امریکی صدر ڈونلڈ ٹرمپ نے ایران کو ایک بار پھر سخت خبردار کرتے ہوئے کہا ہے کہ وہ آبنائے ہرمز کو فوری طور پر کھولے، بصورتِ دیگر امریکا ایرانی تیل کے کنوؤں اور بجلی گھروں کو نشانہ بنا سکتا ہے۔

اپنے بیان میں انہوں نے کہا کہ امریکا ایران میں ایک نئی اور زیادہ معقول حکومت کے ساتھ سنجیدہ مذاکرات کر رہا ہے تاکہ ممکنہ امریکی فوجی کارروائیوں کا خاتمہ کیا جا سکے۔

سوشل میڈیا پر جاری پیغام میں ٹرمپ نے لکھا کہ کافی پیش رفت ہو چکی ہے، تاہم اگر کسی وجہ سے جلد معاہدہ نہ ہو سکا اور آبنائے ہرمز فوری طور پر نہ کھولی گئی تو امریکا ایران میں اپنی موجودگی کا اختتام ان کے تمام بجلی پیدا کرنے والے پلانٹس، تیل کے کنوؤں اور خارگ جزیرے کو تباہ کر کے کرے گا۔ انہوں نے مزید کہا کہ پانی صاف کرنے والے پلانٹس کو بھی نشانہ بنایا جا سکتا ہے۔

انہوں نے مزید کہا کہ یہ اقدام ان تمام امریکی فوجیوں اور شہریوں کی ہلاکت کا بدلہ ہوگا جنہیں ایران نے گزشتہ 47 برس کے دوران دہشت گردی کے واقعات میں نشانہ بنایا۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ