اورکزئی ۔ اپر اورکزئی غوٹاک کوئلے کے کان میں پھنسے مزدوروں کو نکالنے کیلئے ریسکیو اپریشن جاری ہے مائن ریسکیو 1122 انتظامیہ اورکزئی سکاوٹس ریسکیو اپریشن میں مصروف ہیں کوئلے کے کان میں پانی اور کچہرا ہونے کے باعث اپریشن میں دشوراری کا سامنا ہے۔

ٹیکینیکل طریقے سے ریسکیو اپریشن کررہے ہیں تاکہ مزید نقصان نہ ہو ڈپٹی کمشنر اورکزئی طیب عبداللہ کا صحافیوں سے بات چیت تفصیلات کے مطابق اپر اورکزئی غوٹاک میں 3دن قبل بدھ روز شدید بارش کے باعث سیلابی ریلا کول مائن میں داخل ہونے سے 11مزدور پھنس گئے جن میں8 مزدور موقع پر کول مائن سے نکل کر جان بچانے میں کامیاب ہو گئے جبکہ 3 مزدور پانی کا بھاو زیادہ ہونے کے باعث کان کے اندر پھنس گئے۔

اطلاع ملتے ہی ریسکیو1122اور ضلعی انتظامیہ نے اپریشن شروع کر دیا مزید اپریشن تیز کرنے کیلئے پشاور جلوزئی کوہاٹ ہنگو سے بھی ٹیمیں موقع پر پہنچ کر امدادی کاروائیوں میں مصروف ہیں تاہم کوئلے کے کان میں پانی زیادہ ہونے اور کچہرے کے باعث امدادی کاروائیوں میں مشکلات کا سامنا ہے ریسکیو ٹیمیں 3دنوں سے بدستور امدادی کاروائیوں میں مصروف ہیں ۔

ڈپٹی کمشنر طیب عبداللہ کے مطابق کوئلے کے کان میں پھنسے مزدوروں کو نکالنے کیلئے امدادی کاروائیاں تیزی سے جاری ہیں امید ہے کہ بہت جلد ریسکیو ٹیمیں پھنسے مزدوروں کو نکالنے میں کامیاب ہو جائیں گی ۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ