افغانستان میں پاکستانی فورسز کی کارروائیاں

اسلام آباد - وفاقی وزیر اطلاعات عطا تارڑ نے 'آپریشن غضب للحق' کی تازہ ترین تفصیلات جاری کرتے ہوئے بتایا ہے کہ اس آپریشن میں اب تک فتنہ الخوارج اور افغان طالبان کے 796 دہشت گرد ہلاک جبکہ 1,043 زخمی ہو چکے ہیں۔

عطا تارڑ کے مطابق پاکستانی فورسز نے افغان طالبان کی 286 چوکیوں کو تباہ کر دیا ہے اور 44 پر قبضہ کر لیا ہے۔ اس کارروائی کے دوران دشمن کے ٹینک، بکتر بند گاڑیاں، توپیں اور ڈرون بھی تباہ کیے گئے۔ انہوں نے مزید بتایا کہ فضائی کارروائیوں میں دہشت گردوں اور ان کے سہولت کاروں کے 81 ٹھکانوں کو نشانہ بنایا گیا ہے۔

ضرور پڑھیں: آپریشن غضب للحق: تاحال 663 افغان طالبان ہلاک اور 887 زخمی، کابل میں ایمونیشن ڈمپ، قندھار میں آئل اسٹوریج تباہ

وزیر اطلاعات نے بتایا کہ 3 اپریل کی رات غلام خان سیکٹر میں سرحدی چوکی پر حملے کی کوشش کو مکمل طور پر ناکام بنا دیا گیا ہے۔ اس جھڑپ میں افغان طالبان اور فتنہ الخوارج کو بھاری جانی نقصان اٹھانا پڑا، جس میں 37 ہلاک اور 80 سے زائد زخمی ہوئے۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ