واشنگٹن - امریکا نے پاکستانی سیلاب متاثرین کیلیے 10 کروڑ ڈالرز کی اضافی امداد کا اعلان کردیا۔ امریکی محکمہ خارجہ کے ترجمان نے بتایا کہ حکومت نے پاکستانی سیلاب متاثرین کی بحالی اور اقدامات کیلیے امدادی رقم بڑھانے کا فیصلہ کیا ہے جس کے تحت اب پاکستان کو 20 کروڑ ڈالر امداد دی جائے گی۔

امریکی محکمہ خارجہ کے ترجمان نے کہا کہ رقم سیلاب سے حفاظت، فوڈ سیکیورٹی کیلیے استعمال ہوگی۔

واضح رہے کہ پاکستان میں آنے والے بدترین سیلاب کے بعد مختلف ممالک کی جانب سے متاثرین کی بحالی اور اقدامات کیلیے پاکستان کو خطیر رقم دی گئی ہے جبکہ ایک روز قبل جینیوا میں پاکستان کی میزبانی میں ہونے والی کانفرنس میں مختلف ممالک میں 9 ارب ڈالرز سے زائد امداد دینے کی یقین دہانی کرائی ہے۔

وزیراعظم شہباز شریف نے عالمی ڈونر کانفرنس میں ملنے والی رقم پر کہا کہ پاکستان کو اتنی خطیر رقم ملنا غیبی امداد سے کم نہیں ہے اور یہ دنیا کا اتحادی حکومت پر اعتبار کا اظہار بھی ہے۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ