Saturday, 20 August, 2022
بڑے شہروں میں ایک ہزار آکسیجن والے بیڈ فراہم کیے جائیں گے، اسد عمر

بڑے شہروں میں ایک ہزار آکسیجن والے بیڈ فراہم کیے جائیں گے، اسد عمر
فائل فوٹو

اسلام آباد۔ ملک بھر میں جاری کورونا وائرس کی صورتحال کو مدنظر رکھتے ہوئے حکومت نے ملک بھر کے بڑے شہروں میں ایک ہزار آکسیجن والے بیڈ فراہم کرنے کا اعلان کر دیا ہے۔ ان کی فراہمی کا سلسلہ جون میں شروع ہوجائے گا۔

تفصیلات کے مطابق وفاقی وزیر برائے منصوبہ بندی اسد عمر نے اپنے ٹویٹر پیغام میں اس بات کا اعلان کرتے ہوئے بتایا ہے کہ فیصلہ آج نیشنل کمانڈ اینڈ آپریشن سنٹر کے اجلاس میں کیا گیا، یہ بیڈز جون کے مہینے میں فراہم کر دیئے جائیں گے۔

اس سے قبل وفاقی وزیر و نیشنل کمانڈ اینڈ آپریشن سنٹر کے سربراہ اسد عمر نے پریس کانفرنس کرتے ہوئے اس بات کا اعتراف کیا تھا کہ ملک میں کورونا کے مریض بڑھنے کے بعد ہسپتالوں پر دباؤ بڑھ گیا ہے۔ اس حوالے سے بات کرتے ہوئے وفاقی وزیر نے بتایا ہے کہ ایک ہفتے میں 250وینٹی لیٹرز صوبوں کو فراہم کیے گئے ہیں جبکہ صحت کا نظام بہتر کرنے کے حوالے سے صوبائی حکومتوں کے ساتھ ہر قسم کا تعاون کیا جا رہا ہے۔

کورونا ٹیسٹنگ کے حوالے سے بات کرتے ہوئے اسد عمر کا کہنا تھا کہ جولائی میں پاکستان میں ٹیسٹ کرنے کی صلاحیت میں بھی اضافہ ہو جائے گا۔ 

خیال رہے کہ پوری دنیا کی طرح اس وقت پاکستان بھی کورونا وائرس کی لپیٹ میں آگیا ہے جس کے بعد ہر گزرتے دن کے ساتھ اس کی تباہی میں حیران کن حد تک اضافہ ہوتا جا رہا ہے۔ پاکستان میں اگر مجموعی کیسز کی تعداد کی بات کی جائے تو آج اب تک کورونا سے مزید 3 افراد انتقال کرگئے جس کے بعد اموات کی مجموعی تعداد 2067 ہوگئی جب کہ نئے کیسز سامنے آنے کے بعد مریضوں کی تعداد 103671 تک پہنچ گئی ہے۔

اس بڑھتی ہوئی مریضوں کی تعداد اور موجودہ صورتحال کو مدنظر رکھتے ہوئے اب حکومت نے ملک بھر کے بڑے شہروں میں ایک ہزار آکسیجن والے بیڈ فراہم کرنے کا اعلان کر دیا ہے جس کے بعد جون کے مہینے میں ان بیڈز کو مختلف شہروں میں تقسیم کر دیا جائے گا۔

واضح رہے کہ این سی او سی نے صوبوں کو 250 اضافی وینٹی لیٹرز فراہم کیے تھے۔

۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر [email protected] پر ای میل کر سکتے ہیں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  80412
کوڈ
 
   
متعلقہ خبریں
قائدِ ملت جعفریہ پاکستان علامہ سید ساجد علی نقوی نے کہا ہے کہ ملک تاریخ کے نازک ترین دور سے گزر رہا ہے ایک جانب ملک سیاسی و معاشی بحران کا شکار ہے تو دوسری جانب عوام کی شہری و مذہبی آزادیوں کو سلب کرنے کی کوششیں کی جا رہی ہیں۔ عزاداری سید الشہداء پر ایف آئی آرز،
چیف آف آرمی اسٹاف جنرل قمر جاوید باجوہ کی صدارت میں جنرل ہیڈ کوارٹرز میں بریگیڈیئر سے میجر جنرل تک پروموشن بورڈ کا اجلاس ہوا، جس میں سنیارٹی اور پیشہ وارانہ امور کی بنیاد پر 22 بریگیڈیئرز کو اگلے عہدوں میں ترقی دی گئی۔
اسلام آباد ہائیکورٹ نے سابق وفاقی وزیر شیریں مزاری کی گرفتاری پر وفاقی حکومت کو جوڈیشل انکوائری کرانے کا حکم دے دیا۔ عدالتی حکم کے بعد شیریں مزاری کو اسلام آباد ہائیکورٹ پہنچا دیا گیا ہے اور انہیں خاتون پولیس اہلکار لے کر عدالت پہنچیں۔
شیریں مزاری کو گرفتار کرنے والے اینٹی کرپشن عملے کے خلاف تحقیقات ہونی چاہئیں، تفتیش اور تحقیقات کے نتیجے میں اگر گرفتاری ناگزیر ہے تو قانون اپنا رستہ خود بنالے گا، شیریں مزاری کی گرفتاری کے عمل سے اتفاق نہیں کرتا۔

مقبول ترین
ملک بھر میں چودہ اگست کا آغاز ہوتے ہی 75 ویں آزادی کا جشن بھرپور عقیدت اور احترام سے منانے کا سلسلہ شروع ہوگیا اور فضا قومی نعروں اور ملی نغموں سے گونج اٹھی ہے۔
لاہور کے نیشنل ہاکی اسٹیٹڈیم میں ’حقیقی آزادی‘ جلسہ سے خطاب کرتے ہوئے کہا کہ میں امریکا اور برطانیہ کو زیادہ تر پاکستانیوں سے بہتر جانتا ہوں، میں کسی ملک کا دشمن نہیں، امریکا سے دوستی چاہتا ہوں۔
وزیراعظم شہباز شریف نے قوم سے خطاب میں ایک بار پھر میثاق معیشت کی پیش کش کردی۔ قوم سے خطاب میں شہباز شریف کا کہنا تھاکہ آج محض ایک مبارکباد کافی نہیں، ہم ہرسال دھوم دھام سے یوم آزادی مناتےہیں، لاکھوں قربانیوں کے بعد پاکستان حاصل کیا گیا اور حققت یہ ہےکہ 75برس سے ان دنوں کو منایا ہے
سانحہ لسبیلہ ہیلی کاپٹر حادثہ و شہداء سے متعلق سوشل میڈیا پر منفی پراپیگنڈے کی تحقیقات کے معاملے پر جوائنٹ انکوائری ٹیم کا دائرہ کار بڑھا کر انٹیلجنس ایجینسز کے دو افسران بھی ٹیم میں شامل کر لیے گئے۔

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں