آبنائے ہرمز دوبارہ بند

تہران - اسرائیل کی جانب سے جنگ بندی کی مبینہ خلاف ورزیوں کے ردعمل میں ایران نے تزویراتی طور پر اہم ترین تجارتی راستہ "آبنائے ہرمز" ایک بار پھر بند کر دیا ہے۔ خلیج میں موجود متعدد بین الاقوامی آئل ٹینکرز اور مال بردار جہازوں کو ایرانی بحریہ کی جانب سے ہنگامی پیغامات موصول ہونا شروع ہو گئے ہیں، جن میں انہیں پیش قدمی سے روک دیا گیا ہے۔

ضرور پڑھیں: جنگ بندی امریکہ کی ’مکمل اور شاندار فتح‘ ہے، ڈونلڈ ٹرمپ

میڈیا ذرائع کے مطابق، ایرانی حکام نے واضح کیا ہے کہ اب آبنائے ہرمز سے گزرنے والے کسی بھی جہاز کو ایران سے پیشگی اجازت لینا ہوگی۔ ایران نے دوٹوک انتباہ جاری کیا ہے کہ بغیر اجازت گزرنے کی کوشش کرنے والے جہازوں کو نشانہ بنا کر تباہ کر دیا جائے گا۔ اس اقدام سے عالمی منڈی میں تیل کی قیمتوں اور سپلائی لائن کے حوالے سے شدید تشویش پیدا ہو گئی ہے۔

دوسری جانب، امریکی صدر ڈونلڈ ٹرمپ نے اہم بیان جاری کرتے ہوئے کہا ہے کہ لبنان اس وقت جاری جنگ بندی کے معاہدے کا حصہ نہیں ہے۔ ٹرمپ کے مطابق، حزب اللہ کی موجودگی کی وجہ سے لبنان کو اس عمل سے الگ رکھا گیا ہے اور اس معاملے کو ایک الگ تناظر میں دیکھا جائے گا۔ مشرقِ وسطیٰ کی صورتحال ایک بار پھر انتہائی کشیدہ ہو گئی ہے جس نے حالیہ سفارتی کامیابیوں کو خطرے میں ڈال دیا ہے۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ