Thursday, 20 January, 2022
"ہیپی فادرز ڈے"

تحریر: رضوان علی شاہ

دھوپ میں چھاؤں دینے والا، زمانے کے سخت تھپیڑوں سے بچانے والا، زندگی کے اتار چڑھاؤ کے باوجود آپ کو سکھی رکھنے والا.. ایسا ہوتا ہے باپ.
والد کا سایہ زندگی میں اتنا ہی اہمیت کا حامل ہے جتنی ماں کی شفقت. اگر باپ کا شفیق ہاتھ سر پر نہ ہو زمانہ ایک ظالم روپ میں آپ کو واقعی میں دکھائی دیتا ہے. اپنے تجربے اور زندگی بھر کا نچوڑ آپ کو سکھانے کی کوشش آپ کے والد کی ہی ہوتی ہے. باپ ہمیشہ چاہتا ہے کہ جو سختیاں میں نے دیکھی ہیں وہ میری اولاد کبھی نہ دیکھے. وہ آپ کا محافظ بھی ہے، آپ کا استاد بھی اور آپ کا رہبر بھی.
ہمارے معاشرے میں ماں کی محبت کو زیادہ اہمیت دی جاتی ہے جبکہ والد کی محبت کو کسی حد تک نظرانداز بھی کیا جاتا ہے. جبکہ ایسا اس لئے نہیں ہونا چاہیے کیونکہ ماں کی محبت تب تک مکمل نہیں ہے جب تک اس میں باپ کی شفقت  شامل نہ ہو. ماں اور باپ دونوں کی تربیت ہی آپ کو ایک مکمل با شعور انسان بناتی ہے.
میں نے اپنے والد سے بے شمار خصوصیات قدرتی طور پر حاصل کیں ان میں سے چند خوش اخلاقی اور انسانیت کا درد دل رکھنا ہے. میں نے ہمیشہ اپنے والد کو مشکل حالات سے دوچار لوگوں کی مدد کرتے اور ان کی داد رسی کرتے دیکھا. یہاں تک کہ اپنی حیثیت سے بڑھ کر اگر میں نے اپنی آنکھوں سے کسی کو لوگوں کی مدد کرتے دیکھا تو وہ میرے والد ہیں. اشفاق احمد صاحب فرماتے ہیں ایک غیبی اصول یہ بھی ہے کہ جو چیز تقسیم کرو گے اسی کی تمہارے پاس فراوانی ہو جائے گی، پھر چاہے وہ دولت ہو، عزت ہو، علم ہو ، محبت ہو، درگزر ہو، کھانا ہو یا آسانیاں. اور اس بات کا عملاً ثبوت میں نے اپنے والد کی زندگی میں دیکھا. انہوں نے جتنا دیا، اللہ نے ان کو اس سے دگنا عطاء فرمایا. یہی چیز ان سے سیکھتے ہوئے میں نے بھی اپنی زندگی میں اپنانے کی کوشش کی اور آج جو اللہ نے تھوڑی بہت عزت دی وہ شاید اسی غیبی اصول کی بدولت ہے.
یاد رکھیں ماں کے قدموں تلے جنت ہے تو باپ کو بھی اسلام میں جنت کا دروازہ کہا گیا ہے.آپ جنت پا نہیں سکتے اگر دروازہ نہ کھول سکیں. اپنے والدین کی قدر کریں. اگر والد زندہ ہیں تو ان کو وقت دیں، ان کی ہر لحاظ سے خدمت کریں. آپ کے جان، مال اور ہر چیز پر ان کا اتنا ہے حق ہے جتنا آپ کا تھا جب آپ کا بچپن تھا اور آپ کے والد آپ کی ضروریات سے لے کر آپ کی ہر اوٹ پٹانگ خواہش پوری کیا کرتے تھے. 
سیانے کہتے ہیں "ادب پہلا قرینہ ہے محبت کے قرینوں میں." یاد رکھیں آپ کی زبان کی تلخی کہیں آپ کی ساری خدمت بہا کر آپ کو دوزخ کے دہانے پہ نہ لے جائے. اس خدمت کا کوئی فائدہ نہیں جس میں ادب نہ ہو.
جن کے والدین دنیا سے گزر گئے وہ اپنے والدین کے ایصال ثواب کے لئے قرآن مجید پڑھ کر اور نوافل پڑھ کر اور ان کو بخش کہ اب بھی اپنے والدین کی خدمت کر سکتے ہیں. 
اللہ پاک ہم سب کو اپنے والدین کی خدمت کرنے کی توفیق عطاء فرمائے اور جن کے والدین دنیا سے گزر گئے اللہ پاک ان کی مغفرت فرمائے. آمین

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کالم نگار، بلاگر یا مضمون نگار کی رائے سے متفق ہونا ضروری نہیں ۔۔۔ اگر آپ بھی ہمارے لیے کالم / مضمون یا اردو بلاگ لکھنا چاہتے ہیں تو قلم اٹھائیے اور 500 الفاظ پر مشتمل تحریر اپنی تصویر، مکمل نام، فون نمبر اور مختصر تعارف کے ساتھ info@mubassir.com پر ای میل کریں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  24336
کوڈ
 
   
مقبول ترین
نیشنل اسمال اینڈ میڈیم انٹر پرائزز (ایس ایم ای ڈی اے) پالیسی کے اجرا کی تقریب سے خطاب کرتے ہوئےکہا کہ صدی میں ایک مرتبہ ایسی صورتحال ہوتی ہے، عالمی مالیاتی ادارے (ڈبلیو ایچ او) سمیت دیگر اداروں نے تسلیم کیا
وزیراعلیٰ پنجاب سردار عثمان بزدار نے سانحہ مری کی تحقیقاتی رپورٹ کی روشنی میں 15 افسران کو معطل کرکے انضباطی کارروائی کا حکم جاری کردیا۔ میڈیا کے مطابق سانحہ مری کی تحقیقاتی کمیٹی نے وزیراعلیٰ پنجاب سردار عثمان بزدار
وزیراعظم عمران خان نے سانحہ مری میں متعدد افراد کی اموات پر تحقیقات کا حکم دے دیا۔ میڈیا کے مطابق مری اور گلیات میں شدید برفباری اور ٹریفک جام کے باعث سردی سے ٹھٹھر کر مرنے والے افراد کی تعداد 21 ہوچکی ہے
مری میں برفباری میں پھنسے 21 سیاح شدید سردی سے ٹھٹھر کر جاں بحق ہوگئے ہیں جبکہ وزیرداخلہ شیخ رشید نے فوج اور سول آرمڈ فورسز کو طلب کرلیا ہے۔ملک کے پُرفضا مقام مری میں شدید برف باری کے باعث ہزاروں سیاح پھنس کر رہ گئے

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں