اسلام آباد - وزیراعظم شہباز شریف نے کہا ہے کہ عام انتخابات نئی مردم شماری کے تحت ہی ہونے چاہئیں، انتخابات میں تاخیر کا کوئی جواز نہیں بنتا، حلقہ بندیاں کرنا اور نتخابات کرانا الیکشن کمیشن کا کام ہے۔

یہ بات انہوں ںے نجی ٹی وی سے گفتگو کرتے ہوئے کہی۔ وزیراعظم نے ایک روز قبل بڑھائی گئی پیٹرولیم مصنوعات کی قیمتوں میں اضافے پر افسوس کا اظہار کرتے ہوئے کہا کہ اضافہ مجبوری میں کیا، پیٹرول کی قیمت ہمارے کنٹرول میں نہیں ہے، قیمت انٹرنیشنل مارکیٹ میں خام تیل کے مہنگا ہونے کے سبب بڑھی جس کی وجہ سے ہمیں بھی مجبوری میں بڑھانا پڑھی، آئی ایم ایف کی وجہ سے ہم پیٹرول پر سبسڈی نہیں دے سکتے۔

وزیراعظم نے مردم شماری سے متعلق کہا کہ جو مردم شماری ہوئی ہے اسی پر انتخابات کرائے جائیں اور یہ ذمہ داری الیکشن کمیشن کی ہے ہماری نہیں کیوں کہ ہماری مدت 12 اگست کو پوری ہوجائے گی، فی الوقت نگراں سیٹ پر ن لیگ کی مشاورت مکمل ہوچکی ہے بس قائد حزب اختلاف سے مشاورت باقی ہے۔

شہباز شریف کا کہنا تھا کہ 12 اگست کو حکومت کی مدت مکمل ہو رہی ہے، نئی مردم شماری کے تحت ہی انتخابات میں جانا ہے، عوامی مینڈیٹ سے لیس حکومت 5 سال حکومت کرے گی، انتخابات میں تاخیر کا کوئی جواز نہیں۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر [email protected] پر ای میل کر سکتے ہیں۔ ادارہ