Sunday, 25 September, 2022
شہیر حیدر سیالوی نے اپنی سیاسی جماعت کا اعلان کردیا

شہیر حیدر سیالوی نے اپنی سیاسی جماعت کا اعلان کردیا

اسلام آباد . سابق طلباء رہنما شہیر حیدر سیالوی نے سوموار کو نیشنل پریس کلب اسلام آباد میں پرہجوم پریس کانفرنس کے دوران پاکستان نظریاتی پارٹی کے نام سے نوجوانوں کی نمائندہ سیاسی جماعت کا اعلان کیا، شہیر حیدر سیالوی نے اس موقع پر گفتگو کرتے ہوئے میڈیا نمائندگان کو بتایاکہ انہوں نے گزشتہ دس سال طلباء سیاست میں نوجوانوں اور ملکی مسائل کیلئے محنت اور لگن سے کام کیا اور اس عرصہ میں انہیں مختلف کٹھن مراحل سے گزرنا پڑا جس میں دو دفعہ انہیں گرفتار بھی کیا گیا اور سلاخوں کے پیچھے بند کیا گیا مگر وہ اپنے مشن سے نہ پیچھے ہوئے ہیں اور نہ ہوں گے۔

پاکستان نظریاتی پارٹی بانیان پاکستان کے نظریے کے مطابق پاکستان کو حقیقی اور فلاحی ریاست بنائے گی،امیر غریب کی تفریق کو ختم کرنا ہمارا یک نقطہ ایجنڈا ہے، یکساں نصاب تعلیم کے ساتھ سرکاری افسران کے بچے سرکاری اسکولوں میں پڑھیں گے تو طبقاتی نظام کا خاتمہ ہوگا،میٹرک تک تعلیم مفت اور لازمی قرار دیں گے سی ایس ایس سمیت تمام امتحان اور تعلیم قومی زبان اردو میں ہوگی البتہ پانچ بڑی زبانوں انگریزی، چائنیز، عربی، جرمن اور فرانسسی میں سے کوئی ایک زبان سیکھنا لازمی ہوگا۔

نیشنل پریس کلب اسلام آباد میں پریس کانفرنس کہتے ہوئے شہیرحیدر سیالوی نے کہا کہ وہ معاشی اصطلاحات کا جامع پلان رکھتے ہیں،برآمدات کو بڑھا کو درآمدات کو کم کرنے کیلئے خصوصی اقدامات کریں گے،زرعی اصلاحات،جاگیردانہ،بدعنوانی،موروثی سیاست کا خاتمہ پارٹی کی اولین  ترجیح ہے۔انتخابات میں کارکردگی اور تعلیم کی بنیاد پر نوجوانوں کو ترجیح بنیادوں پر ٹکٹ جاری کئے جائیں گے۔

ملکی خارجہ امور پر بات کرتے ہوئے ان کا کہنا تھا کہ پاکستان نظریاتی پارٹی برابری کی بنیاد پر تمام ہمسایہ ممالک سے تعلقات استوار کرنے کی حامی ہے۔ملکی دفاع پر بات کرتے ہوئے ان کا کہنا تھا کہ کسی بھی ملک کو بقا کیلئے جہاں اچھی معیشت کا ہونا ضروری ہے وہیں ناقابل تسخیر دفاع کی بھی اتنی ہی اہمیت ہے،اس سلسلے میں موجودہ صورتحال برقرار رکھی جائے گی۔اقلیتوں کے حقوق پر بات کرتے ہوئے انہوں نے کہا کہ اسلامی اصولوں کے مطابق پاکستان میں تمام اقلیتوں کوان کے مذہب کے مطابق جینے کا حق دیا جائے گا،تاہم اس بات کا بھی خیال رکھا جائے گا کہ کوئی کسی دوسرے کے مذہب کی توہین بھی نہ کرے۔

ایک سوال کے جواب میں شہیر سیالوی کا کہنا تھا کہ وہ بلدیاتی وعام انتخابات میں بھرپور طریقے سے حصہ لیں گے اور ہم خیال جماعتوں سے اتحاد بھی کریں گے۔پاکستان نظریاتی پارٹی کا منشور بیان کرتے ہوئے شہیرسیالوی کا مزید کہنا تھا کہ موجودہ فرسودہ نظام کی تبدیلی،تعلیم،صحت اور انصاف کی فراہمی اور انسانی حقوق کیلئے ضلع کی سطح پر مانیٹرنگ اور شرعی عدالتوں کا قیام اولین ترجیح ہوگا،نوجوانوں بالخصوص خواتین کیلئے ہنرکی تعلیم کے زیادہ مواقع فراہم کریں گے،پولیس اصطلاحات اور خصوصی افراد کیلئے اقدامات کرنے کے ساتھ بیرونی سودی قرضوں سے فوری چھٹکارا حاصل کرنے کیلئے قومی آمدن پر ہی اکتفا کریں گے۔

۔۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر [email protected] پر ای میل کر سکتے ہیں۔ ادارہ

اپنا تبصرہ دینے کے لیے نیچے فارم پر کریں
   
نام
ای میل
تبصرہ
  79436
کوڈ
 
   
متعلقہ خبریں
صدر مملکت ڈاکٹر عارف علوی نے تحریک انصاف کے چیئرمین عمران خان کے بیان پر ردعمل کا اظہار کرتے ہوئے کہا ہے کہ عمران خان اپنے بیان کی خود وضاحت کریں، ان کے کہنے کا کیا مقصد تھا؟
ملک کے مختلف علاقوں میں ہونے والی موسلا دھار بارشوں اور سیلاب کے باعث مرنے والوں کی تعداد 1136 ہوگئی جب کہ متاثرین کی مجموعی تعداد 3 کروڑ 30 لاکھ سے تجاوز کر گئی۔ این ڈی ایم اے کی جانب سے جاری رپورٹ کے مطابق
قائدِ ملت جعفریہ پاکستان علامہ سید ساجد علی نقوی نے کہا ہے کہ ملک تاریخ کے نازک ترین دور سے گزر رہا ہے ایک جانب ملک سیاسی و معاشی بحران کا شکار ہے تو دوسری جانب عوام کی شہری و مذہبی آزادیوں کو سلب کرنے کی کوششیں کی جا رہی ہیں۔ عزاداری سید الشہداء پر ایف آئی آرز،
صدر مملکت عارف علوی نے قومی اسمبلی اور سینیٹ سے منظور ہونے والے نیب اور الیکشن ترمیمی بلز منظوری کے بجائے واپس بھیجتے ہوئے ان پر نظرثانی کی ہدایت کردی۔ میڈیا کے مطابق صدر مملکت اور وفاقی حکومت کے درمیان سرد جنگ برقرار ہے، صدر مملکت نے نیب اور الیکشن ترمیمی بلز بغیر

مقبول ترین
برطانیہ کی ملکہ الزبتھ دوم مختصر علالت کے بعد 96 برس کی عمر میں انتقال کرگئیں۔ بی بی سی کی رپورٹ کے مطابق ڈاکٹروں نے ان کی صحت کے بارے میں تشویش کا اظہار کیا تھا جس کے بعد رائل فیملی کے افراد نے بکنگم پیلس میں آنے شروع کردیا تھا۔
صدر مملکت ڈاکٹر عارف علوی نے تحریک انصاف کے چیئرمین عمران خان کے بیان پر ردعمل کا اظہار کرتے ہوئے کہا ہے کہ عمران خان اپنے بیان کی خود وضاحت کریں، ان کے کہنے کا کیا مقصد تھا؟
پاک فوج کے شعبہ تعلقات عامہ (آئی ایس پی آر) نے پاکستان تحریک انصاف (پی ٹی آئی) کے چیئرمین اور سابق وزیراعظم عمران خان کے بیان پر ردعمل دیتے ہوئے کہا کہ پاک فوج کی سینئر قیادت کو متنازع بنانے کی کوشش افسوسناک ہے۔
عالمی مالیاتی ادارے (آئی ایم ایف) نے پاکستان کو قرض کی ادائیگی سے متعلق پروگرام کی منطوری دے دی۔ وفاقی وزیر خزانہ نے سماجی روابط کی ویب سائٹ ٹوئٹر پر آئی ایم ایف کی جانب سے دی جانے والی منظوری سے متعلق کہا کہ

پاکستان
 
آر ایس ایس
ہمارے پارٹنر
ضرور پڑھیں
ریڈرز سروس
شعر و ادب
مقامی خبریں
آڈیو
شہر شہر کی خبریں