ٹرمپ کی دھمکیاں

واشنگٹن - عالمی میڈیا رپورٹس کے مطابق امریکی صدر ڈونلڈ ٹرمپ نے ایران کو سخت ترین وارننگ دیتے ہوئے کہا ہے کہ اگر ایرانی جہاز ہماری ناکہ بندی کے قریب بھی آئے تو انہیں فوری طور پر تباہ کر دیا جائے گا۔ سوشل میڈیا پر جاری اپنے ایک بیان میں صدر ٹرمپ کا دعویٰ تھا کہ ایرانی بحریہ اب سمندر کی تہہ میں جا چکی ہے اور ایران کے 158 جہاز مکمل طور پر تباہ کیے جا چکے ہیں۔

ضرور پڑھیں: "امریکہ، ایران مذاکرات کسی حتمی معاہدے کے بغیر ختم"

انہوں نے واضح کیا کہ ہم نے ایران کے چند چھوٹے جہازوں کو نشانہ نہیں بنایا کیونکہ ان کے فاسٹ اٹیک شپس سے ہمیں کوئی بڑا خطرہ نہیں ہے، ہماری یہ کارروائی بالکل اسی طرح تیز اور انتہائی سخت ہے جیسے ہم سمندر میں منشیات سمگل کرنے والی کشتیوں کے خلاف کرتے ہیں، جس کے نتیجے میں امریکہ آنے والی 98.2 فیصد منشیات کو روک دیا گیا ہے۔

دوسری جانب ایرانی افواج کے ترجمان نے صدر ٹرمپ کے بیان پر سخت ردعمل دیتے ہوئے کہا ہے کہ خلیجی بندرگاہیں یا تو سب کے لیے محفوظ ہوں گی یا پھر کسی کے لیے بھی نہیں۔ انہوں نے بین الاقوامی پانیوں میں جہازوں پر امریکی پابندیوں کو غیر قانونی اور بحری قزاقی کے مترادف قرار دیتے ہوئے الزام عائد کیا کہ امریکہ عالمی قوانین کی خلاف ورزی کر رہا ہے۔

ترجمان کا مزید کہنا تھا کہ ایران اپنے قومی مفادات کے تحفظ کے لیے ہر ممکن قدم اٹھائے گا اور اگر ایرانی بندرگاہوں یا بحری راستوں کو نشانہ بنایا گیا تو اس کے اثرات پورے خطے پر پڑیں گے جس کی تمام تر ذمہ داری امریکہ پر ہوگی۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ