Wednesday, 16 June, 2021
’’حج محدود، مقیم افراد ہی حج کرسکیں گے، سعودی عرب‘‘

’’حج محدود، مقیم افراد ہی حج کرسکیں گے، سعودی عرب‘‘
فائل فوٹو

جدہ ۔ سعودی حکومت نے اعلان کیا ہے کہ رواں سال مملکت میں مقیم افراد ہی حج کی سعادت حاصل کرسکیں گے۔ سعودی وزارت حج و عمرہ کی جانب سے جاری کردہ بیان کے مطابق کورونا وائرس کے باعث حج کے شرکاء کی تعداد کو محدود رکھنے کا فیصلہ کیا گیا ہے، رواں سال سعودی شہری اور اقامہ ہولڈر ہی حج ادا کرسکیں گے ۔

 سعودی وزارت حج و عمرہ کی جانب سے جاری کردہ بیان میں کہا گیا ہے کہ سعودی عرب میں موجود صرف غیر ملکی اور مقامی شہری مخصوص تعداد میں شرکت کرسکیں گے۔حج محدود کرنے کا مقصد کورونا سے محفوظ ماحول بنانا ہے۔ بیان میں کہا گیا ہے کہ فیصلہ عازمین حج کی صحت و سلامتی کے جذبہ سے کیا گیاہے، اللّٰہ تعالیٰ دنیا کے تمام ممالک کو وبا سے محفوظ رکھے۔ شاہی فرمان میں کہا گیا ہے کہ 1441 ہجری کے حج کیلئے تمام احتیاطی تدابیر کیساتھ انتظامات کیے جائیں۔

دوسری جانب پاکستان میں وزارت مذہبی امور کے ترجمان کا کہنا ہے کہ سعودی حکومت نے غیر ملکی حجاج کی میزبانی سے معذرت کرلی، پاکستانی عازمین حج کی رقوم کی واپسی سے متعلق طریقہ کار ہنگامی اجلاس میں طے کیا جائیگا۔ تفصیلات کے مطابق سعودی حکومت نے اعلان کیا ہے کہ رواں سال مملکت میں مقیم افرادہی حج کی سعادت حاصل کرسکیں گے۔

 وزارت کا بیان میں کہنا تھا کہ سعودی عرب میں قیام پذیر مختلف ملکوں کے شہری بھی حج کرسکیں گے اور حج کے دوران بھی حفاظتی اقدامات کو یقینی بنایا جائیگا۔ وزرات کے مطابق دوران حج کی عازمین سلامتی کو یقینی بنانے کیلئے سماجی فاصلہ برقرار رکھا جائے گا تاکہ انسانی جان کے تحفظ سے متعلق اسلامی شریعت کے مقاصد پورے کیے جاسکیں۔

سعودی عرب کے سینئر علماءکونسل نے اسبات کی تائید کی ہے کہ حکومت نے حجاج کرام کی صحت اور تحفظ کے پیش نظر مملکت میں مقیم غیرملکیوں کی بہت ہی محدود تعداد کیلئے اس سال 1441 ھ میں حج کا فیصلہ کیا ہے۔ علما کونسل نے کہاہے کہ فیصلہ کیا کہ اجتماعات انفیکشن کی منتقلی کی سب سے بڑی وجہ ہے جس کی وجہ سے دنیا کرونا وبائی امراض کا شکار ہے اور اس کی روک تھام یا اس کو کم خدا تعالیٰ ہی کرے گا۔

 انہوں نے مزید کہا کہ اسلامی شریعت کے مطابق انسانی مفادات کیلئے موجودہ اعلان جائز ہیں ، اور مقاصد اور قواعد کے مطابق ہیں ، لہٰذا اعلیٰ علما کونسل اس کی حمایت کرتی ہے جسکا خادم حرمین شریفین حکومت نے اعلان کیا تاکہ عالمی سطح اس خطرناک وباءکے پھیلاو کو روکا جاسکے۔

دوسری جانب مملکت کی تمام مساجد نماز باجماعت کیلئے sopzکے ساتھ کھولدی گئی ہیں، تاہم مسجد الحرام میں جزوی طور پہ حرمین اسٹاف، سیکیورٹی،صحت وصفائی کاعملہ باجماعت نمازیں ادا کررہے ہیں جبکہ طواف کاسلسلہ
بھی جاری ہے، تاحکم ثانی عمرہ کی ادائیگی پر پابندی برقرار ہے۔

دریں اثناء پاکستان میں ترجمان وزارت مذہبی امور نے بتایاگ کہ سعودی عرب کے وزیر حج و عمرہ کا وزیر مذہبی امور پیر نور الحق قادری سے ٹیلی فون پر رابطہ ہوا ہے جس میں سعودی وزیر حج ڈاکٹر صالح بن بنتن نے حج سے متعلق فیصلے سے باضابطہ طور پر آگاہ کیا۔

ترجمان مذہبی امور عمران صدیقی نے بتایا کہ راوں سال سال صرف سعودی شہری اور اقامہ ہولڈر ہی حج ادا کر سکیں گے، انہوں نے بتایا کہ کورونا کے باعث سعودی حکومت نے غیر ملکی حجاج کی میزبانی سے معذرت کر لی، پاکستان میں وزارت مذہبی امور نے نئی صورتحال کے تحت ہنگامی اجلاس بلا لیا، عازمین حج کی رقوم کی واپسی سے متعلق طریقہ کار وضع کیا جائے گا۔

۔۔۔۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  9417
کوڈ
 
   
متعلقہ خبریں
سعودی عرب نے متحدہ عرب امارات جانے کے لیے اسرائیلی پروازوں کو اپنی فضائی حدود استعمال کرنے کی اجازت دے دی۔ غیر ملکی خبررساں ادارے (رائٹرز) کے مطابق ڈونلڈ ٹرمپ کے داماد اور وائٹ ہاوس کے سینیئر ایڈوائزر جیراڈ کشنر اور سعودی حکام
انصار اللہ نے سعودی عرب کے دارالحکومت ریاض کے شمال میں میزائل حملہ کیا ہے جبکہ سعودی ذرائع کا کہنا ہے کہ دارالحکومت ریاض میں دھماکے کی آواز سنی گئی ہے۔
گلف نیوز کے مطابق سعودی حکومت کورونا وائرس کے تیزی سے بڑھتے کیسز کے باعث رواں سال حج منسوخ کرنے کے بارے میں سنجیدگی سے غور کررہی ہے، سعودی وارت حج و عمرہ کے سینئیر افسر کے مطابق معاملے کا انتہائی سنجیدگی اور باریک بینی
عراق کے سیاسی و مذہبی رہنما مقتدی الصدر نے عراق سے امریکہ کے دہشتگرد فوجیوں کے انخلا پر سخت الفاظ میں تاکید کی ہے۔ امریکہ جنگ و دہشت گردی سے اپنا تسلط قائم کرنا چاہتا ہے۔

مقبول ترین
مقبوضہ بیت المقدس پر اسرائیلی جارحیت کے بعد غزہ کی جانب سے یروشلم پر راکٹ حملے کیے گئے ہیں جس کے جواب میں اسرائیل نے بھی غزہ پر فضائی حملہ کردیا، نتیجے میں تین بچوں سمیت 9 فلسطینی شہید ہوگئے۔ غیر ملکی خبر رساں ادارے
سعودی عرب اور ایران کے درمیان عوامی سطح پر پہلی بار بات چیت کی تہران نے تصدیق کی ہے۔ برطانوی خبر رساں ادارے رائٹرز کے مطابق ایرانی وزارت خارجہ کے ترجمان سعید خطیب زادہ نے نیوز کانفرنس کے دوران کہا کہ خلیج فارس خطے
پاکستان نے افغان طالبان کی جانب سے عیدالفطر کے احترام میں تین روزہ فائر بندی کے اعلان کا خیرمقدم کیا ہے۔ دفتر خارجہ کے ترجمان کی جانب سے جاری بیان میں کہا ہے کہ ہم ان تمام کوششوں کی مکمل حمایت کرتے ہیں جو تشدد میں کمی لانے کا باعث
ڈی جی آئی ایس پی آر نے کہا ہے کہ ملک کے 16شہروں میں کورونا کیسز کی شرح بہت زیادہ ہے، جہاں سول اداروں کی مدد کے لیے پاک فوج کی تعیناتی کردی گئی ہے۔ راولپنڈی میں نیوز کانفرنس سے خطاب میں ڈی جی آئی ایس پی آر میجر جنرل بابر افتخار

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں