تہران - ایران نے امریکا کو خبردار کیا ہے کہ اگر اس نے ایران کے خلاف کسی بھی قسم کی زمینی کارروائی کی تو امریکی فوجیوں کو سنگین نتائج کا سامنا کرنا پڑے گا۔ ایرانی فوج کے خاتم الانبیا ہیڈکوارٹرز کے ترجمان، ابراہیم ذوالفقاری نے کہا ہے کہ ایسی کسی بھی مہم جوئی کی صورت میں امریکی فوجی ’’خلیج فارس کی شارک مچھلیوں کی خوراک بن جائیں گے‘‘۔

انہوں نے اپنے بیان میں امریکی صدر ڈونلڈ ٹرمپ کی جانب سے زمینی کارروائی اور خلیج فارس کے جزائر پر قبضے سے متعلق بیانات کو غیر حقیقت پسندانہ قرار دیتے ہوئے کہا کہ یہ محض دھمکیاں ہیں جن کا زمینی حقائق سے کوئی تعلق نہیں۔

ترجمان کا کہنا تھا کہ ایران پر حملے کی کسی بھی کوشش کے نتائج امریکی افواج کے لیے نہایت ذلت آمیز اور تباہ کن ہوں گے۔ انہوں نے مزید کہا کہ خطے میں تعینات امریکی فوجی پہلے ہی خطرات میں گھرے ہوئے ہیں اور کسی بھی نئی مہم جوئی سے ان کی مشکلات میں مزید اضافہ ہوگا۔

ابراہیم ذوالفقاری نے امریکی قیادت کو مشورہ دیا کہ وہ ایران کی تاریخ سے سبق حاصل کرے اور ماضی میں غیر ملکی حملہ آوروں کے انجام کو مدنظر رکھے۔ ان کا کہنا تھا کہ غلط فیصلے بڑے پیمانے پر جانی نقصان کا سبب بن سکتے ہیں۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ