بینکاک — تھائی لینڈ میں ایک مقابلۂ حسن کے دوران پیش آنے والے غیر متوقع واقعے نے سب کی توجہ اپنی جانب مبذول کر لی، جب ایک امیدوار کے نقلی دانت اچانک باہر آ گئے۔

اطلاعات کے مطابق "مس گرینڈ تھائی لینڈ" کی ایک امیدوار کے ساتھ اسٹیج پر اس وقت دلچسپ صورتحال پیدا ہوئی جب وہ اپنی تعارفی تقریر کر رہی تھیں اور اچانک ان کے نقلی دانت گر گئے۔ 18 سالہ ماڈل کامولوان چناگو تقریر کے دوران تھیں کہ ان کے دانتوں پر لگے وینیئرز ڈھیلے ہو کر باہر آ گئے۔

اس صورتحال میں انہوں نے چند لمحوں کے لیے بولنے میں دشواری محسوس کی، پھر کیمرے سے رخ موڑ کر انہیں دوبارہ درست کیا۔ اس غیر معمولی لمحے کے باوجود کامولوان نے بھرپور پیشہ ورانہ مہارت کا مظاہرہ کیا اور اعتماد کے ساتھ اسٹیج پر اپنی واک مکمل کی۔

امیدوار کے پُراعتماد اور پروفیشنل رویے نے حاضرین کے دل جیت لیے، اور ہال تالیوں سے گونج اٹھا۔

واقعے کی ویڈیو سوشل میڈیا پر وائرل ہو گئی، جہاں صارفین نے ان کے حوصلے اور پیشہ ورانہ انداز کو خوب سراہا۔

یہ واقعہ مقابلے کے ابتدائی مرحلے کے دوران پیش آیا، جبکہ فاتح کا اعلان ہفتے کے روز کیا جائے گا۔ جیتنے والی امیدوار "مس گرینڈ انٹرنیشنل 2026" میں تھائی لینڈ کی نمائندگی کریں گی، جو بھارت میں منعقد ہوگا۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ