اسلام آباد ۔ بھارت کی ایک اور فالس فلیگ آپریشن کی سازش بے نقاب ہوگئی ہے۔ میڈیا رپورٹس کے مطابق ذرائع کا کہنا ہے کہ بھارت ایک اور فالس فلیگ آپریشن کی تیاری کر رہا ہے۔ اطلاعات ہیں کہ بھارت غلطی سے سرحد پار کرنے والے بے گناہ پاکستانیوں، بالخصوص کشمیریوں، کو اس سازش میں زبردستی استعمال کرنے کا منصوبہ بنا رہا ہے۔

ذرائع کے مطابق بھارتی قید میں اس وقت سیکڑوں بے گناہ پاکستانی، جن میں کشمیری بھی شامل ہیں، موجود ہیں۔ مزید کہا گیا ہے کہ بھارتی فوج اپنے مذموم مقاصد کے لیے مختلف جیلوں سے چند قیدیوں کو نکال رہی ہے۔

یہ بھی اطلاعات ہیں کہ اس مبینہ گھناؤنی سازش میں بعض بھارتی شہریوں کو بھی استعمال کیا جا سکتا ہے۔

میڈیا رپورٹس کے مطابق سفارتی میدان میں ناکامی اور پاکستان سے توجہ ہٹانے کے لیے بھارت ایک بار پھر پرانا ہتھکنڈہ استعمال کرنے جا رہا ہے، جبکہ “را” کی نگرانی میں اس منصوبے کو ترتیب دیے جانے کا بھی دعویٰ کیا جا رہا ہے۔

ذرائع کا کہنا ہے کہ بھارت اس پروپیگنڈے میں بھی ناکام ہوگا اور حقیقت دنیا کے سامنے آئے گی۔ واضح رہے کہ پلوامہ حملے کے بعد بھی بھارت تاحال کئی سوالات کے واضح جوابات دینے میں ناکام رہا ہے۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ