آبنائے ہرمز کھلوانے کی قرارداد ویٹو

جنیوا - اقوام متحدہ کی سلامتی کونسل میں آبنائے ہرمز کو دوبارہ کھولنے کے حوالے سے پیش کی گئی بحرین کی قرارداد کو چین اور روس نے ویٹو کر دیا ہے۔ غیر ملکی خبر رساں ادارے کے مطابق سلامتی کونسل کے اہم اجلاس میں اس قرارداد کے حق میں 11 ارکان نے ووٹ دیا، جبکہ فرانس سمیت چین اور روس نے اس کے مسودے کی سخت مخالفت کی۔ سلامتی کونسل کے دو ارکان نے ووٹنگ کے عمل میں حصہ نہیں لیا، جبکہ دیگر 10 غیر مستقل اراکین کے درمیان بھی اس قرارداد پر واضح اختلافات پائے گئے۔

ضرور پڑھیں: ڈیجیٹل فراڈ سے کیسے بچیں؟ مکمل رہنمائی کے لیے کلک کریں

اگر یہ قرارداد منظور ہو جاتی تو اقوام متحدہ کے رکن ممالک کو یہ قانونی اختیار مل جاتا کہ وہ آبنائے ہرمز کو کھلوانے کے لیے فوجی یا دیگر ضروری اقدامات کر سکیں۔ تاہم، چین اور روس کے ویٹو پاور استعمال کرنے سے یہ کوشش ناکام ہو گئی ہے۔ یاد رہے کہ 28 فروری کو ایران پر امریکہ اور اسرائیل کے مشترکہ حملے کے بعد سے آبنائے ہرمز بند ہے، جس کی وجہ سے عالمی تجارت اور تیل کی ترسیل شدید متاثر ہو رہی ہے۔

دوسری جانب، ایرانی وزیر خارجہ عباس عراقچی نے اس صورتحال پر ردعمل دیتے ہوئے واضح کیا ہے کہ آبنائے ہرمز جیسے حساس معاملے پر ووٹنگ جیسے اقدامات کشیدگی کو کم کرنے کے بجائے صورتحال کو مزید پیچیدہ بنا دیں گے۔ ایران کا موقف ہے کہ خطے کے مسائل کا حل بیرونی مداخلت کے بجائے مقامی سطح پر مذاکرات کے ذریعے ہی ممکن ہے۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ