Friday, 23 February, 2024
خیبرپختونخوا اسمبلی تحلیل: سمری تیار کرلی ہے، فواد چوہدری

خیبرپختونخوا اسمبلی تحلیل: سمری تیار کرلی ہے، فواد چوہدری

پاکستان تحریک انصاف (پی ٹی آئی) کے نائب صدر فواد چوہدری نے کہا ہے کہ خیبرپختونخوا اسمبلی تحلیل کرنے کے لیے سمری تیار کرلی گئی ہے اور پنجاب میں نگراں وزیراعلیٰ کے نام پر مشاورت شروع کردی گئی ہے۔

لاہور میں میڈیا سے گفتگو کرتے ہوئے فواد چوہدری نے کہا کہ ہم نے پنجاب اسمبلی تحلیل کرنے کی سمری کل گورنر کو بھیج دی تھی اور ہمیں توقع ہے کہ آرٹیکل 112 کے تحت گورنر 48 گھنٹوں کا انتظار نہ کریں اور فوری طور پر اسمبلی کی تحلیل کا حکم نامہ جاری کریں تاکہ نگراں حکومت کا عمل شروع ہوسکے۔

ان کا کہنا تھا کہ قائد حزب اختلاف حمزہ شہباز سے باقاعدہ رابطہ کیا جارہا ہے، پرویز الہٰی انہیں اپنے نام تجویز کریں گے اور انہیں اپنے نام بھیجنے ہیں، امید ہے وہ ایسے نام ہی تجویز کریں گے جو غیر جانبدار ہوں گے، جو صاف اور شفاف انتخابات کرانے کی صلاحیت رکھتے ہوں۔

فواد چوہدری نے کہا کہ الیکشن کمیشن سے بھی یہی امید اور توقع ہے کہ وہ ایسی تعیناتیاں کرے گا جن کی حیثیت مشکوک نہ ہو۔

ایک سوال پر ان کا کہنا تھا کہ ہم نے ناموں پر مشاورت شروع کردی ہے اور وزیراعلیٰ کے لیے ہم اپنے نام چوہدری پرویز الہٰی کو دیں گے اور ان کی مشاورت سے نام آگے بھیجیں گے کیونکہ آئین کے مطابق وزیراعلیٰ کو ہی نام بھیجنے ہیں۔

ان کا کہنا تھا کہ خیبرپختونخوا کے وزیر اعلیٰ اور کابینہ کے اراکین کا آج زمان پارک لاہور آنے کا منصوبہ تھا جو موسم کی خرابی کی وجہ سے منسوخ ہوا، لیکن ان سے ٹیلی فون پر تفصیلی بات چیت ہوگئی ہے اور انہوں نے اسمبلی توڑنے کی سمری یا ایڈوائس تیار کرلی ہے۔

خیبرپختونخوا کی اسمبلی کی تحلیل سے متعلق انہوں نے کہا کہ اب صرف انتظار کر رہے ہیں کہ پنجاب اسمبلی کی تحلیل کا وقت پورا ہو یا گورنر اس سے پہلے حکم نامہ جاری کردیں تو اس کے فوراً بعد خیبرپختونخوا کی اسمبلی کی تحلیل کا حکم بھی جاری کردیا جائے گا۔

پی ٹی آئی رہنما نے کہا کہ الیکشن کمیشن کا کراچی اور حیدر آباد میں 15 جنوری کو ہی بلدیاتی انتخابات کرانے کا فیصلہ درست ہے لیکن سپریم کورٹ سے کہنا چاہتا ہوں کہ اسلام آباد میں بلدیاتی انتخابات کا فیصلہ اسلام آباد ہائی کورٹ نے کیا تھا، لیکن وزیر داخلہ رانا ثنااللہ اور اس حکومت نے اس فیصلے کو اپنے جوتے کی نوک پر رکھا اور اب تک الیکشن نہیں ہوسکے۔

ان کا کہنا تھا کہ اب سندھ ہائی کورٹ نے واضح طور پر متحدہ قومی موومنٹ (ایم کیو ایم) کی درخواست مسترد کردی اور حکم دیا کہ انتخابات ہونے چاہئیں اور اس حکم سے بھی بچنے کی کوشش ہو رہی ہے۔

فواد چوہدری نے کہا کہ پی ڈی ایم میں شامل جماعتیں عوام کو ووٹ کے حق سے محروم کرنے کی جستجو کر رہی ہیں، چاہے وہ پیپلزپارٹی، ایم کیو ایم یا مسلم لیگ (ن) ہو، یہ تمام جماعتیں اس وقت انتخابات سے بچنے کی کوشش کر رہی ہیں۔

انہوں نے کہا کہ سپریم کورٹ سے گزارش کروں گا کہ اس رویے اور ہائی کورٹ کے احکامات کی خلاف ورزی کا نوٹس لیا جائے اور یقینی بنایا جائے کہ انتخابات سے متعلق اسلام آباد اور کراچی، حیدر آباد میں بھی دیے گئے شیڈول پر مکمل عمل درآمد ہو۔

ان کا کہنا تھا کہ اس کے بعد پنجاب، خیبرپختونخوا اور قومی اسمبلی میں ہماری نشستوں پر انتخابات کی طرف بڑھا جائے۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  84013
کوڈ
 
   
متعلقہ خبریں
لاہور ہائیکورٹ کے جسٹس شاہد کریم نے ریاض فتیانہ سمیت دیگر کی درخواستوں پر فیصلہ سنایا اور تحریک انصاف کے 72 ارکان قومی اسمبلی کے استعفوں کی منظوری کا الیکشن کمیشن اور اسپیکر قومی اسمبلی کا نوٹیفکیشن کالعدم قرار دے دیا۔
وفاقی وزیر تعلیم رانا تنویر نے کہاکہ توہین پارلیمنٹ (سینیٹ اور قومی اسمبلی) بل بہت اہم قانون سازی ہے، قائمہ کمیٹی رولز میں بھی ترمیم ہونی چاہیے، ارکان پارلیمنٹ کے فون افسران سننا گوارہ نہیں کرتے، ہر ادارے کی توہین کا کوئی نہ کوئی قانون ہے ، پہلے توہین پارلیمان پر کوئی قانون نہیں تھا
ڈاکٹر توقیر شاہ کو وزیراعظم شہباز شریف کا پرنسپل سیکرٹری تعینات کر دیا گیا ہے۔ وزیراعظم شہبازشریف نے بیوروکریسی سے متعلق پہلا حکم جاری کردیا ہے اور وفاقی اسٹیبلیشمنٹ ڈویژن نے ڈاکٹر توقیر شاہ کی تعیناتی کا
اپوزیشن جماعتوں کے اراکین نے خیبرپختونخوا اسمبلی میں وزیراعلیٰ محمود خان کے خلاف تحریک عدم اعتماد جمع کروادی۔ میڈیا کے مطابق اپوزیشن اراکین نے تحریک عدم اعتماد جمعے کے روز سیکریٹری اسمبلی کے دفتر میں جمع کرائی جس پر بیس

مقبول ترین
آئی ایس پی آر کی جانب سے جاری بیان میں بتایا گیا ہے کہ 18 جنوری کی صبح پاکستان نے ایران میں موجود دہشتگردوں کے ٹھکانوں پر مؤثر حملہ کیا، پاکستان نے حملہ آور ڈرونز، راکٹس اور دیگر ہتھیاروں سے کارروائی کی۔
پاکستان نے ایران میزائل حملے کا بھرپور جواب دیتے ہوئے ایران میں دہشتگردوں کے ٹھکانوں کو نشانہ بنایا۔ ترجمان دفترخارجہ کی جانب سے جاری بیان کے مطابق پاکستان نے ایران کے صوبہ سیستان و بلوچستان میں دہشت گردوں کے ٹھکانوں کو نشانہ بنایا
سینیٹ میں سینیٹر رضا ربانی نے آفیشل سیکرٹ (ترمیمی) بل 2023 پر کڑی تنقید کرتے ہوئے اس کا مسودہ پھاڑ دیا اور کہا کہ یہ بل اتنا سادہ نہیں جتنا نظر آرہا ہے، آج صبح ہی میں نے 8 ترامیم تجویز کیں ہیں۔
آرمی چیف جنرل سید عاصم منیر نے کہا ہے کہ پاکستان اور چین کے تعلقات منفرد اور مضبوط ہیں جس نے تمام چیلنجوں کا مقابلہ کرتے ہوئے اپنی مضبوطی کو ثابت کیا ہے۔ پیپلزلبریشن آرمی اور پاکستان آرمی ایک دوسرے کے بھائی ہیں

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں