Sunday, 16 June, 2019
سعودیہ میں رمضان میں برتنوں کو دھونی دینے کا رواج

سعودیہ میں رمضان میں برتنوں کو دھونی دینے کا رواج

 

دنیا بھر کے اسلامی ممالک میں جہاں رمضان المبارک کا استقبال مختلف طریقوں سے کیا جاتا ہے وہیں بعض ممالک میں اس ماہ مقدس کو لے کر کچھ روایتیں بھی عام ہیں جس کے تحت سعودی عرب میں برتنوں کو دھونی دینے کی ایک خاص روایت ہے۔

رمضان کے آغاز کے ساتھ ہی سعودی عرب میں رہنے والوں کی اکثریت کے گھروں سے ’’مصطگی‘‘ کی دھونی کی مہک اٹھنے لگتی ہے۔  ’’مصطگی‘‘ ایک گوند نما مواد ہوتا ہے جو MASTIC کے درخت کی جڑوں سے نکالا جاتا ہے، اقسام اور کوالٹی کے لحاظ سے اس کے کئی رنگ ہوتے ہیں جن میں سفید، زرد اور سُرمئی بھی شامل ہیں۔

مصطگی کو ضرورت کے مطابق مختلف استعمال میں لایا جاتا ہے۔ بعض لوگ اسے خوشبودار دُھونی کے لیے استعمال کرتے ہیں تو کہیں یہ عطر اور سنگھار و آرائش کے سامان کی تیاری میں بھی استعمال ہوتا ہے۔

رمضان المبارک کے موقع پر سعودی خواتین گھر کے برتنوں بالخصوص ’’گلاسوں‘‘کو مصطگی کی دُھونی سے مہکاتی ہیں۔ سعودی سرزمین کے رہنے والے طویل عرصے سے نسل در نسل رمضان کے اس رواج پر کاربند ہیں۔

برتنوں کو مصطگی کی دھونی دینے کا طریقہ کار بھی کچھ مختلف ہے جس میں پہلے کوئلے کا ٹکڑا جلا کر اس پر مصطگی کے دانے رکھ دیئے جاتے ہیں اور پھر پانی کے گلاس، کپوں، فلاسکوں اور ڈشوں کو تقریباً 10 منٹ تک دُھونی دی جاتی ہے، اس طرح ان میں دُھونی کی مہک برقرار رہتی ہے۔

تاریخی لحاظ سے یہ بات سامنے آتی ہے کہ اس رواج کا آغاز مدینہ منورہ سے ہوا جو وہاں سے ہوتا ہوا دیگر شہروں تک پھیل گیا۔

اس حوالے سے عرب خبر رساں ادارے سے گفتگو کرتے ہوئے مدینہ منورہ کی معروف شخصیت وائل کردی نے بتایا کہ یہ رواج جس ضرورت کے تحت سامنے آیا تھا وہ اب ختم ہو چکی ہے تاہم مدینے کے رہنے والوں نے ابھی تک اس کو رمضان کے رواج کے طور پر محفوظ رکھا ہوا ہے۔

وائل کردی کے مطابق زمانہ قدیم میں پانی کو مٹی کی مصنوعات میں محفوظ کیا جاتا تھا، بجلی کی عدم فراہمی کے سبب لوگ اس کو مصطگی کی دُھونی دیتے تھے تا کہ یہ ٹھنڈا رہے اور ساتھ ہی اس میں خوشبو بھی باقی رہے۔

انہوں نے واضح کیا کہ مصطگی کی دُھونی کے کئی فائدے ہیں، یہ برتنوں کو ناپسندیدہ بو سے پاک کرتی ہے اور کیڑوں بالخصوص، مچھروں اور جراثیم کو دُور بھگاتی ہے۔

ان کا کہنا تھا کہ اگرچہ بعض شہروں میں یہ رواج باقی نہیں رہا تاہم یہ ممکن نہیں کہ رمضان کی آمد پر لوگوں کی بڑی تعداد مصطگی کی دھونی دیا ہوا پانی نہ پئیں۔

وائل کردی کے مطابق مصطگی بہترین خوشبو کے علاوہ طبی لحاظ سے بھی فائدہ مند ہوتا ہے، بڑی عمر کے افراد نہ صرف اپنے دسترخوانوں پر اسے دیکھنا چاہتے ہیں بلکہ وہ اس رمضانی رواج کو اپنی آئندہ نسل تک منتقل کرنے کی بھی خواہش رکھتے ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  8501
کوڈ
 
   
متعلقہ خبریں
برطانوی آرمی سارجنٹ اور اس کی امریکی دلہن نے پہلے شادی کے لیے لیسٹر کے ایک چرچ کا انتخاب کیا تھا۔بعدازاں انہوں نے پروگرام تبدیل کرتے ہوئے زیر آب سادہ مگر مشکل شادی کی تقریب کا انعقاد کیا
لندن کے ایک کیفے نے گاہکوں کو اپنی طرف راغب کرنے کے لیے کافی کے کپ میں پینے والوں کی تصاویر بنانا شروع کردی ہے جس کے لیے وہ ’تھری ڈی پرنٹر‘ کا استعمال کرتے ہیں۔
بابا. پیڑے. والے کی پوتی کی شادی پر دلہا والوں نے ڈالروں. ریالوں اور ڈبہ بند موبائل فون کی بارش کردی لوگوں کےعلاوہ باراتیوں نےبھی خوب فائدہ اٹھایا اور جیبیں بھرلیں.س دوران دھکم پیل سے کئ لوگ ایک دوسرے سےدست گریبان کے واقعات بھی پیش آئے.اس موقعہ پر لوگ کھہ رہے تھے شادی ہو تو ایسی.
دبئی میں اونٹوں کے علاج کیلئے نیا اسپتال قائم کیا گیا ہے جو دنیا میں یہ اپنی قسم کا پہلا اسپتال ہے۔اس میں کسی اور جانور کا علاج نہیں کیا جائے گا۔ اسپتال کے قیام پر 40 ملین درہم خرچ ہوئے۔

مزید خبریں
نیویارک میں ایک کمپنی نے ایک ایسا کام کرنے کے لیے بازار میں بوتھ بنادیا ہے جس کا سن کر ہی انسان شرم سے پانی پانی ہو جائے۔ اس کمپنی نے مردوں کو خودلذتی کا موقع فراہم کرنے کے لیے بازار کے بیچ یہ بوتھ بنایا ہے

مقبول ترین
پاکستان پیپلز پارٹی کے چیئرمین بلاول بھٹو زرداری کا کہنا ہے کہ جتنے کیس بنانے ہیں بنا لیں، میرے پورے خاندان کو جیل بھیج دیں، 1973 کے آئین، عوامی حقوق، لاپتاافراد ، سول کورٹس اور 18ویں ترمیم پر موقف نہیں بدلیں گے۔
قومی احتساب بیورو (نیب) نے میگا منی لانڈرنگ کیس میں سابق صدر آصف علی زرداری کی ہمشیرہ فریال تالپور کو گرفتار کر لیا ہے۔ نیب نے فریال تالپور کے طبی معائنہ کیلئے ڈاکٹرز کی ٹیم کو طلب کر لیا ہے، انھیں کل احتساب عدالت میں پیش
سابق وزیراعظم نواز شریف کا کہنا ہے کہ عمران خان کا وقت پورا ہوچکا ہے اور وہ جلد انجام کو پہنچنے والے ہیں۔ کوٹ لکھپت جیل میں مسلم لیگ (ن) کے رہنماؤں نے سابق وزیراعظم نواز شریف سے ملاقات کی، اس موقع پر رہنماؤں سے
بین الاقوامی خبر رساں ادارے کے مطابق مقبوضہ کشمیر میں اننت ناگ سے گزرنے والے بھارتی سیکیورٹی فورس (سینٹرل ریزرو پولیس فورس) کے قافلے پر 2 مسلح افراد نے فائرنگ کردی، ملزمان فائرنگ کے بعد فورسز کی گاڑی پر دستی بم بھی پھینک گئے۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں