ایرانی پاسداران انقلاب نے دعویٰ کیا ہے کہ گزشتہ 24 گھنٹوں کے دوران 4 امریکی میزائل شکن دفاعی ریڈار تباہ کر دیے گئے ہیں۔ ایرانی حکام کے مطابق حالیہ کارروائیوں میں مختلف فوجی اہداف کو نشانہ بنایا گیا۔

غیر ملکی خبر رساں اداروں کے مطابق ایرانی حملوں کے نتیجے میں تل ابیب میں کئی عمارتیں بھی تباہ ہوئیں۔ پاسداران انقلاب کا کہنا ہے کہ گزشتہ ایک دن کے دوران کارروائیوں میں امریکی افواج کو بھی نقصان پہنچا اور متعدد فوجی ہلاک یا زخمی ہوئے۔

ایرانی حکام کے مطابق بحرین میں واقع نیول اڈے پر حملے میں 21 امریکی اہلکار مارے گئے جبکہ حیفا کی آئل ریفائنری کو بھی نشانہ بنایا گیا۔ تہران کی ریفائنری پر حملے کے بعد یہ کارروائی کی گئی جبکہ ایک امریکی آئل ٹینکر کو بھی نشانہ بنانے کا دعویٰ کیا گیا ہے۔

دوسری جانب اسرائیلی وزارت صحت نے تصدیق کی ہے کہ ایران کے ساتھ جنگ شروع ہونے کے بعد سے اب تک اسرائیل میں 1900 سے زائد زخمیوں کو اسپتال منتقل کیا جا چکا ہے۔ ادھر چینی خبر ایجنسی کے مطابق ایرانی حملے کے دوران متحدہ عرب امارات کی ایک ٹگ بوٹ سمندر برد ہو گئی جس کے نتیجے میں عملے کے تین افراد لاپتا جبکہ ایک شدید زخمی بتایا جا رہا ہے۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ