم کیٹیگری سے منتخب ہونے والے فی کھلاڑی کو ایک کروڑ 40 لاکھ روپے ملیں گے جب کہ ڈائمنڈ کیٹیگری سے منتخب ہونے والے کرکٹرز کو 70 لاکھ روپے دیئے جائیں گے۔ گولڈ کیٹیگری سے منتخب ہونے والے کھلاڑی 50،50 لاکھ روپے وصول کریں گے  جبکہ سلور کیٹیگری میں شامل کھلاڑی کم ازکم 22،22 لاکھ روپے کما سکیں گے۔ ابھرتے ہوئے کرکٹرز یعنی ایمرجنگ پلیئرز بھی لاکھوں میں کھیلیں گے اور منتخب ہونے والے ایمرجنگ پلیئر کو 10 لاکھ روپے تک کی آمدنی ہوگی۔

پلاٹینم کیٹیگری کے لئے لاہور قلندرز نے کرس لین کا انتخاب کیا جب کہ اسلام آباد یونائیٹیڈ نے جنوبی افریقا سے تعلق رکھنے والے جے پی ڈومینی ، کراچی کنگز نے کولن انگرام، کوئٹہ گلیڈی ایٹرز نے شین واٹسن، پشاور زلمی نے ڈوئن براوو، پی ایس ایل کی چھٹی ٹیم ملتان سلطانز نے جنوبی افریقی کرکٹر عمران طاہر کا انتخاب کیا ہے۔ اس طرح ان سب کھلاڑیوں کو فی کس ایک کروڑ 40 لاکھ روپے ملیں گے۔

ڈائمنڈ کیٹیگری میں سے اسلام آباد یونائٹیڈ نے نیوزی لینڈ کے وکٹ کیپر لیوک رونچی کا انتخاب کیا ہے جبکہ لاہور قلندرز نے مستفیض الرحمان کراچی کنگز نے سابق آسٹریلوی فاسٹ بولر مچل جانسن، کوئٹہ گلیڈی ایٹرز نے کارلوس بریتھ ویٹ، پشاور زلمی نے تمیم اقبال اور ملتان سلطانز نے ڈیرن براوو کا انتخاب کیا ہے۔ اس طرح اس کیٹیگری میں شامل ہرکھلاڑی 70 لاکھ روپے اپنے بینگ اکاؤنٹ میں منتقل کرے گا۔

کراچی کنگز نے گولڈ کیٹیگری میں سے لیوک رائٹ، اسلام آباد یونائٹیڈ نے فہیم اشرف، پشاور زلمی نے حماد اعظم، کوئٹہ گلیڈی ایٹرز نے راحت علی، لاہور قلندرز نے بلال آصف اور ملتان سلطانز نے احمد شہزاد کو منتخب کیا ہے۔ اس طرح ہر کھلاڑی 50،50 لاکھ روپے وصول کرے گا۔

کوئٹہ گلیڈی ایٹرز نے رمیز راجہ جونئیر کو سلور کیٹگری میں منتخب کیا جبکہ جنوبی افریقہ کے ڈیوڈ ویز کراچی کنگز میں شامل ہوگئے۔ ملتان سلطانز نے حال ہی میں ٹیسٹ ڈیبیو کرنے والے محمد عباس کو اپنی ٹیم میں شامل کرلیا۔ اس کے علاوہ لاہور قلندرز نے رضا حسن، اسلام آباد یونائیٹڈ نے سیم بلنگز جبکہ پشاور زلمی نے سعد نسیم کو ٹیم میں منتخب کیا۔

سلور کیٹیگری کے دوسرے راؤنڈ میں لاہور قلندرز نے سہیل اختر کو منتخب کیا جبکہ اسلام آباد یونائیٹڈ نے بائیں ہاتھ کے اسپنر ظفر گوہر کو ٹیم میں شامل کیا۔ پشاور زلمی نے تیمور سلطان کو منتخب کیا جبکہ سعد علی کو کوئٹہ گلیڈی ایٹرز نے اپنی ٹیم کا حصہ بنایا۔ سلور کیٹیگری کے لیے کراچی کنگز نے ڈومیسٹک کرکٹ میں تجربہ رکھنے والے تابش خان کو ٹیم میں منتخب کیا جبکہ ملتان سلطانز نے ویسٹ انڈیز کے نکولس پورن کو اپنی ٹیم میں شامل کرلیا۔ سلور کیٹیگری میں شامل کھلاڑی کم ازکم 22،22 لاکھ روپے کما سکیں گے۔

ایمرجنگ کیٹیگری میں لاہور قلندرز نے تیز گیند باز شاہین شاہ آفریدی کو اپنی ٹیم میں منتخب کرلیا جبکہ جارحانہ بلے باز صاحبزادہ فرحان کو اسلام آباد یونائیٹڈ نے اپنی ٹیم میں شامل کیا۔ کراچی کنگز نے محمد عرفان جونیئر کو اپنی ٹیم کا حصہ بنالیا جو کہ اس سے قبل لاہور قلندرز کا حصہ تھے۔ کوئٹہ گلیڈی ایٹرز نے سعود شکیل کو منتخب کرلیا ہے جبکہ پشاور زلمی نے دائیں ہاتھ کے تیز گیند باز ثمین گل کو اپنی ٹیم میں شامل کرلیا۔ ملتان سلطانز نے عبد اللہ شفیق کو اپنی ٹیم میں شامل کیا۔

ایمرجنگ کیٹیگری کے دوسرے راؤنڈ میں لاہور قلندرز نے غلام مدثر ، اسلام آباد یونائیٹڈ نے طلعت حسین اور کوئٹہ گلیڈی ایٹرز نے حسان خان کو اپنی ٹیموں میں برقرار رکھا جبکہ کراچی کنگز نے حسن محسن کو اپنی ٹیم میں شامل کرلیا۔ ابتسام شیخ کو پشاور زلمی نے اپنی ٹیم کا حصہ بنالیا جبکہ سیف بدر ملتان سلطانز کی ٹیم میں منتخب ہوگئے۔ اس کے علاوہ پشاور زلمی نے ایون لوئس جبکہ کراچی کنگز نے انگلینڈ کے اوئن مارگن کو اپنی ٹیموں میں شامل کرلیا۔  ایمرجنگ پلیئر کو 10 لاکھ روپے تک کی آمدنی ہوگی۔

سپلیمنٹری کیٹیگری کے لیے لاہور قلندرز نے سابق سری لنکن کپتان اینجیلو میتھیوز کو منتخب کیا جبکہ اسلام آباد یونائیٹڈ نے ایلکس ہیلز کو اپنی ٹیم میں شامل کیا۔ نیوزی لینڈ کے کولن منرو کراچی کنگز کا حصہ بن گئے جبکہ جیسن روئے کوئٹہ گلیڈی ایٹرز میں منتخب ہوگئے۔ اس کے علاوہ ویسٹ انڈین آل راؤنڈر آنڈرے کو پشاور زلمی نے اپنی ٹیم میں شامل کرلیا جبکہ جنوبی افریقہ کے ہرڈس ولجوائن ملتان سلطانز کا حصہ بن گئے۔

سپلیمنٹری کیٹیگری کے دوسرے راؤنڈ میں نیوزی لینڈ کے مچل مکلینگھن لاہور قلندرز میں منتخب ہوگئے۔ کوئٹہ گلیڈی ایٹرز کی ٹیم میں افغانستان کے راشد خان شامل ہوگئے جبکہ اسلام آباد یونائیٹڈ نے ڈیویڈ ولی کا انتخاب کیا۔ عمر گل ملتان سلطانز کی ٹیم میں شامل ہوئے۔

سپلیمنٹری کیٹیگری کے تیسرے راؤنڈ لاہور قلندرز نے گلریز صدف، اسلام آباد یونائٹیڈ نے محمد حسن، کراچی کنگز نے سیف اللہ بنگش، کوئٹہ گلیڈی ایٹرز نے محمد اعظم خان، پشاور زلمی نے خالد عثمان جبکہ ملتان سلطانز نے عمر صدیق کو اپنی ٹیموں میں شامل کیا۔

سپلیمنٹری کیٹیگری کے چوتھے راؤنڈ میں اسلام آباد یونائیٹڈ نے محمد حسنین، کوئٹہ گلیڈی ایٹرز نے فراز احمد، پشاور زلمی نے محمد عارف اور ملتان سلطانز نے روس وٹلے کو منتخب کیا۔ لاہور قلندرز اپنے 20 کھلاڑی پہلے ہی منتخب کرچکی تھی اس وجہ سے اس راؤنڈ میں اس نے کوئی کھلاڑی شامل نہیں کیا جبکہ کراچی کنگز کا کہنا ہے کہ وہ اپنا 20واں کھلاڑی اپنے ٹیلنٹ ہنٹ پروگرام کے بعد شامل کرے گی۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  75421
کوڈ
 
   
متعلقہ خبریں
پاکستان سپر لیگ (پی ایس ایل) تھری کے فائنل میں اسلام آباد یونائیٹڈ نے پشاور زلمی کو 3 وکٹوں سے شکست دیدی اور ایک بار پھر فتح کا تاج اپنے سر پر سجالیا۔ اسلام آباد یونائیٹڈ نے پشاور زلمی کی طرف
پاکستان سپر لیگ تھری کے پلے آف مرحلے کے پہلے کوالیفائنگ میچ میں اسلام آباد یونائیٹڈ نے کراچی کنگز کو 8 وکٹ سے شکست دیکر فائنل میں رسائی حاصل کرلی۔
پی ایس ایل تھری کے سلسلے میں شارجہ کے تاریخی کرکٹ گراؤنڈ میں لاہور قلندرز اور اسلام آباد یونائٹڈ کے درمیان کھیلا جانیوالا میچ ٹائی ہونے کے بعد میچ کا فیصلہ سپر اوور میں ہوا، سپر اوور میں لاہور قلندر نے 15 رنز سکور کئے جو ناکافی ثابت ہوئے
کوئٹہ گلیڈی ایٹرز کے جارحانہ انگلش بلے باز کیون پیٹرسن نے کہا ہے کہ پاکستان کرکٹ ٹیم خوش قسمت ہے کہ اس کے پاس سرفراز احمد جیسا کپتان ہے۔ پاکستان کرکٹ بورڈ کو چاہیئے کہ وہ سرفراز احمد کو آئندہ سال ہونے والے ورلڈ کپ تک کپتان مقرر کرنے کا اعلان کر دے۔

مزید خبریں
صوبہ بلوچستان کے ضلع تربت میں کالعدم تنظیموں سے تعلق رکھنے والے 15 اہم کمانڈروں سمیت تقریباً 200 فراری ہتھیار ڈال کر قومی دھارے میں شامل ہوگئے ہیں۔ تقریب کے مہمان خصوصی وزیراعلیٰ بلوچستان میرعبدالقدوس بزنجو تھے۔ اب تک ایک ہزار 8 سو کے قریب فراری ہتھیار ڈال کر قومی دھارے میں شامل ہوچکے ہیں۔
سابق وزیراعظم اور حکمران جماعت کے سربراہ میاں محمد نواز شریف کی کل سعودی عرب روانگی کا امکان ہے۔ جہاں وزیراعلیٰ پنجاب شہباز شریف پہلے سے موجود ہیں۔ جبکہ وفاقی وزیر ریلوے خواجہ سعد رفیق بھی پی آئی اے کی پرواز کے ذریعے اہلخانہ کے ہمراہ سعودی عرب روانہ ہوگئے ہیں
مسجد اقصیٰ کے امام وخطیب الشیخ اسماعیل نواھضہ نے برما میں مسلمانوں پر ڈھائے جانے والے مظالم کی شدید مذمت کی اور عالم اسلام پر زور دیا کہ وہ روہنگیا مسلمانوں کو ریاستی جبر وتشدد سے نجات دلانے کے لیے موثر اقدامات کریں
بھارت میں شدید گرمی کے باعث مرنے والوں کی تعداد 134ہوگئی بھارتی میڈیا کے مطابق شدید گرمی کے باعث بھارت کی ریاست تلنگانہ ،آندھرا پردیش اور اڑیسہ میں مرنے والوں کی تعداد 134 ہوگئی ہے۔

مقبول ترین
گڈانی میں سمندر میں نہاتے ہوئے ایک ہی خاندان کے 17 افراد ڈوب گئے، جن میں سے 4 خواتین کی لاشیں نکال لی گئیں۔ ریسکیو ذرائع کے مطابق ایک بچے کو بے ہوشی کی حالت میں جبکہ باقی 10 افراد کو صحیح سلامت ریسکیو کرلیا گیا۔
اب اس وقت بھی یہ فیچر استعمال کرسکتے ہیں۔ واضح رہے کہ بی ٹا ٹیسٹ کے لیے ایک نیا واٹس ایپ ورژن 2.18.189 پیش کیا گیا ہے جبکہ وائس کال کا نیا ورژن v2.18.192 ہے۔ اس کا اصل ورژن بعد میں آئے گا اور ابھی ٹیسٹ کے لیے بی ٹا ورژن گوگل پلے اسٹور پر ریلیز کیا گیا ہے۔
گلوبل آئل اینڈ گیس ڈسکوریز ریویو 2017 کی رپورٹ کے مطابق سال 2017 کی تیسری سہ ماہی کے دوران پاکستان نے تیل و گیس کے 2 بڑے ذخائر دریافت کیے ہیں جبکہ سال کے آخری 3 ماہ کے دوران تیل و گیس کے 4 مزید نئے ذخائر دریافت کیے۔
مقبوضہ کشمیر میں قابض بھارتی فوج کی فائرنگ سے 4 افراد شہید اور متعدد زخمی ہوگئے۔ کشمیر میڈیا سروس کے مطابق مقبوضہ کشمیر کے ضلع اننت ناگ میں قابض بھارتی فوج نے محاصرہ کیا اور سرچ آپریشن کے دوران رہائشی علاقے میں فائرنگ

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں