ونلڈ ٹرمپ کی پھر ایران کو دھمکی

واشنگٹن - امریکی صدر ڈونلڈ ٹرمپ نے ایران کے حوالے سے ایک بار پھر انتہائی سخت اور سنسنی خیز بیان جاری کرتے ہوئے خبردار کیا ہے کہ آج رات ایران کی پوری تہذیب ہمیشہ کے لیے ختم ہو سکتی ہے۔

اپنے سوشل میڈیا پلیٹ فارم 'ٹروتھ سوشل' پر ایک پوسٹ میں صدر ٹرمپ نے لکھا کہ آج رات تاریخ کا ایک ایسا باب بند ہو سکتا ہے جسے دوبارہ کبھی واپس نہیں لایا جا سکے گا۔ انہوں نے کہا کہ وہ خود ایسا نہیں چاہتے لیکن حالات بتاتے ہیں کہ ایسا ہونے کا قوی امکان ہے۔

ضرور پڑھیں: شاید کل: "سعودی پر حملے کشیدگی بڑھا رہے ہیں،کور کمانڈر کانفرنس"

ڈونلڈ ٹرمپ کا کہنا تھا کہ ایران میں 47 سالہ خونریزی، بدعنوانی اور اموات کی تاریخ اب اپنے اختتام کے قریب ہے۔ انہوں نے اشارہ دیا کہ ایران میں 'رجیم چینج' (حکومت کی تبدیلی) کے بعد اب وہاں زیادہ ذہین اور کم انتہا پسند سوچ رکھنے والے لوگ سامنے آ سکتے ہیں، جو شاید کسی انقلابی اور شاندار تبدیلی کا پیش خیمہ ثابت ہوں۔

ٹرمپ نے اسے دنیا کی پیچیدہ تاریخ کا اہم ترین لمحہ قرار دیتے ہوئے ایرانی عوام کے لیے نیک خواہشات کا اظہار بھی کیا۔

واضح رہے کہ اس سے قبل ایک پریس کانفرنس کے دوران بھی صدر ٹرمپ نے دھمکی دی تھی کہ امریکہ ایران کو صرف ایک رات میں تباہ کرنے کی صلاحیت رکھتا ہے اور یہ کارروائی منگل کی رات بھی ہو سکتی ہے۔

انہوں نے ایران میں ایک بڑے سرچ اینڈ ریسکیو آپریشن کی کامیابی کا دعویٰ کرتے ہوئے کہا کہ امریکہ اپنے اہداف حاصل کرنے میں کامیاب رہا ہے اور وہ کسی بھی صورت اپنی حکمتِ عملی سے پیچھے نہیں ہٹیں گے۔

۔۔۔۔۔۔۔۔۔۔۔۔۔۔۔
نوٹ: مبصر ڈاٹ کام ۔۔۔ کا کسی بھی خبر سے متفق ہونا ضروری نہیں ۔۔۔ اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔ علاوہ ازیں آپ بھی اپنا کالم، بلاگ، مضمون یا کوئی خبر info@mubassir.com پر ای میل کر سکتے ہیں۔ ادارہ