اسلام آباد - پاکستان نے بھارت کی جانب سے جاری مسلسل جارحیت کا جواب دیتے ہوئے اور اب سے کچھ دیر قبل کیے گئے فوجی ہوائی اڈوں پر حملے کے جواب میں بھارت کے خلاف جوابی کارروائی شروع کردی ہے۔ اس آپریشن کو بُنْيَانٌ مَّرْصُوْصٌ کا نام دیا گیا ہے۔ (بنیان المرصوص یعنی سیسہ پلائی ہوئی دیوار)

میڈیا نے سیکیورٹی ذرائع کے حوالہ سے بتایا ہے کہ پاکستان نے بھارتی جارحیت پر جوابی کارروائی کا آغاز کردیا ہے، بھارت میں متعدد اہداف کو نشانہ بنایا گیا ہے۔

اطلاعات کے مطابق پاکستان نے بیاس کے علاقے میں براہموس سٹوریج سائٹ تباہ کر دی ہے۔ بھارت میں مزید جگہوں پر حملے جاری ہیں۔

پاکستان نے دشمن کی جارحیت کا منہ توڑ جواب دیتے ہوئے آپریشن بُنْيَانٌ مَّرْصُوْصٌ کے تحت اب تک اہم بھارتی عسکری تنصیبات کو کامیابی سے نشانہ بنایا ہے۔

بیاس میں وہ اسٹوریج سائٹ جہاں سے پاکستان پر براہموس میزائل داغے گئے، مکمل طور پر تباہ کر دی گئی ہے۔

ادھم پور ائیر بیس کو کامیابی سے نشانہ بنا کر غیر مؤثر کر دیا گیا ہے۔ پٹھان کوٹ ائیر فیلڈ کو بھی تباہ کر دیا گیا ہے۔ میڈیا کے مطابق یہ کارروائیاں دشمن کے پہلے حملے کے ردعمل میں کی جا رہی ہیں، جو ہماری سرزمین، عوام اور خود مختاری پر حملہ تھا۔


۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ